القاهره - مينا 4 الساحل الشمالى

**astrologer** · 21-05-2010 07:32 PM

السلام عليكم

عاوز اعرف طريق يكون كويس يوصلنى بسرعه واامن فى نفس الوقت لمينا 4 الساحل الشمالى

فى ناس قالت فى نص الصحراوى تلف وتاخد طريق وادى النطرون ودا انا خايف اتوه فيه

وفى ناس قالت من الاسكندريه ودا هيكون اامن شويه بالنسبالك

لو عندكم اقتراح اخر

ياريت تنصحونى بيه

ولو حاجه من اللى انا قلتها عاوز وصف تفصيلى الله يخليكم ولو خريطه يبقى تمام اوى اوى

واللى اعرفه انى عاوز اروح مينا 4 الساحل الشمالى عند موقف السوبر جيت لانه قريب جداً من المكان اللى انا رايحه

تقبلوا احترامي

**abdallah2010** · 23-05-2010 12:49 AM

لو حتاخد طريق وادى النطرون يكون أسهل
هو طريق طوالى و مش معقد و آخره حتطلع على طريق مطروح الاسكندرية تمشى فى اجاه اسكندرية حوالى 20 كيلو تكون فى مينا 4
أما لو رحت للإسكندرية فحتعدى البوابة و بعدها كوبرى العامرية و تلف و تاخد طريق مطار برج العرب لحد الصينية و تاخد يمين من الصينية و تمشى على طول لحد ما تطلع برضه لطريق الاسكندرية مطروح و تمشى فى اتجاه مطروح حوالى 30 كيلو

**astrologer** · 23-05-2010 03:34 PM

مشكور بس طريق وادى النطرون دا اعرفه ازاى يعنى فى الكيلوا كام واعرفه منين بالضبط على شان متوهش ولا الف من ملف غلط

دا قصدى ومشكور على المعلومه ول فى خريطه يكون كويس

**minded** · 23-05-2010 07:51 PM

يعني يا شباب نوصل الساحل و مطروح عن طريق العلمين ازاي من اول مدخل طريق مصر الاسكندرية
ارجو الافادة والف منين عشان اوصل لاول طريق العلمين ؟
شكرا جزيلا للخبراء في الطرق