الموضوع: احذرو من مركز ياسين النزهه خلف السندباد

انا عامل نفس الموضوع ده في قسم شيفورلية ونقلته هنا لتعم الفائده لان مركز ياسين بياتعامل في اكثر من نوع سيارات وعلشان كده حطيطه في المنتدي العام لانه اكثر قرائه لدي الجميع وكما قلت لتعم الفائده,,,,,,,,,,


برجاء العلم انى امتلك سياره شىفورلية اوبترا موديل 2008 اوتوماتيك ولقد وقع لي حادث يوم 12-04-2010
وذهبت بها لمركز معتمد لمنصور وهو مركز ياسين النزهه ولم اتوقع في حياتى ما حدث مع انى بعمل كل صياناتى هناك وكنت اظن انه مركز صيانه علي مستوي ولكن الواقع ليس كدلك وسوف اروى ماحدث ,,,,
ذهبت للمركز لكي اسلم السياره بعد الحادث لمركز ياسين يوم 13-04 (مع ان الكل حدرنى منهم ولكني لم استمع لاحد)
قابلت مهندس محمد على واستلم السياره واخبرنى بعد المعاينه انها تحتاج الاتى:-
تغير اكصدام امامى وخلفى
شنطه خلفيه
عدد 2 فانوس خلفى
عدد 1 فانوس شبوره
ظهر خلفي
كالون شنطه
انا قولت له السياره بها تامين شامل ومهندس التامين سوف يعاين ويبدي الموافقه وقد كان مهندس التامين ذهب واعطي امر بالشغل وبدا الغمل بالسياره (بالمناسبه السياره تكلفت مبلغ ثلاثة عشرة الاف ونصف) بس الواحد قال توكيل والسياره سوف تصبح كالزيرو وليس بكثير لو الواحد استلم سياره متصلحه صح,, (بالطبع السياره مؤمن عليها ولكنى بدفع نسبة وهي 20% المتعارف عليها)
يعنى بالنسبه المدفوعه كنت ممكن اصلح السياره في اي ورشه وكان الشغل اللي فى السيارة يكون افض بكثير وارخص....
الشئ الوحيد الممتاد في هدا المركز انه سلمني السياره فى وقت جيد نوعا ما (اسبوعين تقريبا) ,,,,, استعرض امامكم ما حدث لي في دلك المركز:-
1 رحت يوم الاستلام للمفاجئه
اولا السياره بها كثير من الملاحظات فى السمكره والدهان , حدثت المهندس عليها وكالعاده لا السياره زي الفل الى ان وجد ما اقوله صحيحا وابسط شئ من كل ملاحظاتى هي العلامات الخلفيه لك ان تتخيل توكيل لا يسططيع تركيب علامت بشكل مستقيم (يعنى نزله تشرب من الميه) وديه كانت اقل حاجه وراشش الكالون ولاول مره بالاسواق السنطه من جوه مرشوشه ميتاليك لميع
السمكره حدث ولاحرج مع انها فك وتركيب (لايوجد بها اي فن)
المهم اضطريت استلم واحاسب لان شغلي في اكتوبر ومتبهدل من غير السياره مع وعد باتمام كل ملاحظاتي
2 رحت يوم تاني على حسب الاتفاق لكي يكملوه الشغل والموقف الطريف انه تم انجاز جزء والباقي برده بيقولوه انه تم عمله مع انه لم يتم وعند حديثى مع مهندس اخر قال لي نعم انت علي حق السياره بها شغل سمكره ويجب فك الظهر واستعداله من جديد بس ده هيخد وقت برجاء احضارها مره اخرى بس لازم تبات يومين,, فعلا ارسلت السياره بعد اسبوع
3 رحت للاستلام تانى بس اتكلمت قبل ما اروح لكي لا اجد اي تعليق ومع تاكيد المهندس انه كله تمام ورحت لقيت المفاجئه:-
السياره كما هي ومع سؤال المهندس لم ينكر وقل لى بالحرف (هما قالو لي انها خلصت) يعنى مكلفش خاطره انه يتابع السياره.
وبسؤاله علي العلامت قال لي تمام ركبت وكله تمام ,, والسياره امامه بسالوه هيا كده ركبت قالى ايوه قمت سالتو انته مش شايف حاجه غريبه قال لى لا تخيلو الباشا لازق العلامه بالشقلوب يعنى كاتب
وبيقولي كله تمام OPTAR
المهم احني اسفين ياريت تسيبها وتيجى بعد يومين وتاخدها
رحت بعد يومين لقيتهم خلصو السمكره مش حلوه قوى بس ارحم من الاول بس بوظو الدوكو علشان العلامات اتفكت وركبت اكثر من مره ومع انها ميتاليك ال انهم حبو يوفروه ورشوها خارج الكبينه فالشنطه مفرقه لون وبها بققع..
وده بالاضافه انهم ضيعو كاوتشة الشنطه و كلبس في ارضية السائق ومع سؤالي المتكرر من اول يوم استلمت به السياره قال لي مدير المركز المهندس دسوقى كلمنى بس وانا هجيب لك الحجات ديه (طبعا من سياره اخرى لان الحجات ديه لاتباع)

لك ان تتخيل اني كنت واثق في الصيانات الدوريه للسياره في هدا المركز وانا بالطبيعه لا استطيع الدخول لكي اري ما يحدث ولكنى واثق انه كله تمام بس بعد لما شفت السمكره والدهان بهدا المستوي ايقنت ان بالتبعيه الصيانات تكون بنفس المستوي.

طبعا انا بعت شكوى النهرده لمنصور بالايميل وكلمتهم بالتليفن وحكيت اللي حصل ومستنى الرد خلال يومين علي حد قول خدمة العملاء

انا الان في صدمه من ذلك المركز وحاسس اني لو كنت وديتها تحت الكوبري فى ورشه ضايعه كان الشغل هيبقي احسن من كده (سامحونى في التعبير بس ده الواقع)
بس انا حبيت ابلغ الاعضاء حتي لا يقعو في نفس المشكله مع دلك المركز الضايع ده
وانا لن ادهب اليهم تاني وبرجاء ابلاغ من يعنيه الخبر
وحسبي ا لله ونعم الوكيل
اسف للاطاله

شكرا على التنبيه وحسبي الله ونعم الوكيل