الموضوع: اخر اخبار اوماترا مصر

السلام عليكم ورحمة الله

كنت قولتلكم ان فيه مفاجأة من الاسبوع اللى فات ومن ساعتها وانا مقولتش اى تفاصيل واكيد فيه منكم اللى قال عليا بغلس عليكم وبتقل وفيه اللى افتكر ان مفيش حاجة خالص وده مجرد كلام بس انا محبتش اتكلم فى اى تفاصيل غير لما يبقى فيه حقايق ملموسة.

الموضوع باختصار انى راسلت المهندس خالد بهنسى مدير ادارة اوماترا وتم تعريفه بنايل موتورز ومدى المجهود اللى بيقوم بيه الاعضاء وتم الاتفاق على ميعاد للمقابلة لنتكلم فى كل شئ يخص فيات وتمت المقابلة يوم الخميس الماضى فى المركز الرئيسى بابو رواش وذهبت انا ويوكو وخرجنا بنتايج طيبة من المقابلة.

المهندس خالد مشكورا اوضح لنا بعض النقاط اللى غايبة من الناس وتم التحدث فى كل المآخذ اللى واخدنيها على اداء التوكيل والمهندس مشكورا كان بيتجاوب معانا وبيتصل بالمسئول عن كل موضوع وبيبحث الشكوى امامنا واتفقنا على بروتوكول تعاون بين نايل موتورز واوماترا، وملامح بروتوكول التعاون كانت لازم تحدد الاول من خلال مقابلة المسئولين عن الدعاية والمبيعات وخدمة العملاء وخدمة ما بعد البيع.

وبالفعل احنا عاملين اتفاق مع المهندس طارق جبريل للصيانة وان شكوتنا الاساسية كانت من المبيعات، لذا توجهت اليوم الى الاستاذ اسامة ثروت مدير المبيعات والتسويق وتمت مناقشة عدة مشاكل وتم الاتفاق على التعاون بيننا وبين اوماترا وتم الاتفاق على خصومات لاعضاء نايل موتورز وده ملخص لاخر اخبار اوماترا فى الفترة القادمة:

فيما يخص الاستعدادات بمعرض اوتوماك
1- تم انفاق ميزانية كبيرة على معرض اوتوماك تجاوزت المليون جنيه
2- تم الاتفاق على حضور حفل الافتتاح بصفتنا مالكين واعضاء بنايل موتورز
3- سيتم عرض السيارة بونتو ايفو فى المعرض وسيتم فتح باب الحجز على ان يكون الاستلام فى خلال شهر يونيو
4- معرفة سعر السيارة وهى اسعار منافسة وستبدأ من 90 الف الى 105 الف تقريبيا.
5- السيارة ستكون بالمحرك الفاير ال77 حصان واحتمال تنزل بالمالتى اير بعد فترة
6- ستكون هناك لينيا ولكن للعرض فقط


فيما يخص باخبار التوكيل على العموم:
1- تم الاتفاق على الحصول على تخفيض لاعضاء نايل موتورز واول سيارة تم الاتفاق على التخفيض هى البونتو الكلاسيك والتخفيض سيكون مفعلا من خلالى ومن خلال استيكر المنتدى وباقى السيارت سيتم الاتفاق على نسب التخفيضات لاحقا.
2- مخزون الجراند بونتو اتسحب كله مفيش غير حوالى 15 عربية جراند باكدج 2 مانيوال وسيتم تخفيض سعرها الى 95 الف بدلا من 99 الف
3- الجراند بوننتو كوبيه ها تفضل لاخر السنة ولكن الموتور ال77 حصان وليس التربو
4- البرافو ها تنزل ثلاث فئات فقط وهم الفئة التانية والخامسة والسادسة والاسعار ها تنزل
5- هناك تيست درايف للبرافو وال500 ولكن يتم الاتفاق الان على تعميم الفكرة ودراسة عمل Event شهرى لتجربة السيارة
6- حتى الان اللينيا مخطط لها النزول فى شهر نوفمبر (اوتو) ولكن فيه احتمالات اخرى
7- سيتم عمل Events بالجامعات الخاصة بعد اوتوماك بجانب اللوحات الكبيرة على الطرق

اتمنى ان الاخبار تكون عجبتكم واسف جدا على التأخير فى كتابة الموضوع ولكنى اصريت انى مش اكتب حاجة الا بعد الاتفاق على كلام محدد.

ان شاء الله ها يتم تحديث كافة اخبار التوكيل ومواصلة العروض لاعضاء المنتدى

ولنا لقاء اخر قريييييييبا باذن الله :)