سوال يا جماعه و يا ريت الرد ضروري

**shooda2020** · 24-05-2010 01:59 AM

انا من ملاك الفيرنا موديل 2009 و عامل لحد دلواقتي 3000 كيلو
مشوايري صغيره جدا
قليل جدا لما بطلع علي طريق
نيجي للمهم
العربيه لما بطفيها عمري ماسمعت صوت مروحه الراديتير ده عادي ياجماعه ولا ايه و تاني حاجه السخونه بعد ماطفيها بتكون جايه من منتصف الكبوت و الجنباب برضه
ولما تتطفي بسمع صوت تكتات كده "تك تك تك" بس علي فترات يعني في حدود 10 دقايق
دي ايه معناها
وياريت تفيدوني يا جماعه
شكرا ليكم

**mohamed_mohsen** · 24-05-2010 09:59 AM

كل الكلام ده عادي
المروحه بتطفي مع الكونتاكت
صوت التكتكته ده صوت حديد فرن الشكمان عشان لسه العربيه جديده,,,كان عندي و راح مع الزمن
و سخونية الكبوت عادي برضه ماتقلقش مدام الحراره ما بتعديش المنتصف

**shooda2020** · 24-05-2010 01:07 PM

thank you so much

**A.Saad** · 24-05-2010 01:21 PM

انت ما تقلقش من سخونية الكبوت
لو طلعت مرة بمشوار طوالى
ووقفت عند العجل
هتلاقى سخونية هنا ك كمان

**otefa** · 24-05-2010 09:40 PM

عداد الحرارة هو الحكم حرارة العداد مظبوطة ماتشغلش بالك.........المراوح بتبدا تشتغل في حالتين لو شغلت التكيف هاتشتغل علي السرعة الواطية ولما درجة حرارة الموتور تزيد وتوصل لحدود معينة تشتغل المروحة التانية ولو عليت اكتر بيشتغلوا الاتنين علي السرعة العالية..........نيجي لموضوع ان المروحة لما بتطفي العربية ماتفضلش شغالة دي حاجة تبسطك مش تقلقك ...........المروحة بتشتغل لو العربية كانت سخنة بزيادة شوية وفي معظم الماركات حتي لو شيلت المفتاح هاتفضل شغالة دقيتين ولا اكتر علشان تنزل الحرارة للحدود العادية.......تمام كده

**A.Saad** · 24-05-2010 09:50 PM

المشاركة الأصلية كتبت بواسطة shooda2020

ايوه يا باشا دي عارفها
دي برضه بتخوفني جدا
دانا مره روحت ارصص واحد هناك بيقتي قالي روح التوكيل شوف الفرامل لان شكلها قافش في العجل لان الكاوتش كان ناااااااااااااار
فواحد معاهم تاني قالي يا بيه لو الكاوتشات فعلا قافشه و تيل الفرامل ماسك كان الكاوتش اصلا والطاسه ولعو
فهل ده صح و الشخونه المن الجنب الكاوتشات عادي برضه يا جماعه
لاني بجد قلقان من اني مش بسمع صوت المروحه بتاعه الراديتير خالص

السخونية لو عجل قافش
تحط ايدك على الجنط وقارن بين عجلة والتانية

لكن انا كان قصدى لو قربت من الجزء اللى عند الكارتيرة يعنى الفجوة اللى بين الكاوتش والصاج
هتلاقى حراراة طالعة برده فى العادى