الموضوع: اعلن انشقاقي عن ماركتي المفضلة " سابقا " و كفاية اوي كدة ! مع السلامة !

بسم الله !

موضوع عنوانه شديد انا عارف !
بس ..
انا يمكن من اكتر الناس الي كنت متمسك بفيات في مصر ومن اكتر مشجعيها و مهللين لها و متابعين لها !

و يمكن انا اكون من اوائل الناس الي استلموا سيارة من توكيلها الجديد في مصر في 2006 ( اوماترا ) .

و بعد 4 سنين من امتلاك احد ارخص سيارات فيات عالميا
Fiat Palio 2 ELX 1.2 16v Fire
Made In Brazil

اقدر اقول و بمنهى الصراحة و الامــــــــــــانة !

كــــــــــــــــــــــــ ـــفـــــــــــــــــــــ ـــــــــــــــــــــايــ ــــــــة !


ممكن اكون ببالغ في رد فعلي .. السيارة مش زبنها كل الي حصلي في كذا حالة .. بس الخلاصة كدة على بعضها ... مش نافعة ..
كفاية عيوب !

يعني اذا كان عيب مني كسواقة ... بيتكمل بعيب غلو اسعار قطع غيار
و ان لقيت قطعة غيار ارخص تاكد من وجود فارق رهيب في الجودة !
ومع عدم امكانية او اسحالة وجودها مستوردة ..بسبب ان التوكيل الظريف طرح سيارتي للبيع و اختها السيدان " سيينا " للبيع لمدة 9 اشهر فقط و ملحقتش لا تعمل سوق و بالتالي محدش من تجار الاستيراد بيبصلها .

لو العيب من حادثة .. لا قدر الله الحوادث بتحصل لكل الماركات و كل الناس .. بس حتلاقي نفسك بتلف في نفس الدائرة .... مثال !
فانوس امامي اصلي لسيارة تمنها 68 الف جنيه , في التوكيل : 950 جنيه مصري ..
برة التوكيل 350 جنيه مصري .. و اسوء من اي سيارة صيني ممكن تشوفها ..
استيراد ؟ انسى !

لو العيب عيب صناعة ! تقول الحمد الله ممكن تلحق الضمان ولا حاجة ؟

لا يا حبييبي .. كوني من اول الناس الي لبست مع توكيل فيات ... اخدت ضمان نكتة !
سنة واحدة بدون حد اقصى للكيلومترات !
طبعا السنة جريت و مطلعش غير عيب واحد عبيط اتغير في الضمان ! و لم استفد منه بعد ذلك !
وبالتالي اي عيب صناعة في السيارة ( عيبين الى الان ..) اخوكم لبسهم !

مشكلتي الكبرى !
هي اني مش زعلان من السيارة نفسها ! السيارة نفسها مستحملة سواقتي الزبالة و سواقين مصر الازبل و طرق مصر الاعفن عالميا !

و لكن الظروف المحيطة بالسيارة من قطع غيارو توكيل .. تجعل امتلاك سيارة مثلها " ماديا " مماثل لامتلاك سيارة المانية مثلا !

انا قطع غيار سيارتي مقاربة في السعر لقطع غيار سيارة صديق ليا يملتك BMW 318 موديل 2001 !

و دي ارخص سيارة ! ما بالك بقى الحاجات الجديدة !!

---

طب ايه الي مسكتك كل ده ؟

و ايه الي حصل الي خلاني انفجرت !

--

الي مسكتني اني زي ماقولت في معظم الوقت السيارة نفسها لا غبار عليها ... و لكن مصاريف تشغليها بقت عالية جدا ! لسيارة بهذا الثمن !

و الي حيقولي الكلام ده ليسيارتي فقط ..

احب اقولك
انزل الحرفيين ..

حتلاقي 3 بتوع فيات ..... بالكتير ..

و معندهومش " مسمار " واحد لاي سيارة فيات حديثة !

اخر و اجدد حاجة هي البونتو و مش الشكل ده كمان ! الشكل الي قبله !

---

ايه الي خلاني انفجر ؟؟؟

يوم الجمعة الي فاتت ... المفروض يكون يوم جميل جدا .. وسعيد .. حيث انه كان يون تزوج اعز صديق ليا في فندق المريديان صلاح سالم .

و انا لسة مجنط السيارة و مغير الكاوتش مفيش من 5-6 ايام ...

