الغربله فى الفيات 128

**mohamed9999** · 19-05-2010 10:19 AM

انا عندى مشكلتين
1- انى بعد ما اعدى 90كم العربيه بتتهز منى جامد و بتحصل غربله للعجلتين اللى قدام لدرجه ان الدركسيون و العربيه كلها بتترج جامد و ما تثبتش غير لما اخفف السرعه و امشى على 90 او 80كم
ركبتلها رنجات عشان الجنوط و رصصت ولسه المشكله موجوده .......
2- كنت عملت حشو لعلبة الدركسيون من اسبوعين و الدركسيون بقى عامل زى بتاع العربيه النقل تقيل موت و العفشجى قاللى هيخف مع الوقت و لما كنت بظبط الزوايا و ارصص العجل الراجل قاللى الدركسيون تقيل ليه قلتله عشان عامل حشو لعلبة الدركسيون قام مهويها شويه الدركسيون رجع خفيف زى الاول و بقى كويس هل دا صح ولا ايه ولا ارحله و اخلية يقرط عليه و يرجع تقيل زى الاول ....................يا ريت يا جماعه الرد عشان انا محتار

**mohamed9999** · 19-05-2010 02:04 PM

؟؟؟؟؟؟؟؟؟؟؟؟؟؟؟؟؟؟؟؟؟؟

**m_zizo620** · 19-05-2010 02:13 PM

مش عارف بس بص على الكاوتش و شوف اية اخباره

**م.محمد علاء** · 19-05-2010 02:19 PM

حشوة الإسكاترا أو حشوة علبة الدركسيون فى بداياتها بتكون تقيله و مديه إحساس عالى بالثبات بالعربيه على الطريق السريع..بحكم إن الحشوه جديده..المفروض إنها مع مرور الوقت بتطبع مع الدركسيون وبتبدأ تكون ناعمه مع مرور الوقت..
ومن الخطأ انك خليته يهويها شويه....
لازم تقرص عليها تاني...وراجه العفشه الأماميه والقنطره والزوايا....
و إن كانت العربيه بتحس إنها زى الصابونه على السرعه المذكوره فده من الإسكاترا اللي الميكانيكى هواهالك شويه

**yoko** · 19-05-2010 03:24 PM

المشاركة الأصلية كتبت بواسطة eng:mohamed

حشوة الإسكاترا أو حشوة علبة الدركسيون فى بداياتها بتكون تقيله و مديه إحساس عالى بالثبات بالعربيه على الطريق السريع..بحكم إن الحشوه جديده..المفروض إنها مع مرور الوقت بتطبع مع الدركسيون وبتبدأ تكون ناعمه مع مرور الوقت..
ومن الخطأ انك خليته يهويها شويه....
لازم تقرص عليها تاني...وراجه العفشه الأماميه والقنطره والزوايا....
و إن كانت العربيه بتحس إنها زى الصابونه على السرعه المذكوره فده من الإسكاترا اللي الميكانيكى هواهالك شويه

بالظبط كده ولو فضلت نفس مشكلة الرجه بص على الكبالن لتكون إبتديت تطلع من بعضها

**م.محمد علاء** · 19-05-2010 08:12 PM

المشاركة الأصلية كتبت بواسطة bondokk

الجنوط من غير ما اركب رنجات
ممكن تكشف على الرنجات تكون مش مظبوطه او حاجه
والله الموفق

معلش سؤال...هي إيه الرنجات...و علاقتها ايه بالجنط؟؟

**mohamed9999** · 20-05-2010 08:50 AM

الرنجات دى اللى بتحبك الجنط مع الطنبوره

**misoalex** · 20-05-2010 04:39 PM

المشاركة الأصلية كتبت بواسطة bondokk

انا حصلت معايا الحركه دي بالظبط لما غيرت الجنوط من غير ما اركب رنجات
ممكن تكشف على الرنجات تكون مش مظبوطه او حاجه
والله الموفق

فعلا كان عندى نفس المشكله والرينجات شالت كتير من الرعشه
لكن لما رصصت مره اخرى لان الى رصصلى اول مره كان حماااااااااار العربيه ظبطت بعد الترصيص تانى

انصح صاحب الموضوع قيل الدخول فى تفاصيل و مشاكل بعيده عن العيب انت دلوقتى بتقول غربله ورعشه بعد ال90 ودى مشكله ترصيص ترصيص ترصيص عن تجارب فى نفس المشكله 3 شهور واكتشفت ان الى رصص كان حمار

انصحك بالزهاب لفرع بريدجستون للصيانه اى فرع وخليهم يرصصلولك رصاص لزق (لازم لزق مدام مركب جنوط اسبور)
وفيه عندهم كمان برنامج ترصيص اسمه جوه وبره وده بيرصص رصاص لزق وعادى فى نفس الوقت بس اغلى طبعا
لكن لو معاك استيكر نايل موتورز حيعملولك تخفيض

وطبعا قبل كل ده لازم تتأكد من الكاوتش وهما اصلا لو فيه مشكله فى الرينجات او الكاوتش حيقولك

**mohamed9999** · 23-05-2010 09:51 AM

الغربله راحت على سرعة 100 بس شغاله على 110-120 ولما رجعت لبتاع الزوايا و الترصيص قاللى رصص العجل وهاتله رنجات رصصتة ولسة هجبلة رينجات و ابقى اجرب و متشكرين يا رجاله