الفرامل غريبة شوية ؟؟!!

**emptty** · 20-05-2010 02:35 AM

انا عندى حاجة غريبة شوية فى الفرامل ممكن تكون غريبة بالنسبالى مش عارف ؟
انا عندى العربية اما ادوس فرامل بتاخد مسافة كبيرة اوى على ماتقف تماما دة لو بهدى عادى يعنى او بدوس فرامل عادى انما لو كبست الدواسة شوية العجل اللى قدام بيقفش والعربية بتزحف مسافة كبيرة على ماتقف تماما .
فسؤالى هو اما تدوس فرامل عادى من الدواسة المفروض الفرامل بتقفش العجل اللى قدام بس ولا بتقفش الاربع عجلات عشان انا بحسها وانا دايس ان العجل اللى قدام بس اللى بيقفش وبيبقى فى دفعة من ورا كدة اكنى العجل اللى ورا بيجرى وبيزقنى كدة مابيهديش مع العربية فياترى دة عيب اية ؟؟ مع العلم ان العربية دفع خلفى و دواسة الفرامل محجرة شوية والهاند بريك بايظ ؟!!
افيدونى ربنا يستر طريقكوا

**m_mekkawy** · 20-05-2010 08:04 AM

السيرفو فيه عيب ولازم بتاع الفرامل يشيك عليه
والمفروض ان الاربع عجلات تمسك مع بعض

**khaled_sabry** · 20-05-2010 08:13 AM

غالبا حتلاقى عندك القدام بيقفش قبل اللى ورا
او الماستر اللى ورا ضعيف
روح لأى حد بتاع فرمل يظبطهالك لأن ده فيه خطوره لو بتفرمل فى ملف

**emptty** · 20-05-2010 02:59 PM

المشاركة الأصلية كتبت بواسطة m_mekkawy

السيرفو فيه عيب ولازم بتاع الفرامل يشيك عليه
والمفروض ان الاربع عجلات تمسك مع بعض

طب وبالنسبة لان الدواسة محجرة دة عادى ولا فيها حاجة

**emptty** · 20-05-2010 03:05 PM

المشاركة الأصلية كتبت بواسطة khaled_sabry

غالبا حتلاقى عندك القدام بيقفش قبل اللى ورا
او الماستر اللى ورا ضعيف
روح لأى حد بتاع فرمل يظبطهالك لأن ده فيه خطوره لو بتفرمل فى ملف

الله ينوور علييك دة اللى كنت عايز اقولة ان العجل اللى قدام بيقفش واللى ورا لا وبحس بالكلام دة على سرعات اللى فوق 80 يعنى اروح اشييك على الماستر الخلفى ؟!!
يعنى لو كان العيب مثلا فى الماستر وظبطو العربية حتقف فى مسافة قليلة ولا العجل اللى ورا كمان حيقفش واقضيها دريفتات

**pro_samir** · 20-05-2010 03:26 PM

ماهو لازم كل العجل يمسك بنفس القوة علشان العربية تقف

وابقي بص علي التيل برضو لأن لو الخلفي متأكل ممكن يعمل نفس الحركة دي ، بس في الغالب اللي عندك مشكلة ماستر بسبب التحجيرة

**emptty** · 20-05-2010 04:13 PM

المشاركة الأصلية كتبت بواسطة caysersosaih

التحجيرة مشكله سيرفو
قفشان عجله قبل التانيه مشكلة ماستر

طب معلش ياباشا سؤال بس هو اما الدواسة تكون محجرة دة بيئثر على حاجة معينة فى اداء الفرامل ولا مجرد احساسى بالدواسة عشان بصراحة اتعودت عليها ومريحانى جدا وهى محجرة كدة

**caysersosaih** · 20-05-2010 06:15 PM

التحجيرة الزياده عن اللازم مش صح
الصح زي ما انا باحب تكون مش محجرة بس علي الشعرة يعني مجرد لمسي للفرامل بيهدي العربية وده عن طريق سحب الهواء كويس من دايرة الفرامل
انما تكون محجرة يبقي في مشكلة في السيرقو
مثال:
لما تكون العربية مش دايرة السيرقو بيبقي فاصل والفرامل محجرة لما العربية بتدور الفرامل بتبقي قوية بس الدواسة مش محجرة
وظيفة السيرفو انه بيساعدك وانت بتدوس فرامل فاتبذلش مجهود جامد