واقف في امان الله في طابور دخول السيارات الي الفندق .. في اقصى حارة يمين في صلاح سالم !

واذ بارتطــــــــــام خلفي .. طرت انا و سيارتي و المدام معايا حوالي 200 م الى الامام !

نزلت و انا بدعي انها تكون في السيارة مش في الجنط الجديد !

لافاجئ ان الجنط الجديد " مذبووووووووووح و معوووووووج و خارج برة السيارة و الكاوتش منفجر "

ببص على الحتى الي ماسكة الجنط " الدونجل " مقطومة و معووجة .....

طبعا العربية و فيات و اوماترا ملهومش زنب اني عملت حادثة ده صحيح .

سيبكم من تفصايل الحادثة !

بس لما اروح اسال ... على دونجل خلفي ... لسيارة من ارخص سيارات فيات عالميا و مصممة لدول العالم الثالث !

يقولي ان الدونجل الاصلي الفاضي ( جلب فقط ) بدون طنابير او اجزاء الفرامل ...

ب 4600 جنيه مصري بدون طبعا التركب و الذي منه ..

يبقى يخرب بيت دي سيارة .. على ابو ده تويل .... عل ام دي ماركة ! ( انا اسف على الالفاظ ) .


اسيتراد ؟؟؟ مفيش ... و لقيت واحد و تمنه 2000 جنيه ....

قطع غيار مش اصلية .. ب 2500 جنيه تركي ... و متردد اجيبه ...

و السيارة مرمية عند العفشجي من يوم الجمعة .. و اديني بقضيها مواصلات .. مستني اول الشهر علشان اقبض و اشوف حنيل ايه ...

و طبعا ياما السيارة اترمت عند عفشجي او عند ميكانيكي او عند سمكري يا مستنية اني الاقي قطعة غيار .. يا اما الاقي فلوس قطعة الغيار ...
( اشي طقم دبرياج - اشي طرمبة بنزين - اشي تيل و طنابير - اشي مساعدين - اشي جوز فوانيس .. كوكتيل جميل يعني )


صديق لي مقرب لي .. عنده بيجو 307 سي سي تمنها 230 الف جنيه... فرنسية بالكامل ... ثمن الدونجل ال MULTILINK والي هو معقد الف مرة عن بتاعي ... من التوكيل الي بيقولوا عليه حرامي !

2800 جنيه مصري .

لا تعليق !

الحمد الله انا نويت اسيبها خالص .. مش حيبعها حتى .. والدتي تحتاج الي سيارة فحصلحها و اسبيهالها .. و اهي سواقة سيدة حتكون ابسط مني و ربنا يسهلها و امن عليها بعد الصليح .

اما انا ...

فلا فيات بعد اليوم ...

و لا في مصر ... ولا خارج مصر ..


روح الحرفيين و بص على كم الناس و كم السيارات الكورية و اليابانية .. و تعرف ليه الشعب المصري بيفضل السيارات دي ..

ده حتى والله في محلات بتشتغل في BMW و MERCEDES بقوا يحطوا قطع غيار كورية و يابانية و كمان صينية علشان يبيعوا !

عوضي على الله .. و الحمد الله انه رزقني بسيارة قدت احتياجتي و مشوايري في الفترة الي فاتت .

بس يارب يرزقني بغيرها بقى ... علشان انا حلفت اني مش حركبها تاني الي للضرورة القصوى !


وجعت دماغكم !

بس ليا رجاء !

قبل ماتشتري سيارة فيات ... او بلاش فيات .. قبل ماتشتري سيارة اوروبية ,, و فاكر نسفك حتبقى من المرفهين في البلد ...

لو عندك مقدرة مالية انك تفدع تمنها تاني صيانات و قطع غيار طول فترة امتلاكها .. توكل على الله ..

معندكش ..خليك زي ولاد البلد كلهم وزي منا حعمل ..

واشتري اي سيارة كورية او يابانية مماثلة .. و انسى الدنيا .

و غالبا انا حفكر في حاجة كوري مستعملة ..

بلا اوروبا ...بلا رفاهية ... بلا ماركات !

انا اسف طولت عليكم .. وياريت الناس متفهمنيش غلط و تعد تقاوح و تجادل و تدافع او تهاجم .. دي تجربة شخصية ليا و طرحتها .

بالمناسبة دي صورة الدونجل بيسمى في بعض السيارت AXLE :