مرجع لجميع اعطال و مشاكل الانوس و حلولها

**MMamdouh** · 10-02-2008 10:22 AM

صوت زنة من الكنبة الخلفية

طلمبة بنزين

MMamdouh

**ghanem** · 12-02-2008 11:58 AM

بفضل الله عندى سيارة لانوس 2005 اشترتها زيرو وبعد حوالى 6شهور حسيت بدبدة تحت الموتور وكأن العربية مفككة روحت ابو رواش قالولى العربية مفهاش حاجة دة الكاوتش كان مريح شوية ..طبعاً استغربت جداً والموضوع مدخلش دماغى جربت العربية اكتر من مرة قبل ما اخرج من التوكيل ملقتش دبدبة ولا حاجة..وبعد اسبوع كما توقعت رجعت الدبدبة تانى روت مركزو الصيانة بطريق الاسماعيلية القاهرة عرفت ان المشكلة فى بيض الدريكسيون ودة عيب صناعه فى الموديل دة غيرتها على حسابهم طبعاً عشان الضمان ونفس المشكلة حصلت مع زميلى معاة نفس الموديل ودلوقتى حاسس ان المشكلة بدات تظهر تانى

على فكرة يا جماعة نسيت اقولكم انى كان عندى لانوس 99 اشتريتها استعمال وكانت ممتازة ..وبعدين ابعتها واشتريت نوبيرا2003استعمال وكان فيها عيب صناعة وهو كاوتش المقص بيتقطع بسرعة ودة فى منتهى الخطورة لذا انصح كل الزملاء الى معاهم نوبيرا يكشفوا دايماً على كاوتش المقص ..وبعد كدة بعت النوبيرا واشتريت لانوس 2005زيرو وفوجئت بالمشكلة الى قولتلكو عليها

**ahmedezzat78** · 19-02-2008 12:50 PM

السبب: قطع بلاستيك صغيره مكسوره بتتحرك فى تجويف الكلاكس اثناء دوران الطاره

الحل : فك ضاغط الكلاكس من الطاره و اصطاد قطع البلاستيك بطرف قطعة لزق او سلوتيب او ما شابه

**ahmedezzat78** · 19-02-2008 12:53 PM

وانا مسافر مشغل التكيف و قافل الزجاج سامع صوت حاجه بتتحرك فى التابلوه بالرغم من ان الدرج فاضى

السبب : فيشه الكاسيت خاف الكاسيت بتتحرك و بتعمل اصوات

الحل : ربط الفيشه بجسم الكاسيت بكوليه بلاستيك (زى بتاع الطاسات)

**ahmedezzat78** · 19-02-2008 01:01 PM

الانوس ما فيهاش فلتر تكيف

فقولت بدلا من فك الكويل و غسيله و اعاده شحن فريون نتيجه اتساخ كويل التكيف نعمله فلتر واهو الوقايه خير من العلاج

الطريقه:

فك درج التابلوه عن طريق مسمارين اسفل الدرج
هتلاقى فتحة سحب الهواء من داخل السياره
هات فلتر تكيف اسبليت جاهز و قصه على مقاس الفتحه و ثبته عليه
و ممكن برضو تستخدم سفنج قليل السمك و تقصه على مقاس الفتحه (زى اللى موجود على موتور المكنسه الكهربائيه المنزليه)

ملاحظه: كل اللى فات ده يحافظ على نظافة التكيف بشرط تشغيله على وضع return recycling دايماو عدم تشغيله على وضع fresh airلأنه هيدخل وساخة الهواء اللى فى الشارع

**mohsen** · 12-03-2008 02:22 PM

الزنة السخيفة الى بتحصل لما تكون ماشى على اى غيار وتشيل رجلك من على دواسة البنزين وماتختفيش الا اذا مورت؟؟؟
تغيير طقم سلوك بوجيهات والجديد الاصلى ب 45 جنيه بشرط يتم تركيب الاربع سلوك الجديدة فى المشطين الخاصين بيهم الى ماسكين فى غطا التاكيهات وتتأكد ان السلوك راكبة كويس ولاسيما من ناحية البوجيهات وعلشان تتأكد لازم السلوك متطلعش شرار بالليل من ناحية البوجيهات والا مش هتكون راكبة كويس

**aymaneissa** · 05-04-2008 12:39 AM

الملاحظ هو ان تيل الفرامل يتآكل بسرعه وحصلت لى مشكله بعد شرائى سياره لانوس على الزيرو بعدشهرين من شرائها وهو تغير بيض الطرف ولكن على العموم مشاكلها بسيطه وشكرا د.كيميائى .ايمن عيسى

**ahmedsrs** · 19-04-2008 07:46 PM

تكتكة من العجل الخلفى رحت للميكانيكى قال كلة تمام مفيش حاجة والتكتكة موجودة بس خفيفة جدا ممكن تيجى وتروح مع اللف يمين بالعربية بس مش موجودة مع اللف شمال
رحت للميكانيكى تانى وطلع جرب قالى كله تمام وش سامع حاجة رفع العربية وللف العجل بايده عجلة عجلة سمع صوت حكة فى العجلة الخلفية اليمنى فك العجلة وللف تانى الحكة راحت .
النتيجة :- طرف مسمار من مسامير ربط العجلة سنة طويل وبيلطش برد المسمار وركب و المشكلة انتهت .