أماكن الميكانيكية المتميزين والكهربائيه فى جميع أنحاء الجمهوريه

**lobna_yaseen** · 08-06-2010 12:12 AM

السلام عليكم ياأحسن منتدى وأحسن أعضاء فى كل قسم من أقسام المنتدى لايخلو من الأعضاء الجدعان الذين لايبخلون بالمعلومات على الغير بل يسارعون فى سرد المعلومات وكمان وضع الإحتمالات كلها لأى مشكله فى عربية حد من الأعضاء علشان يحاول يحصر أسباب عطل عربيته وده اللى جرأنى إنى أعمل الموضوع ده علشان كلنا نستفيد
دى المقدمه
ندخل فى صلب الموضوع ألا وهو إن فيه رجاء لكل عضو من الأعضاء اللى يدخل الموضوع يكتب عنوان ميكانيكى أو كهربائى (وخدوا بالكم من الفرق بين الميكانيكى والكهربائى لأنه مش كل ميكانيكى شاطر لازم يكون كهربائى شاطر) بيروحله وتليفونه وأسعاره حلوه ولا غاليه ومثال كده عالماشى يعنى آخر حاجه صلحها بكام ورجعت باظت تانى ولالسه متينه وسليمه ولاإيه وياريت نقول المنطقه اللى هو فيها فين وأى محافظه أه وكمان هو متخصص فى أى نوع من العربيات ولا كل الأنواع
وأنا هكون أول مشاركه فى الموضوع عن الميكانيكى اللى بروحله بجد إنسان محترم وبيستحرم ياخد فلوس على حاجه مش محتاجه ولو حاجه ممكن تتصلح يصلحها قبل مايقولك غيرها وأسعاره حلوه على حسب ظنى يعنى أخرحاجه عملتها كان الأوتوماتيك بتاع المارش غيره وخد خمسين جنيه بالمصنعيه وكله (لو حد شايف إنه كده حرامى يقول أنا عربيتى 27 )هو فى المعادى الجديده عند مستشفى الهيئة العربيه للتصنيع بجوار مسجد الغفران إسمه محمد تليفونه 012829869 بس أنا الحقيقه سبب كتابتى الموضوع ده النيه ماكنتش خالصه للمساعده بس قلت أفيد وأستفيد وهو(السبب) إنى محتاج كهربائى فى المعادى يشوفلى كهربة العربيه لأنها محتاجه تتظبط ومش متأكده من محمد الميكانيكى فى الكهرباء أو أنا بقتنع بالتخصص أكتر من اللازم فياريت نشترك كلنا فى الموضوع ده بجد هيبقى مرجع جميل لكل واحد محتاج حاجه لعربيته ومش عارف مين المتمكن فى المجال ده ومكانه فين وعلى فكره الموضوع ده ممكن يتعدى الكهربائى والميكانيكى ممكن يبقى السروجى والعفشجى والسمكرى وبكده نفيد بعض ونستفيد وأسفه على الإطاله

**teto2007** · 08-06-2010 06:59 AM

موضوع مفيد وكويس وممكن كلنا نشارك فية بس انا من اسكندرية بالنسبة للعفشة فى واحد اسمة الحاوى فى القبارى عند الكوبرى دة كويس جدا هو مشهور جدا

**A.Lotfy** · 08-06-2010 10:07 AM

فكرة جميلة جدا وان شاء الله الموضوع يكبر ويتثبت وومكن أزود عليه فورمة

التخصص: كهربائي شاطر
التقييم (من 10): 8
الاسم: الشيخ فؤاد
الموقع: شارع سهل حمزة - متفرع من شارع فيصل (القادم من المريوطية في اتجاه ميدان الجيزة فيه بنزينة على نصاية ش سهل حمزة ادخل قبلها على طول شارع ترابي هتلاقي الورشة مقابلة ليك)
التليفون: 0144394109 / 0123408897
مواعيد العمل: الشيخ غالبا بيكون بعد العصر موجود وبيسهرو بالليل كتير
التجارب السابقة: معرفتي بيه اتحرق الدينامو عندي في توصيل خاطئ لبطارية جديدة مع احتراق مجموعة كبيرة من الفيوزات ، يومها بالليل جبت العربية على ونش وسيبتهاله لأني كنت عامل عملية ومش قادر اعمل حاجة وقولتله يتصرفلي في دينامو وفعلا كلمني تاني يوم العصر وقالي انه لقى الدينامو بتاعها وسعره كان 350 جنيه تقريبا (كياسبكترا) قولتله هاته وركبه قالي يبقى تجيلي بعد ساعتين يكون خلص. وقد كان وتم تجربة السيارة وتغيير الفيوزات المحترقة وخد 50 جنيييييييييه. ودي كانت بدياة معرفتي بالراجل ده

