تعبت مع الدايو ليجانزا و اعطالها و ارجو المساعدة العاجلة

**ahmedjumpo** · 25-05-2010 03:46 AM

السلام عليكم ايها الاخوة الكرام
لقد اشتريت من شهر سيارة دايو ليجانزا 1999 اتوماتيك و فى اول يومين كانت تعمل بشكل جيد و قد كان هناك عطل بالتكييف و قد قمت باصلاح الكباس و شحنت الفريون و عندما مشيت بالسيارة ثانى يوم فجاة و فى الزحام وجدت السيارة رعشت و بطلت فظنيت انه الكهرباء وحمل التكييف فقمت باعادة تشغيل السيارة و لكن رفضت و اكتشفت ان سير الكاتينة انقطع رغم انه لم يعمل سوى حوالى 15000 كم و طبعا جابت 6 صبابات فقمت بتغيير الصبابات التالفة و تغيير السير باخر اصلى ماركة بوش مع تغيير البلى و تغيير البوجيهات و جوان وش السلندر و بعد الانتهاء من التصليح اكتشفنا تسرب للمياة فقمت بتغيير الطلمبة و الخراطيم .
و بتجريب السيارة و فى الزحام وجدت السيارة بطلت مرة اخرى فخفت من تكرار قطع السير و لكن وجدت السير سليم فقمت بتشغيل السيارة فدارت ولكن ظلت المشكلة تتكرر باستمرار و خاصة فى الزحام حيث يحدث اثناء دوس الفرامل و قبل التوقف مباشرة او اثناء التتوقف رعشة بسيطة للسيارة مع احساس بعلو و انخفاض فى كهربة السيارة ثم تبطل السيارة و عند اعادة التشغيل تدور عادى وهذا العيب يسبب لى الكثير من المشاكل حيث انه يحدث فى الزحامز
فى البداية قالى الميكانيكى التبريد للموتور و شيكنا على دورة التبريد و وجدناها جيدة
ثم اخبرنى بفحص الكهرباء و فحصتها و وضعناها على الكمبيوتر و كانت نتائجها جيدة جدا ثم اخبرونى بتنظيف بوابة الانجيكشن و ايضا ظل نفس العيب ثم اخبرونى بوجود مشكلة بالشكمان و رجوع العادم للموتور فقمت بتغيير علبة الشكمان و الفلتر و ايضا استمر نفس العيب و اصبحت لا ادرى ماذا افعل فقد قمت بكل شىء و لا نتيجة و الله العربية دى تعبتنى و جبتلى الضغط حيث من وقت شراءها قبل شهر حتى الان وان بلف بيها على الميكانيكيا و الكهرباءيا
هناك عيب اخر و لا ادرى مدى اهميته او تاثيره على المشكلة السابقة و هو ان الفتيس الاتوماتيك عندما تنقل من ال p الى R يحدث هبدة وضربة بصوت عالى يقل قليلا عند النقل الى D سالت الميكانيكى فقالى الكوبلن اليسار و قمت بتغييره هو الاخر و لكن استمر صوت الهبدة فاخبرنى ان المشكلة فى الفتيس نفسه و لكنه غير مؤثر حيث ان السيارة تاخذ الغيارات بتاعتها عادى دون اى صوت و دون احساس بالغيارات اثناء السير.
و يوجد عيب اخر و هو ان استهلاك البنزين عالى جدا حيث تستهلك فى ال100 كم حوالى 25 لتر بنزين 92 مع ان بسؤالى عن المتوسط الطبيعى فكان الاتى
فى الزحام و داخل المدينة من 10 الى 11 لتر لكل 100 كم
فى الطرق المفتوحة من 7 الى 8 لتر لكل 100 كم
اذن من الواضح انها تستهلك الضعف فما السبب و ما هو العلاج
ارجو من الاخوة الكرام و من كل من يستطيع مساعدتى الا يبخل عليا بالحل جزاكم الله خيرا واسف للاطالة و لكن الهدف كان وضع تصور كامل لما يحدث للمساعدة فى ايجاد الحلول

**bob12345** · 25-05-2010 04:24 AM

ياه كانك بتتكلم عن عربيتي يا باشا ....عندي عربية دودج فيها كل ده بس دلؤتي مش بتمشي خالص فقدت الامل فيها ربنا ما يوريك .... احنا صرفنا علي العربية دي اد سعرها دلؤتي مرتين او اكتر .... الخلاصة يا باشا ان في عربيات كدة ادمها وحش لو تقدر تبيعها يبقي احسن ...ز معلش يا باشا لو كلامي تقيل بس انا خايف توصل لحالتي

