الموضوع: طريقه تغيير انوار عدادات اسكنت 2003

السلام عليكم ورحمه الله وبركاته

باختصار شديد انا اتعلمت الموضوع وجاتلى الجراءه من هنا http://www.nilemotors.net/Nile/74247-2009.html

زطبعاً بشكرهم على المعلومات والحمد لله تم تغيير الانوار كلها والموضوع مفيش اسهل منه مجرد انك تفك وحده وحده وبالراحه ومتتسرعش

وكل شىء هيكون تمام


طبعاً نفس خطواط الموضوع الاصلى واليكم الصور بالترتيب وهتكون فى اخر المشاركه

1-هنفك المسمارين اللى فى اعلى العداد زى ما هو موضع بالصوره وخلى بالك لازم مرحله تانيه وهيا المسامير اللى معلم عليها فى الصورتين القادمين على شان تنزل غطاء الدركسيون على شان تتفط الباغه كويس معاك
وكمان الترف العلوى اللى مشار اليه فى الصوره تفطه بمفط عاده ولا تقلق من الضغط عليه مش هيتكسر على شان تطلع معاك الباغه وحاول فى فك الباغه والعداد انك تطلع الجزء الاعلى الاول بمعنى انك تكفيه عليك كانك بتنكسه من الاعلى للاسفل لسهوله الخروج تابع الصور ...........














2- هيظهر العداد قدامك متحاولش انك تفك الباغه الشفافه الا لما تفط العداد كله وخلى بالك من الوصلات الكهربائيه اللى موجوده من وراه ومتشدش الا لما تفكها هيا مجرد فيش عاديه حداً وهما 3 فقط




3- هيخرج العداد معاك واعتقله معاك بالشكل دا




دى الصوره من ظهر العداد





4- تفط الباغه من الكلبسات السودا اللى مربوطه فيه وعددها 5 خلى بالك اوى لوحده منهم تتكسر اشتغل فى الاتنين الاوليين وبعد كده الثلاثه



5- هيبقى الاستاذ عداد معاك اعمل فيه اللى انت عاوزه وابدأ اشتغل يا باشا وفط بالتعليمات الاتيه

اولاً : تفك المؤشرات بمفك عاده كويس وبالراحه وخليك فاكر بس البنزين كان فين على شان تركبه تانى بنفس الموضع على شان تبقى معاك نتيجه البنزين سليمه ولا خدش فيها

ثانياً: فك ورقه العداد وخلى بالك البنزين والحراره ملزوقين فى الباغه الشفافه بلزق فلا تقلق انها تتكسر وخلى بالك بس من اللزق على شان هتستخدمه تانى

العداد الاوسط للسرعه بيتفك من مصمارين زى مسامير شرائط الكاست وهما مسمارين طوال فكهم بالراحه ولا تقلق هيبقى الورقه مقسمه معاك ثلاث اقسام وعيش معاهم



ثالثاُ: لون وركب زى الاول خلى بالك وانت بتركب الموشرات تركبها بنفس المكان اللى كانت عليه يعنى السرعه يكون على الصفر وتضغط عليه بالراحه هيثبت على الصفر

انا على فكره لونت المؤشرات من الجمب باللون الفسفورى ان شاء الله تطلع حلوه ودى صورتهم



الحراره بردو نفس النظام والبنزين

ودى صوره تحت الضوء لعمليه التلوين



وباذن الرحمن فى المساء هرفع صوره العداد بعد التلوين لان الان الجو شمس

ودا الشكل النهائى بعد انتهاء التلوين واعاده الوضع الى ما هو عليه



وانا تحت امركم فى اى استفسار ولو حد عاوزه اعملها لعربيته انا تحت امره

وبشكر الاستاذ Tam صاحب الفكره فى الفيرنا

تقبلوا احترامى واسف على الاطاله

المشاركة الأصلية كتبت بواسطة YOUSSEF_JO

شكلك هتخليني اعيد كلو من الاول عشان موضوع الاستيكر دة

صحيح المؤشرات عاملة معاك اية

ظبتها الحمد لله 100% بتوفيق ربنا ثم ارشاداتك على الماسينجر وبقت شغاله زى الفل الحمد لله

انا شكلى هفط تانى

شوف الوضع الاخير لصور العداد
هتلاقى عداد البنزين والحراره احسن حاجه مع ان الكاميرا مش جايبه كويس بسبب الانوار اللى موجوده جمبي

وشكلى هغير عداد السرعه تانى باستيكر واللى عاوز من الاستيكر انا ممكن اديلو زى ما هو عاوز عندى كل الالوان
البكره فيها 1000 قطعه كل قطعه 7سم