تقفيله ممتاز ودي أكتر حاجة عجبتني فيه وبيفهم

**A.Lotfy** · 08-06-2010 10:08 AM

ودي الفورمة للي عايز يستخدمها

التخصص:
التقييم (من 10):
الاسم: الشيخ فؤاد
الموقع:
التليفون:
مواعيد العمل:
التجارب السابقة:

**A.Lotfy** · 08-06-2010 10:11 AM

ليا تجربة قريبة مع فني أبواب وزجاج

التخصص: فني أبواب (بتاع أبواب وزجاج)
التقييم (من 10): تجربة واحدة تقييمي ليها ممتاز
الاسم: على ما أتذكر أسطى عادل
الموقع: شارع المطبعة متفرع من شارع الهرم - بعد دخول ش المطبعة من جهة الهرم عدي أدريان والناس دي كلها وافضل ماشي هتعدي أول ملف (u-turn) كمل بعديه بشوية هتلاقي الراجل ده واخد ناصية كده وبعده على طول واحد بتاع كاوتش.
التليفون:
مواعيد العمل:
التجارب السابقة: تغيير ماكينة زجاج الأبواب الأمامية وظبط الزجاج 100%

**A.Lotfy** · 08-06-2010 10:12 AM

محتاج أنا ميكانيكي شاااااااااااااااطر جدا وكهربائي لسيارة مرسيدس 200 موديل 1982 في القاهرة بس يكون بريمووووووووووو

**mega3050** · 08-06-2010 10:50 AM

موضوع تمام يا جماعة
انا اعرف ميكانيكى تمام كان شغال فى توكيل bmw فى دولة الامارات
وراجل زى العسل
الورشة بتاعتة فى العملرانية خلف محطة مترو ساقية مكى اسمة عم حمدى
انا متابع معاة واخر حاجة عملتها عندة كان غيرلى اسلاك البوجيهات وخد ساعتها 15 ج
وبغير دايما تيل الفرامل عندة وبياخد حوالى 15ج
وبيشيك على كل حاجة فى العربية والعربية اللى مش يفهم فيها مش بيشتغل فيها
يعنى راجل صريح وعندة دين ياريت الناس تجربة
هاتروحولة ازاى ؟
اركب كوبرى العمرانية من شارع البحر الاعظم هاتنزل اخر الكوبرى هاتلاقةى حتة كبيرة اوى فاضية على شمالك
الكوبرى هايخدك يمين اجبارى اول دوران للخلف خدوا شمال فى اولشمال يرجعك الكوبرى تانى
سيب طلعة الكوبرى وادخل يمين من تحت الكوبرى لغاية سور المترو هاتلاقةى محطة مترو ساقية مكى على شمالك
وعلى يمينك ورشة عم حمدى الميكانيكى ورقم تليفونة 0106889409
روح وجرب وهاتدعيلى ان شاء اللة

**mahmoud_e2007** · 08-06-2010 11:06 AM

بصراحة موضع جيد جدا . بس انا لية طلب عند مهندس طارق زويل ممكن اعرف مواعيد تغيير فلاتر ( هواء- زيت- بنزين) وسيرو ( كاتينة - دينامو -وباور -وتكييف ) كل اد اية ل لانسر 90 عيون صفية 260 الف كيلو انا لسة شاريها وغيرتلها الحجات دية كلها الحمد لله وعايز اعرف اغيرها تاني كل كام كيلو - استحلفكم بالله الافادة

**f_i_gawish** · 08-06-2010 11:45 AM

موضوع رائع فعلا

التخصص: ميكانيكي
التقييم (من 10): 9
الاسم: محمد حسين
الموقع: شارع مسجد بدر متفرع من شارع المساكن أول فيصل قريب جدا من مبني حي بولاق الدكرور
التليفون: 0122532687
مواعيد العمل: 11 ص إلى 11 مساء
التجارب السابقة: بقالي سنة بتعامل معاه وما شاء الله قمة في الأمانة ومش بيشتري قطع الغيار بيخليك انت تشتريها
هو شغال في كل العربيات

**wdramiz** · 08-06-2010 11:49 AM

شكرا علي الفكرة الجيدة

نريد ورش كهرباء وميكانيكا ممتزة في مدينة نصر او مصر الجديدة

الموضوع: أماكن الميكانيكية المتميزين والكهربائيه فى جميع أنحاء الجمهوريه

LinkBack

أدوات الموضوع

عرض

-

-

-

-

-

-

المواضيع المتشابهه

أضف الى المفضلة : أوقات الصّلاة لـ 6 مليون مدينة في جميع أنحاء العالم

أماكن مراكز الإقتراع بكافة أنحاء الجمهورية من وزارة الداخلية

سر حرق مقر الحزب الوطنى فى جميع أنحاء مصر- غرفة جهنم

موضوع ( أماكن الميكانيكية والكهربائية فى مصر ) هام جداً

الكلمات الدلالية لهذا الموضوع

المفضلات

المفضلات

ضوابط المشاركة