لو سمحت يا جماعه رخصة العربيه عندى هتنتهى كمان شهر و عاوز اعرف ايه الخطوات الى لازم تتعمل علشان اجدد الرخصه بالترتيب و الاماكن فين الى اجيب منها برأة الزمه و كده (من المنصوره ) و بتدفع كام يا ترى العربيه (1998 سى سى) و شكراا
عرض للطباعة
لو سمحت يا جماعه رخصة العربيه عندى هتنتهى كمان شهر و عاوز اعرف ايه الخطوات الى لازم تتعمل علشان اجدد الرخصه بالترتيب و الاماكن فين الى اجيب منها برأة الزمه و كده (من المنصوره ) و بتدفع كام يا ترى العربيه (1998 سى سى) و شكراا
طلب تجديد رخصة من المرور ,, وطلب شهادة براءة ذمة ( مخالفات ) من نيابة المرور
وفيه فحص ووصل طفاية
وتجديد التأمين الإجباري في حدود 80 ج
ودفع رسوم التجديد وهتبقى في حدود 250 ج
والموضوع مش هيخلص في يوم واحد اعمل حسابك على يومين أو ثلاثة ..
ممكن فى يوم و ممكن فى 3 ساعات كمان بس فتح مخك ومش حتصدق ب 20 جنية و بس حتلاقى ورقك كلو معاك و مستنى بس على الشباك و بعدها تستنى تستلم الرخصة
مصر عمرها مكانت بلد تعقيد
:E_braces[1]:
الف شكر على المعلومه بس هوا فيه فحص مع تجديد الرخصه ازاى؟؟
يعنى لازم اروح ادخل فحص تانى ولا ايه
و بالنسبه للطفايه ده ايه نظامها يعنى اشترى واحده تانيه ولا ازاى معلش مش فاهم حكاية الطفايه ده
يا باشا مصر ام الدنيا لا تعقيد ولا حاجه انتوا بس الى معقدينها ايه يعنى يومين تلاته فى حاجه تخلص فى ساعه !!!!!!:E_braces[1]:
الفحص كل 3 سنين لو معاد الفحص القديم انتهى هتفحص ولو لسه يبقى مش هتفحص
لو لسه على الفحص يبقى الموضوع أسهل شوية
شهادة مخالفات
وتامين اجباري
ورسوم التجديد
ووصل الطفاية
وشوية مصاريف