الموضوع: عاوز حل لمنع سرقة البطارية

لازم تحط عليها فعلا تقفيصة بقفل معظم ال 127 و ال 128 سهل فيهم سرقة البطارية و كمان الاستبن اللى فى الكبوت و اللى معاه العربيات ديه بنسبة كبيرة رابطهم باقفال و جنازير و ذلك لسهولة فتح الكبوت

المشاركة الأصلية كتبت بواسطة heshamzaky

بتتباع جاهزم جبتها زماااان بحوالى 6 جنية بس الغرض الاساسى ان فى ال 127 لو البطارية مش وربوطة كويس مع الفرامل الجامدة بتتزحلق من مكانها و تخبط فى الاسبراتير نصيحة من أخوك ركيب 127 من زمااااان

باشا انت قصدك علي الافيز اللي بيزنق علي البطارية من الجنب ؟ لان ده عندي وموجود في العربية اصلا و الحرامي فكه بمنتهي السهولة

المشاركة الأصلية كتبت بواسطة sweetheart_

فداك
بص انت هتروح لحداد بس اختار واحد ميكنش عليه ضغط شغل عشان يطاوعك ويعمل اللى هتقولهولو عشان لو واحد شغال هيقلك مينفعش عشان يريح دماغه وبناقص ال 20 جنيه بتاعتك انا عملت اللى هقولك عليه فى الفيورا بتاعتى
هتروح للحداد وهتجيب رزتين نحاس او حديد بس الكبيره وانت اختار الشكل اللى يناسب اللحام مع القاعده
وتجيب قفلين صغيرين نحاس
هتروح للحداد هياخ مقاس ارتفاع البطاريه وعرضها من عند القاعده وهيعمل خوصه حديد بالعرض والاطراف بتاعتها خرم هيدخل مع مسمار ربط المساكه بتاعة البطاريه والخرم التانى هينطبق مع خرم الرزه اللى هتلحمها الناحيه التانيه فى القاعده بص انت ممكن تجيب الرزه عدله مش حرف l عشان تحط حته منها تحت القاعده وتلحم من المكان اللى بينها وبين القاعده من فوق كده خلصنا الخوصه اللى بالعرض ولو سبتها كده ممكن البطاريه تتسحب لبره من تحت الخوصه يبقى احنا محتاجين خوصه بالطول وطبعا نص بس عشان النص التانى هيبقى تحت جسم العربيه فهتخلى الحداد يعمل الخوصه واحده بالعرض من حزام البطاريه لحد الخوصه والتانيه هيجيب خوصه اضغر ويخدها من الخوصه اللى بالعرض زاويه 90 طبعا ويتنيها لاقدام ويكون لاحم الرزه التانيه فى القاعده بره وخرم الرزه يجى مع خرم الخوصه وتحط القفلين
وطبعا عشان تعمل الشغل دا لازم تشيل الهوايه السودا اللى جنب البطاريه لحد متخلص وبعدين تحطها بس خود بالك ليلحملك الرزه مش فى مكان الفراغ اللى موجود فى الهوايه دى فمتركبش تانى
انا رسمتلك صوره عشان تتخيلها بس مش عارف ارفعها
وطبعا ابقى حط حاجه بين الشرز بتاع اللحام وخرطوم البنزين والفلتر مثلا صاجه او كرتونه تقيله تمسكها بينهم لحد ميخلص المهم تاخد بالك من البنزين والزيت والنار

شكرا جزيلا علي التوضيح... وان شاء الله اعمل الموضوع ده في اقرب فرصة
ياريت لو تبعتلي الصورة علي ايميلي : eng_shady710@hotmail.com
اكرر شكري لك

المشاركة الأصلية كتبت بواسطة heshamzaky

لا يا باشا زى الزميل ما شرح لك بس دى حتلاقيها جاهزم معقولة يا راجل يعنى انا مش عارف افيز الجنب بتاع العربية لا دى زى مل يكونو افيز محزم البطارية بالكامل و ممكن تعملة خوصة بقفل لو عايز زى قفص العصافير الزينة بس اجمد طبعا

معلش يا استاذ هشام انا متاسف علي سوء التفاهم ده ... واشكرك علي ردك واهتمامك وادعيلي البطارية ما تتسرقش تاني احسن ده كان موقف زبالة لما تيجي تاخد عربيتك الساعة 1 الصبح وماتلاقيش البطارية .... بجد حسبي الله ونعم الوكيل في اللي سرقها