يا ترى المشكلة سببها ايه بالضبط ... !!

**semsem_inside** · 30-05-2010 04:05 PM

السلام عليكم
يا جماعة أنا حصل معايا موقف غريب النهارده
أنا هحكى الوضوع من الأول خالص ..
عادة لما أحب أخرج بالعربية بعمل تشك سريع على الزيت والمياه فى القربة و....
المهم لقيت الياه فى القربة نقصة عن المستوى السفلى .. زودت مياه لغاية ما وصلت للعلامة العلوية
ودورت العربية لغاية ما سخنت ..
حصل بقى حاجتين غريبتيى أوى ..
جيت أشغل التكييف لقيت صوته عالى قوى وبيعمل رجرجه جامدة فى العربية ..
الحاجة التانية ودى الأهم :
بطلت التكييف وسيبت العربية دايرة علشان اطمأن على دايرة التبريد
المهم شوية وابتدت الحرارة تزيد وراحت المروحة شغالة (كالعادة) الحاجة بقى اللى لفتت نظرى انها فضلت شغالة فترة كبيرة غير العادى والحرارة لقيتها ما بتنزلش
شوية لقيت المياه الخضرة بتاع التبريد عمالة تنفس وتطرطش من عند طلمبة المياه
بطلت العربية على طول (وعندى المروحة بتبطل مع الكونتاكت) ولقيت المياه لسة بتخرج من عند الطلمبة - بس مش عارف من اي مكان - وتحت العربية ميه عمالة تنزل من تحت طلمبة المياه
وكنت سامع صوت تنفيس وفوران أثناء الموضوع ده
وبعد شوية لقيت مستوى المياه اللى فى القربة نزل بمعدل سريع لغاية ما خلاص بقت على وشك تفضى .. !!
رحت مالى القربة مياه تانى .. وبرده نزلت تانى

يا ريت يا جماعة حد يوضحلى ايه اللى بيحصل
وشكرا

**maro2007** · 30-05-2010 04:31 PM

بص كده ياباشا على غطاء الردياتير هتلاقيه عندك بايظ ( احتمال كبير قوى ) ان ده يكون السبب ده بالنسبه للمياه الى بتنقص
بالنسبه للتكييف مش عارف بصراحه بس جرب الاول غطا الردياتير ولو ظبط ان شاء الله يضبطلك التكييف كمان

**semsem_inside** · 30-05-2010 04:47 PM

المشاركة الأصلية كتبت بواسطة maro2007

بص كده ياباشا على غطاء الردياتير هتلاقيه عندك بايظ ( احتمال كبير قوى ) ان ده يكون السبب ده بالنسبه للمياه الى بتنقص
بالنسبه للتكييف مش عارف بصراحه بس جرب الاول غطا الردياتير ولو ظبط ان شاء الله يضبطلك التكييف كمان

أنا بس كنت عايز أوضح لحضرتك ان المياه بتنزل من عند الطلمبة ..
ايه علاقة غطاء الرادياتير .. أرجو التوضيح

**samirayad** · 30-05-2010 07:24 PM

حسب وضع التسريب

1- لو التسريب من عند مكان تركيب الطلمبه على بلوك المكنه

يبقى ده جوان باظ وعاوز يتغير

2- لو التسريب من عند عمود الطلمبه ( منطقة الحشو ) يبقى الميكانيكال سيل ضرب

وحتحتاج طلمبه تانيه

**maro2007** · 30-05-2010 07:29 PM

سورى ياسمسم انا افتكرت التسريب من عندقربه المياه بتطلع فايظ يعنى فقلت ان العيب فى غطا الردياتير

وبرجح رأى الاستاذ سمير وربنا يسهل ويطلع العيب بسيط

**semsem_inside** · 31-05-2010 01:08 AM

المشاركة الأصلية كتبت بواسطة samirayad

حسب وضع التسريب

1- لو التسريب من عند مكان تركيب الطلمبه على بلوك المكنه

يبقى ده جوان باظ وعاوز يتغير

2- لو التسريب من عند عمود الطلمبه ( منطقة الحشو ) يبقى الميكانيكال سيل ضرب

وحتحتاج طلمبه تانيه

هو فيه فتحة موجودة فى جسم الطلمبة . أول مرة التسريب والطرطشة كنت شايفه خارج منها
ولما حاولت ادور العربية تانى ( بعد ما زودت مياه ) لقيت المياه بتنزل من تحت العربية بس مش عارف أحدد بالضبط مكان التسريب.
الحقيقة أنا خايف أجازف وأسوق العربية بالحالة دى لغاية ما أوصل للميكانيكى حرصاً على الموتور

**elhagrasy** · 31-05-2010 02:23 AM

حصل معى موضوع مشابه ولما رحت للفنى كشف على دورة التبريد ولم يجد شئ . . وكان اقتراحة انه هواء دخل للدورة عند اضافة الماء وقام بستنزافه ومن وقتها الموضوع ظبط .

**mrsailor** · 31-05-2010 02:48 AM

المشاركة الأصلية كتبت بواسطة elhagrasy

حصل معى موضوع مشابه ولما رحت للفنى كشف على دورة التبريد ولم يجد شئ . . وكان اقتراحة انه هواء دخل للدورة عند اضافة الماء وقام بستنزافه ومن وقتها الموضوع ظبط .

المسألة ان شاء الله بسيطة .. دا ممكن يكون من ماسورة المية بتاعة التكييف .. بتكون مثبتة بافيز و فى نهايتها جلبة .. و ممكن لو الافيز مش مربوط كويس الماسورة دى بتتحرك من مكانها ابيحصل تنفيس من عند الجلبة

**semsem_inside** · 31-05-2010 11:00 AM

يا جماعة مع احترامى لآرائكم
انا حاليا لمل أحط ايدى على طلمبة المياه من تحت - والعربية مبطلة - بلاقى نقط مياه بس مش عارف هل هى من جسم الطلمبة ولا من الجوان
والمياه الموجودة مياه خضراء .. يعنى اعتقد الموضوع بعيد عن التكييف