بص أنا جربت كذا نوع كاوتش مع البونتو من أول ال14 لحد ال16فأنا واثق فى الكلام اللى بقولهولك دة
أولا مافيش عرض 200 , اللى بعد ال 195 205 على طول
دة ممكن يركبة مش هايقوله لأ , بس هايقصف عمر العفشة (السوست و المساعدين) و كمان الباور (و دة غالى جدا حتى لو استعمال) لأنهم كدة بيتعاملوا مع مقاومة مش مصممين ليها خالص , لأن البونتو أساسا عربية للإستخدام جوة البلد و كدة (city)
دة غير ان 205 هايحك فى الرفرف الخلفى من جوة خصوصا لما العربية يبقى راكب فيها أكتر من اثنين
علشان كدة ينسى ال17 أساسا إلا أذا كان هايغير السوست و المساعدين كمان (و ربنا يستر معاه فى الباور)
أكبر مقاس ستوك بينزل مع البونتو هو 185\55 جنوط 15
عايز يزود من غير ما يأذى العربية يجيب حاجة من المقاسين اللى قولتلك عليهم
15 : 195\55
16: 195\50
لعلمك فى ناس برة مصر مركبين 17 عادى جدا , بس الطرق هناك طبعا حاجة تانية , دة غير انهم بيرموا العربية لما يعدى عليها 10 سنين ولا حاجة!
و قوله يدخل المنتدى يا عم , عايز أعرف ناس عندهم بونتو كتير
المفضلات