الموضوع: عيوب الصنى اللى ظهرت عندى لحد دلوقتى

الزملاء الأفاضل ... انا عامل بالعربيه لحد دلوقتى 7700 كيلو و ركبت لها باركينج سنسور و وحدة رفع و غطا مرايات بإشاره - فى التوكيل - فى الأول كان الباور تقيل شويه بس دلوقتى أحسن ... كمان صوت الموتور عالى شويه بس دلوقتى أحسن - يمكت علشان بشغل التكييف دلوقتى فصوته بيغطى جزء من صوت الموتور أو يمكن إتعودت على الصوت - ..... بس ظهر عندى صوت تزييق خفيف قوى من الناحيه اليمين - بس مش من الكرسى اللى جانبى - حاسس زى م يكون صوت ترييح زجاج فلو لحد قابل الحكايه دى يقولى إيه السبب .... و يوم الجمعه اللى فات سألت واحد صاحبى معاه صنى 2005 اللى هى آخر اليابانى و قال لى إن الصوت ده عنده برضو و مش مديله أى إهتمام .... كمان النهارده كنت واقف مع واحد تانى معاه برضو صنى 2005 تقفيل يابانى و قال لى برضو إن عنده تزييقه بس فى الناحيه الشمال .... هى التزييقه دى مش علطول و صوتها مش ملحوظ قوى ... بس بصراحه انا مركز مع أى حاجه تظهر فى العربيه علشان جالى الهسهس من كتر كلام الناس على عيوب التقفيل المصرى .....
كمان الياركينج سنسور شغال تمام بس بعد م ركبيته بحوالى إسبوعين تقريباً لاحظت إن الصوت بتاعه ساعات يبقى منخفض .... و بعدين يرجع عادى تانى - هل حد من اللى ركبو باركينج سينسور حصل معها حاجه زى كده ؟
و طبعاً العفشه ناشفه شويه بس بصراحه يقابلها ثبات راااااااااااااااااااااااا اااااااااااااائع على الطريق .... و التكييف حلو جداً بس مش تلاجه زى م بيتقال و بياخد حوالى دقيقه على م احس بيه - فهل ده طبيعى - معلش إذا كانت أسئلتى غريبه شويه ... بس من باب الإطمئنان و التأكد
و لحد النهارده شايف إن العربيه تستاهل كل جنيه إندفع فيها .... بس لا أخفى عليكم إن إنتشارها الكبير جداً - و إن كان له بعض المحاسن - بس بصراحه بقى مزعج

انا مع بدايه الصيف بروح التوكيل لعمل دوره تبريد للمكيف ورحت من اسبوعيين وتم شحن المكيف وما شاء الله المكيف اصبح افضل من الاول بس هى عربيه ليها احترامها فعلا