الموضوع: عاوز اشتري عدسات لاصقة طبية ؟

انا خلاص يا جماعة نويت اشتري عدسات لاصقة طبية

لاني زهقت من النضارة جدا ومن التشوهات اللي سايبه اثر في وشي منها

انا قريت عن الموضوع ده كتير

المهم استخلصت ان العدسات اللاصقة ليها اضرار جامدة جدا لو الواحد مخدش باله كويس

يعني اختيار الماركة الصح + اختيار محلول جيد للعناية + الالتزام بمدة صلاحية العدسة ( لان كل نوع وليه صلاحية معينة ) + استعمال قطرة مرطبة لزيادة حماية العين

طبعا انا في البداية هستخدمها علشان ارتاح شوية من النضارة يعني مش بصورة مستمرة

ولو لقيتها كويسة بدون مشاكل يبقى فيه كلام تاني

انا اللي شجعني كمان اكتر اني سمعت من ناس على بعض المنتديات انهم بيستخدموا عدسات من اكتر من 10 سنين بدون مشاكل ...

مع اني شوفت مواضيع تاني ان العدسات ممكن تعمل مشاكل جامدة في القرنية حاجة تحير فعلا

المهم عرفت ان افضل ماركات هي

جونسون اند جونسون .... امريكي

و

Flexcon .... الماني

وسمعت ان متوسط الاسعار تقريبا من 150 - 180 جنيه للعدسات الطبية الشفافة السنوية ( صلاحيتها تقريبا من سنة لسنة ونص )

وبالنسبة للمحلول ايه افضل حاجة انا شفت مواضيع بتحذر من بعض محاليل زي رينو كده !

فايه رايكم في الماركتين دول ؟؟ ولو فيه افضل ياريت نعرف الماركة

وهل بروح لدكتور للكشف عادي زي كشف النضارة ولا العدسات ليها كشف مختلف ؟؟ ولا يفضل اروح مركز طبي متخصص زي المغربي كده ؟؟

ياريت اي نصايح في الموضوع ده والف شكر

ملحوظة انا رافض فكرة الليزك والتدخل الجراحي فمحدش ينصحني بيه