انا جيبت سيراتو بركولي يا جدعان

**simon659** · 22-05-2010 02:47 AM

بعد حيره شديده في الصراع مع الحيراه اشتريت سياره سيراتو كامله بلبصمه وفتحت سقف خليجي سعودي لونها ابيض موديل 2010 فا بعد ازن الموقع المحترم تؤلولي ايه رأيكم في الاختيار ده وياريت حد يؤلي اخد بالي من العربيه في ايه لاني من النوع الي باشيل العربيه علي كتفي وكنت عاوز اعرف هي العربيه دي بتاخد كام كيلو زيت وشكرا جدا ورأيكم اني امشي مع الوكيل ولا ايه انا اول مره اجيب عربيه زيرو وشكرا ليكم

**NoRmAl** · 22-05-2010 02:49 AM

مبروك يا باشا ربنا يديك خيرها ويحميك من شرها
لا طبعا فكك من الوكيل وأمشى مع عرض المنتدى بتاع الصيانه
حسس على العربيه أول ألف بس وبعدين أعمل الى على كيفك بعد كده
على فكره عربيتك أخت عربيه دكتور أحمد :)

**alzwawy** · 22-05-2010 03:05 AM

المشاركة الأصلية كتبت بواسطة normal

مبروك يا باشا ربنا يديك خيرها ويحميك من شرها
لا طبعا فكك من الوكيل وأمشى مع عرض المنتدى بتاع الصيانه
حسس على العربيه أول ألف بس وبعدين أعمل الى على كيفك بعد كده
على فكره عربيتك أخت عربيه دكتور أحمد :)

+11111111111
مبروك يا باشا
وخليك زي ما نورمال قالك مع تكنو وان

**Hmatchy** · 22-05-2010 03:13 AM

الف مبروك وربنا يباركلك فيها يا رب
و ادى السيراتوويه زادو واحد

**ابو ليلى** · 22-05-2010 03:46 AM

المشاركة الأصلية كتبت بواسطة simon659

بعد حيره شديده في الصراع مع الحيراه اشتريت سياره سيراتو كامله بلبصمه وفتحت سقف خليجي سعودي لونها ابيض موديل 2010 فا بعد ازن الموقع المحترم تؤلولي ايه رأيكم في الاختيار ده وياريت حد يؤلي اخد بالي من العربيه في ايه لاني من النوع الي باشيل العربيه علي كتفي

وكنت عاوز اعرف هي العربيه دي بتاخد كام كيلو زيت وشكرا جدا ورأيكم اني امشي مع الوكيل ولا ايه انا اول مره اجيب عربيه زيرو وشكرا ليكم

مليون مبروك عليك العروسة ويارب يحمبها من العين

اهم حاجه تخد بالك منها نوع البنزين واختار كده بنزينة تكون محترمة لان البنزين لو مش حلو هتحس ان العربية مخنوقه منك

طبعا اختيار موفق وهو فى احسن من كده عاوزين بس نعرف السعر كام ومنين ؟؟

العربية بتحطلها فى صيانة الف الاولى زيت 10000 ك واحسنهم طبعا شيل كما هو موصى فى الدليل

قريب جدا جدا هنقلك تجربة مركز الصيانة الجديد وانت تختار مع الوكيل او مع المركز الجديد

واهلا بيك فى عائلة كيداهم