الموضوع: التغيير من معدنى لتخليقى

عربيتك ماشية كام!

ماشيه 34000

المشاركة الأصلية كتبت بواسطة megaman

ماشيه 34000

يعني ما شاء الله الموتور جديد.........انا كنت باسأل علشان لو ماشية 80000 ولا أكتر لو غيرت وحطيت تخليقي ممكن يعمل عندك تهريب من الاويل سيلز..........انما كده مافيش مشكلة ان شاء الله.........الافضل(وليس اجباري) انك تعمل فلش قبل التغيير علشان بيخفف الزيت وبيسيله زيادة فتتأكد ان الزيت المينرال نزل كله وتحط بعديه ال تخليقي لا ن الزيتين حسب معلوماتي غير متوافقين مع بعض(لا يمتزجوا مع بعض).

وعليكم السلام ورحمة الله
ايوه تمام .......بس أفضل زيت لعربيتك مش هاقدر اقولك بالظبط علي نوع معين.......بس مبدايا الزيوت ذات الاسم المعروف كلها متقاربة من بعض......أنا لومكانك لوفيه 15-40او50 هافضله عن 20-50.......بشرط مايكونش فيه تسريب زيت في الموتور حاليا من الاويل سيلز........لان كل متكان الزيت اخف كل ماهيزيد التسريب.

انا رأيي الشخصي سيان وسيبك من الميكانيكيه وكلامهم ان 10000 وحش وبياكل المكنه والهجايص دي انا عربيتي سويفت 94 وباحط على طول زيت 10000 وبانزله بعد 12000 بس باركب لها فلتر ياباني اصلي ب 35 جنيه والعربية بتبقى كويسه الحمد لله....بس انا ليه ملاحظات الا وهي ان التخليقي بكافة الاشكال احسن للموتور لانه اسرع في الوصول الكل اجزاء المحرك وبالذات عند بدء التشغيل وحتي بيسهل التدوير الصبح ...مثلا عندي ماشاء الله العربية لمبة الزيت ممكن تطفى قبل ما المكنة تلقط...يعني من دوارة المارش بس...وطبعا من المعروف انك لازم متتحركش بالعربية بالذات لو مبيته الا بعد ما تسخن حتى لو نص دقيقة عشان الاحتكاك بيكون في اعلى صوره في المرحلة دي وبالتالي بكده يبقى بيحافظ عالموتور ايا ما يكون عمره بالاضافة لكون معامل لزوجته مش بيتغير كتير ما بين سخونة العربية وبرودتها يعني بيديك لزوجة ثابتة
وعندي سؤال .... هو محدش سأل نفسه همه ليه اتجهوا لتصنيع او تخليق الزيوت جوه المعمل وكلفوا نفسهم ابحاث ودراسات...الفكرة ان الزيت المعدني بيحتوي على الاف المركبات اللي بيحصل لها نوع من البلمرة تحت ظروف التشغيل من سخونة وضغط واحتكاكات ويتحول جزء من الزيت بمرور الوقت لما يشبه الشمع ويبدأ هذا الشمع بالترسب عند اطفاء العربية وينصهر عند التشغيل وبمرور الزمن يزداد تراكم هذه الشموع على اجزاء المحرك المختلفة مما يكسو اجزاء المحرك من الداخل بالسواد وايضا يجعلك في الصباح لازم تسخن وقت اطول عشان تفك الترسبات...على العكس في التخليقي...هو متحضر في المعمل وبالتالي كل جزئ موجود معروف ما هية تركيبه وتم انتقاء المركبات المطلوبة للتزييت فقط دون غيرها مما يخفض بشكل كبير تكوين المواد الشمعية والشحوم ويحافظ الزيت على تركيبته بعد مرور وقت كبير مما يجعل الزيت قادر على العمل لحد 10000 كيلو ويقال ان موبيل وان تم تجربته في سيارة لمسافة 68000 كيلو دون تغيير(والعهدة على الراوي) ...كما ايضا الزيت التخليقي تمت اضافة مواد لتنظيف اجزاء المحرك ومنع تكون الشحوم والشمع...
مما سبق نستنتج ان الزيت التخليقى افضل بكثيــــــــر جدا من الزيت المعدني ويحافظ عالموتور بشكل اكبر والفيصل هو هل المكنة عند بتاكل زيت؟؟؟ مثلاانا عندي ممكن بعد 10000 ماشاء الله الاقيه ناقص اقل من ربع كيلو...يبقى اذن ليه ماحطش زيت تخليقى؟؟؟...وكمان لاحظت ان اما باجي افتح الفتحة بتاع تزويد الزيت كان عمود الكامة اول ماجبت العربية من سنة لون اسود...دلوقتي بدون مبالغة ماشاء الله بالاقي حتت كتير منه رجعت فضية بلون الحديد اللامع...يبقى كده الزيت شغال وانا جربت نوعين موبيل وان وهيليكس الترا لاحظت ان هيليكس الترا بيهدي صوت العربية جامد بس عمره قصيــــر شوية...بينما وان بيكمل 10000 ويزيد....أهم حاجة تجيب فلتر يستحمل