الموضوع: د / أحمد السعيد ... استشارى دولى فى الرضاعة الطبيعية

المشاركة الأصلية كتبت بواسطة ahmadalaaeldin

عندي بعض الأسئلة يا دكتور احمد
إبنى عنده سنتين ولله الحمد
ما نوع اللبن وكميته يوميا لغذاء متكامل علما انه كان يرضع طبيعي حتى سن السنة والنصف تقريبا وطوله ووزنه متوسط ولله الحمد.
هل لبن نيدو (مرحلة 1+) مناسب ام تنصحون بأنواع أخرى, وما يفرق اللبن السابق عن باقي انواع اللبن المجفف.

بصراحة انا مشعارف نيدو 1+فيه ايه
بس الطفل طالما تجاوز سن 1 سنه ممكن ياكل و يشرب اى اكل او اى شرب بدون اى تحفظات و اللبن كامل الدسم بالتاكيد الافضل فى القيمه الغذائيه و كميه اللبن انت و شطارتك معاه بس المفروض فى حدود 250 ملليلتر يوميا و فيه اطفال بتشرب اكتر و فيه اقل واللى اقل يعوض بكوب زبادى او جبنه مثلثات او الى حاجة من منتجات الالبان



ما سبب عصبية الطفل والصراخ لتنفيذ طلباته في اغلب الأحيان؟ وهل هذا طبيعي في هذة المرحلة العمرية؟وما هي افضل الطرق لتقويم هذا السلوك وعند اي سن يتوقف هذا السلوك؟ هل الحل هو التجاهل ام التعامل بصوت منخفض ام الحرمان من الشئ حتى يهدأ ام ماذا؟



بالنسبه للصراخ و العصبيه ... الطفل بيحاول فى اول تطوراته من سن 6 شهور حتى 1.5 سنه يقلد الكبار فى جميع التصرفات و بعد ذلك يستقل بشخصيته (اللى العند جزء لا يتجزأ منها) حتى سن 4 سنوات و يجد انه من الصواب تقليد الكبار تانى لانه اصبح كبير و مثلهم

فالطفل يعكس تماما طريقة الحوار مثل من يحيطون به مثل الصوت العالى و العصبيه و التشبث بالراى و لذلك فان الطريقة المثلى هى ان تكون قدوه له و عند المواقف العنيده اصدر قرارك بحزم و صوت منخفض و لا تكرر كثيرا و لا تتردد و لا تتراجع فيما قلت لانك اذا امرته بشىء و دار الحوار بينكم و تراجعت انت فى قرارك تعلم هو ان الجدال و الحوار ياتى بثمار و لذلك فكر جيدا قبل ان تصدر قرارك
( و لكن يوجد اشياء كثيره ينصح بعدم الحزم فيها و عدم اصدار اوامر صارمه لانها لا تستدعى اصلا الصوت العالى و الجدال و العقاب كأن يلبس لبس معين او لون حذاء معين او يختار شىء خاص بيه و خصوصا اذا كان لا يؤذيه)

و طبعا لابد من العقاب لاتمام عمليه التربيه و لا ننصح بالضرب بتاتا و انما الحرمان مقابل الخطا (كان تحرمه من فسحه او لعبه معينه او لبس ....)
ما اسباب فقدان الشهية للإفطار؟ علما ان يصبح الساعة التاسعة ويرفض الطعام احيانا حتى الواحدة ظهرا.


هذا شىء طبيعى و اسال والديك سيقولان بانك كنت اسوا من ابنك
و عموما طالما الوزن و الطول متوسط فلا تقلق


وجزاكم الله خيرا

ايه هو نوع اللبن كامل الدسم اللي لازم ادولها

هل اللبن المجفف زي نيدو
ولا اللبن المعلب زي جهينة
ولا اللبن العادي

وبنتي بتحب الجبنة المثلثات جدا هل في خطر من زيادة تناولها

المشاركة الأصلية كتبت بواسطة w_abedelhakim

ايه هو نوع اللبن كامل الدسم اللي لازم ادولها

هل اللبن المجفف زي نيدو
ولا اللبن المعلب زي جهينة
ولا اللبن العادي

وبنتي بتحب الجبنة المثلثات جدا هل في خطر من زيادة تناولها

اى نوع و العادى اكيد افضل لو مضمون نظافته و لو مكانش عادى يبقى جهينه واضعف الايمان يبقى نيدو

و الجبنه المثلثات مغذيه و مفيش ضرر من كثرتها

انا بنتي عندها كرش بالرغم من ان وزنها متوسط وجسمها حلو بس عندها كرش وبيخلي اللبس شكله مش حلو ومش عارفة اعمل لها ايه

حتر بخليها تتعشي كوب زبادي بس
وهي اصلا اكلتها ضعيفة

المشاركة الأصلية كتبت بواسطة w_abedelhakim

انا بنتي عندها كرش بالرغم من ان وزنها متوسط وجسمها حلو بس عندها كرش وبيخلي اللبس شكله مش حلو ومش عارفة اعمل لها ايه

حتر بخليها تتعشي كوب زبادي بس
وهي اصلا اكلتها ضعيفة

هى عمرها ايه و طولها كام !!
عموما الاطفال بيكون عندهم الكرش ظاهر و لما الطفل بيكبر بعد 4 سنوات الكرش تقريبا بيروح لما الطفل طوله بيزيد

و متعملهاش رجيم و متقللش فى و جباتها خصوصا انت قلت وزنها متوسط(ارجو ان يكون من منحنى النمو)