**SOBKY** · 25-05-2010 04:30 AM

المشاركة الأصلية كتبت بواسطة bob12345

الخلاصة يا باشا ان في عربيات كدة ادمها وحش لو تقدر تبيعها يبقي احسن ...ز معلش يا باشا لو كلامي تقيل بس انا خايف توصل لحالتي

+111111111111111

**sameh127** · 25-05-2010 07:57 AM

انا اشك فى كويل الإسبيراتير(المعروف عند البعض بالبوبينة) لأن له عمر افتراضى وعند اقتراب انتهاء عمره بيوصل كهرباء قليلة للبوجيهات وعند زيادة الحمل عليه بيسخن اكثر من اللازم و مقاومته للتيار بتتغير و الحرق للبوجيه بيبقى ضعيف و الكمبيوتر للعربية بيزود ضخ البنزين علشان يحصل على القدرة المطلوبة واللى مش قادر يحققها فى الظرف الحالى.
ده على افتراض ان فلتر البنزين جديد و فلتر الهواء جديد.وطبعا حضرتك ذكرت ان الكلام ده بيظهر اكثر فى الزحام وده دليل على قلة كمية الهواء البارد اللى داخله فى حوض الموتور مع وجود سخونة المحرك اثناء عمله وبالتالى الكويل بيسخن اكثر من المعتاد عليه فى حين انك لو جريت بالعربية مش حتفصل منك لأن تبريد الكويل بيزيد بالهواء اللى داخلله و توصيلية الكهرباء بتتحسن مع التبريد والحرق بيكون اجود منه عن فى حالة الزحام ولذلك يستلزم استبدال الكويل بأخر جديد.
اما بخصوص العضة الخفيفة اللى فى الفتيس الأوتوماتيك وبتسمع صوتها فده عادي من وضع p الى r لأن فى النقلة دي بيكون فيها حركة للكلاتشات و فك وضعية التعشيق الأمن للعربية وانتقالها لوضعية الحركة الحرة بواسطة الجيربوكس اما لو حركة يد الفتيس بقت ثقيلة عن اللزوم وتعيق الحركة لليد فده حلله حاجتين :

1-فك الكونسول فى الصالون مع فك يد الفتيس من الفتيس(بواسطة المسمارين الأماميين) وتنظيف الات الحركية ليد الفتيس و تزييتها و الكشف علي سلاسة حركة اليد و التأكد من تثبيت كل جزء معدني بها.وعدم تلف اي سوستة او بلية او مسمار مش مربوط بصامولته تمام
2- بعد التأكد من سلاسة حركة يد الفتيس و جودة ميكانيكيات الحركة ليد الفتيس الأوتوماتيك، اذهب لأي محطة بنزين و نزل زيت الفتيس بالكامل من نظام الفتيس كليا شامل دائرة تبريد زيت الفتيس واضف زيت فتيس اوتوماتيك جديد لأن الزيت للفتيس الأوتوماتيك فى الدايو بيستبدل كاملا بعد 60.000 كم ولاتلجأ لزيادة الزيت فى الفتيس لأنه بيبوظ الفتيس الأوتوماتيك.
وان شاء الله مشكلتك حتكون اتحلت

**ahmedjumpo** · 25-05-2010 10:48 AM

شكرا لاستجابة الاخوة و بالنسبة لاجابة الاخ sameh127 اود ان اساله كيف لى التاكد من انها البوبينة وما هو سعرها بالتقريب و هل هذا شغل كهرباء ام ميكانيكى ولى استفسار هل من الممكن ان يكون الميكانيكى عند تغيير سير الكاتينة لم يضبط التركيب و بالتالى ادى الى نفس النتائج من استهلاك بنزين و ضعف للسيارة عند الوقوف و ذلك لتاثيره على الصبابات و كيف لى التاكد من ان التركيب مضبوط .
وشكرا مرة اخرى لمشاركتك مشكلتى و محاولة البحث عن حلول لها

**caysersosaih** · 25-05-2010 11:02 AM

ممكن موبينه بس الاحتمال الاكبر هو فعلا بوابة الانجكشن لازم تتغير بواحد استيراد علي التجربة هتعملها حوالي 350 جنيه
بالنسبة للفتيس غير زيت الفتيس لو المشكلة استمرت هيبقي في مشكلة في الفتيس نفسه او قواعد الفتيس