فزورة جامدة موووت

**OmarElsalhy** · 18-05-2010 11:11 PM

ياجماعة عندنا 5 بيوت من الشمال لليمين كل بيت ليه
1- رقم من واحد لخمسة (مترتبين من الشمال لليمين)
يعني كده 5-4-3-2-1
2- كل بيت ليه لون مختلف عن الباقي
3- كل ساكن من سكان البيوت دي ليه جنسية مختلفة.
4- كل ساكن بيدخن نوع سجاير مختلفة.
5- وكل ساكن بيربي نوع حيوان مختلف
6- وكل ساكن بيشرب مشروب معين

تمام يارجالة هنديكوا 15 معطي وبعد المعطيات دي هقولكوا ايه المطلوب

1- البريطاني ساكن في البيت الاحمر
2- السويدي بيربي كلاب.
3- الايرلندي بيشرب شاي
4-البيت الاخضر علي يسار البيت الابيض
5- الشخص الي بيدخن سجاير بالمال بيربي طيور
6- الشخص الساكن في البيت الاصفر بيدخن سجاير دانهيل
7- الساكن في البيت رقم 3 بيشرب حليب.
8- النرويجي ساكن في البيت رقم 1
9- منزل الساكن الي بيدخن سجاير بلندز بجوار منزل الساكن الذي يربي القطط
10- منزل الساكن الذي يربي الخيول بجوار منزل الساكن الذي يدخن سجاير دانهيل.
11- الساكن في المنزل الاخضر بيشرب قهوة
12- السامن الذي يدخن سجاير بلومستر يشرب بيرة
13- الالماني بيدخن سجاير برينس.
14 النرويجي يسكن في المنزل الذي بجوار المنزل الازرق.
15- الساكن الذي يدخن سجاير بلندز يسكن بجوار السامن الذي يشرب مياه.

المطلوب معرفة من هو الشخص الذي يربي السمك ومنزله واللون ....... الخ

اينشتاين قال ان 2% بس من البشر قادرين علي حل هذه الفزورة ياله يارجالة ورونا الهمه

**M.Osman** · 18-05-2010 11:41 PM

ههاجر يعني ههاجر حتي لو اخردقيقتين في عمري برضه ههاجر.....سايبهالكوا مخضرة

**zidaneelwaly** · 18-05-2010 11:47 PM

لا يا عم سيبني لبكره كده و هرد عاليك
و علي فكره انا من ال3 % ألي ممكن يحلوها بس بعد مده

**yasserelsayad** · 19-05-2010 12:05 AM

على فكرة كان فى موضوع من فترة باردوا كان نفس الفزورة دى

**OmarElsalhy** · 19-05-2010 12:14 AM

المشاركة الأصلية كتبت بواسطة esraatefa

بعد تفكير عميييييييييييق
اعتقد ان دا الحل ويارب يكون صح ومتكنش الامتحانات اثرت عليا

الشخص الذى يربى السمك هو الالمانى الذى يسكن البيت الخامس ولونه اخضر وبيشرب قهوة وسجاير بيرنس :u_thin1[1]:

انا مش عارف اقول غير الله الله الله وانا الي كنت هاري نفسي كتابة وفرحان قوي بيها

عيني عليكي باردة