حرام يا أوماترا!!!!!!!

**yoko** · 04-06-2010 06:39 PM

أنا النهارده رحت بريدجستون عمارات العبور عشان أرصص وأظبط زوايا لإن العربيه بتعوم تعويم غريب وإكتشفت إن العفشة مفكوكة على الأخر (وأنا كنت شاكك فيها)
بس الي شاللني إني في صيانة ال١٠ أكدت عليهم إن العفشة تتربط كويس وقالولي كله زي الفل لكن الصوت فضل موجود ورجعتلهم تاني ودخلتها عشان العفشة بس وقعد ساعتها ٣ ساعات وسلموني العربيه وكله تمام بس الصوت فضل موجود قلت أكيد هما أدرى مني وإن ده عادي أو ممكن يكون صوت المساعد ولا حاجة وإن ده طبيعي
لكن بعد ما ربطت العفشة النهرده التعويمة راحت وكمان الصوت إختفى نهائيا!!!!
وظبطت الكوتش قدام ٣٤ زي ما الكتالوج بيقول وهقولوكوا على النتيجة

**S.S.E** · 04-06-2010 07:11 PM

انا عندى برده صوت من الامام وانا واقف بالعربيه وبحرك الدريكسيون يمين او شمال بسمع صوت طقطقه وانا بركنها بقاله سنه و... فهل ده محتجه تشحيم عند اى بنزينه.

وبمناسبه ربط العفشة خارج التوكيل انا سئلت قالولى فى مفتاح بيظبط درجة ربط المسامير وله درجه ومقاس معين لان لو ربطها زياده عن اللزوم بيقلل من العمر الافتراضى ده كلام مهندس الصيانه

**yoko** · 04-06-2010 07:14 PM

المشاركة الأصلية كتبت بواسطة s.s.e

انا عندى برده صوت من الامام وانا واقف بالعربيه وبحرك الدريكسيون يمين او شمال بسمع صوت طقطقه وانا بركنها بقاله سنه و... فهل ده محتجه تشحيم عند اى بنزينه.

وبمناسبه ربط العفشة خارج التوكيل انا سئلت قالولى فى مفتاح بيظبط درجة ربط المسامير وله درجه ومقاس معين لان لو ربطها زياده عن اللزوم بيقلل من العمر الافتراضى ده كلام مهندس الصيانه

فعلا وإسمة رباط عزم وبريدجستون بيستخدموه وعشان كده سبتهم يربطوه
والصوت ده لازم تروح للتوكيل ليكون علبه دركسيون أو كبالن

**yoko** · 04-06-2010 07:50 PM

المشاركة الأصلية كتبت بواسطة semsem_uno

الف حمدا لله على سلامتك بجد الحمد لله انتا عارف لو كانت حاجة اتفكت و انتا ماشي كان حصل ايه!!!
ربنا يسامحهم بجد معني كده انهم مربطوتش عفشة من ساعة ما جبتها
و كمان كتر خير العربية اللي لسة ممسوكة ما شاء الله لحد دلوقتي من ساعت ما جبتها و كمان جري و نتش و غيرو ديه لو كانت هيونداي جيتز كانت اتفككت من بعض

والله عندك حق ويمكن ده الي ممسكني بيها مع تحفظي على بعض الحركات الي مش قد كده من التوكيل

**HOSAMSAMSOON** · 04-06-2010 08:34 PM

[frame="9 10"]
الف حمد الله على السلامة
بس يا جماعة انتم ظالمين التوكيل
اية يعنى كام مسمار مهوى شوية
يا سلام
الدنيا خربت؟؟؟؟؟؟؟؟؟؟؟
اية يعنى العربية بتعوم
انتا لازم تجرى بيها ؟؟؟؟ سوق براحة
اية يعنى 3 ساعات و العربية رجعت من غير تصليح
ما التوكيل و الورشة كشفت و شافت ان العربية سليمة و ان صاحب العربية عندة تهيئات
ودة توكيل عربيات مش مصحة نفسية
لالالالالالالالا
دة تحامل على التوكيل و ظلم لية
متكبرهاش اوى كدة يا يوكو
التوكيل عارف بيعمل اية
وعارف ان العفشة و المسامير و التربيط دى حجات كمليات مش ضروروة فى العربية اصلا

[/frame]

**yoko** · 04-06-2010 09:04 PM

لا تعليق يا أستاذ حسام وبكرة أنا رايح لمدير الصيانة عشان العك ده!!!!

-

-

-

-

الموضوع: حرام يا أوماترا!!!!!!!

LinkBack

أدوات الموضوع

عرض

حرام يا أوماترا!!!!!!! - انشر الموضوع فى :

-

-

-

-

المواضيع المتشابهه

أوماترا إسكندرية فتح

هام: أوماترا فرع الإسكندرية

أوماترا مخبية البونتو ليه؟

عرض أوماترا على الأزرق بس ليه

الكلمات الدلالية لهذا الموضوع

المفضلات

المفضلات

ضوابط المشاركة