الموضوع: تجربه قيادة نيو سيراتو تانى فئة اتوماتيك

السلام عليكم شباب نايل موتورز الاعزاء

اترددت كتير قبل ما اكتب الموضوع ده

نظرا لحساسية المواضيع اللى بتتناول نيو سيراتو

وفى الاونه الاخيره اسهب كثير من الزملاء فى تقييم العربيه

وبالتالى يمكن اللى هقوله مش هيضيف كتير للعربيه ولكن حبيت اشارك برائى

بداية فى اول السنه تقريبا فى شهر 1 كان ليا تجربه مع السيراتو القديمة لمدة اسبوع وكانت فى الموضوع ده

http://www.nilemotors.net/Nile/120479-ex-2009-a.html


لما نزلت مصر الاجازة ده اجرت نيو سيراتو اتوماتيك لمدة 22 يوم

طبعا كنت متحفز ومتخوف من العربيه.....

خلينا نبدا......


الحقيقة كيا ابدعت فى تصميم نيو سيراتو

التصميم الخارجى شيك جدا ، ملفت ، عصرى ويمثل ذوق رفيع

التصميم الداخلى لا يقل حداثه عن التصميم الخارجى

ان مش هلتزم اوى بطريقة التقييم اللى بعملها كل مرة لكن هحاول اوجز اللى عجبنى واللى معجنيش فى عدة نقاط

المميزات:

- تصميم خارجى اكثر من رائع
- تصميم داخلى ممتاز
- وضعيه جلوس السائق مريحه
-معظم ازار التحكم فى متناول السائق
-الثبات الجيد
- عزل اكثر من رائع
- هدوء الموتور وان كان صوته بيعلى بعد سرعه ال 130 كم/ساعه ويصبح غير محبب
-التقفيل والخامات الداخليه ممتازة وكيا نقلت نفسها نقلة كبيره فى موضوع الخامات الداخليه
- الوسع الداخلى اكتر من ممتاز
- الشنطة واسعه جدا وحجمها ممتاز
- التسارع جيد
-استهلاك البنزين متوسط
- الفتيس الاتوماتيك ناعم ومش بتحس بالنقلات
- الفرامل جيدة الى حد ما

العيوب:

-التكييف اداءها اقل من المتوقع يمكن علشان العربيه لونها اسود وفرشها اسود بس التكييف كان بالنهار اداءها مش بالقوة المعهودة فى السيارات اليابانى والكورى

- طبعا العفشه وده الناس اسهبت فى المنتدى فيها ، الاحساس الزائد بجميع مطبات وحفر الطريق ، والجلوس الغير مريح للركاب فى الكنبه الخلفيه

مجملا:

العربيه بشكلها بتصميمها بسعرها تعتبر صفقه ناجحة وده مما لاشك ن وزى مابيقولو الحلو مبيكملش بسبب موضوع العفشه

اللى معاه العربيه اقدر اقوله مبروك عليك وربنا يبارلك فيها

واللى بيفكر فيها اقدر اقوله النيو سيراتو ليست سيئة ولكن عربيه جيدة تستحق الاقتناء


شكرا