وداعاً جراند بونتو فى حادث سببة حفرة !!

**omarelsherbene** · 25-05-2010 06:06 PM

انا حبيت اعمل الموضوع دة عشان الناس كلها تستفاد و تاخد بالها .. انا كان معايا جراند بونتو موديل 2009 باكدج 2 dual-logic

العربية كنت عاملها صيانة ال 20 الف يوم 19 ابريل 2010 و عملت بيها الحادثة يوم 20 ابريل 2010 يعنى بعض الصيانة بيوم .. الحادثة حصلت كالاتى .. يوم 19 دة كانت الدنيا مطرت فجئة و انا كنت خارج من كليتى ناحية اكاديمية مبارك للشرطة كدة .. هناك فى كذا حرفة شمال يمين ورا بعض انا وقعت فى واحدة فيهم على سرعة 70 كيلو و بسبب الحفرة الكاوتش فرقع و المقص اتكسر و دة لأن الحفرة كانت عمييقة جداً و العربية انحرفت و طلعت على رصيف الأكاديمية و دة ارتفاعة اعلى من العربية بكتيير ... و بعدها وقعت فى حفرة فى الرصيف و الأيرباجات كلها فتحت طبعاً و الأكصدام اتكسر و فوج لايت و طبعاً الأضرار الحقيقيةغير الايرباج كانت انة العفشة كلها ادمرت لغايت علبة الشكمان .. المهم التأمين قدر العربية انها هلاككلى بسبب الايراجات لأن تكلفتهم لوحدهم بالأحزمة و الطابلوة تعدت ال 25 الف جنية .. و باقى الحاجات وصلت فى حدود ال 50 الف و الى هى عافشة كاملة .. مواسير تكيف .. رداتير .. فوجات .. علبة شكمان .. رفرف .. و حاجات تانية و المصنعيات .. الحمد لله قدر الله و ما شاء فعل ... و انا بشكر فيات على مواصفات الامان الى فيها لأن خروج الايرباج فى الوقت المناسب انقذنى من ان وشى يتشوة من قوة الصدمة !! و علافكرة انا ناوى ان شاء الله اشترى برافو مكان الجراند بس مستنى توصل و كمان اخلص مشاكل التأمين و كدة .. انا حبيت انبة الكل من مكان الحفر دى و احكى قصتى مع معشوقتى المرحومة الجراند و ادعولى عشان البرافو بقا

صور العربية هنا للى حابب يشوفها

**hobaz** · 25-05-2010 06:13 PM

الف حمد الله على سلامة حضرتك وربنا يعوضك خير ان شاء الله وكويس انك مأمن عليها......

انت لو في بلد حقك فيها مش بيضيع كان زمانك عامل قضية فيها تعويض محترم ومن الأخر حسبي الله ونعم الوكيل.......

**otefa** · 25-05-2010 06:15 PM

قدر الله وماشاء فعل..........والحمد لله انك سليم والتامين هايشيل الموضوع كله.

**fouady** · 25-05-2010 06:18 PM

حمد الله على السلامة وفيات طبعا امان معروف عنها بس إنت فجمعت إيه ؟

**Ralliart** · 25-05-2010 06:22 PM

قدر الله وما شاء فعل
انا لو مكانك لما اهدى واروق ارفع قضيه على هيئة الطرق والكباري لأن السبب من اللي عمل الحفره مش الحفره نفسها

**omarelsherbene** · 25-05-2010 06:23 PM

الله يسلمكم شكراً :) .. و الـامين هايشيل الموضوع بس للأسف هاخسر برضة لأنة مش باخد كل فلوسى .. فا هاطلع خسران فى حدود 20 الف بس الحمد لله .. و انا فى الجامعة الكندية cic

**adfarouk** · 25-05-2010 06:29 PM

قدّر الله و ما شاء فعل و ان شاء الله ربنا يعوضك عنها خير ........ أهم حاجة انك بخير و الحمد لله على سلامتك

**fouady** · 25-05-2010 06:38 PM

المشاركة الأصلية كتبت بواسطة omarelsherbene

الله يسلمكم شكراً :) .. و الـامين هايشيل الموضوع بس للأسف هاخسر برضة لأنة مش باخد كل فلوسى .. فا هاطلع خسران فى حدود 20 الف بس الحمد لله .. و انا فى الجامعة الكندية cic

أنا معاك فل جامعة عموما لو عزت حاجة أبقى قولي