اخر مواضيع المنتدى

العودة   نايل موتورز - NileMotors.net > :: الســيارات الصيـــــنيــة :: > الصيــــــنى العـــــــام
بحث مخصص
عزيزى الزائر انت غير مسجل لدينا حيث يمكنك التسجيل عبر اضغط هنا
إضافة رد
كاتب الموضوع spirit5 مشاركات 20 المشاهدات 2436  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
LinkBack أدوات الموضوع انواع عرض الموضوع
قديم 09-06-2010, 05:55 AM   #1
عضو جديد
البيانات الشخصية
مواضيعي / ردودي
الحالة
spirit5 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

Exclamation كل حاجه عن Jac B15 على لسان اصحابها



احب اشكر كل واحد كتب تقرير عن العربيه الجامده جدا ديه واسمحولى اسميهاجاك فينوس والتقرير كله منقول من منتدانا ومنتدى اخر ويارب ده مايكونش ضد قوانينالمنتدى.

باعتذر لو كان الموضوع مش مترتب




عن نفسى انا روحت التوكيل امبارح لتانى مره عشان اشوفها وكنت هاتهور واتدفع الحجزعشان العربيه ديه مجننانى

بس ربنا ستر عشان كنت هاغرس نفسى فى قسط مش هقدر عليه حاليابس ان شاء الله قريب هاكون من اصحابها
على فكره هما بيقسطوا مع كل البنوك عشان الناس

بتحجز ب 1000 جنيه ولما تيجى الموافقه من البنك بتدفع 30% يعنى 21 الف تقريبا والباقى 1280 على 5 سنين بفايده حوالى 10%

ده لينك صور العربيه بكل الوانها كمان







اسمحولى هاكتب اسم العضو والموضوع على طول ولو نسيت حد ياريت محدش يزعل منى



كتب ahmedchina



تقرير عن الجاك b15

إستلمت السيارةيوم الخميس 13-5-2010 الساعة 10:30 مساءاً و حسب كلام إدارة البيع فى جاكإنى أول مشترى يستلم السيارة فى مصر . [IMG]file:///C:/DOCUME%7E1/GASSER/LOCALS%7E1/Temp/msohtml1/01/clip_image001.gif[/IMG]
نبذةعن تاريخ العربية :
اول ظهور للسيارة كان فىمعرض بكين الدولى للسيارت عام 2008 و كانت النسخة التجريبة و قد لفتت هذةالسيارة إنتباة كل عشاق السيارات نظراً لخطوط التصميم الجديدة و الرياضيةلها . وقتها كان اسم السيارة b18 نظرا لان كان مخطط ان يتم طرح السيارةبموتور 1800 سى سى . السيارة تصميم إيطالى و هى شركةبينيفاريناو هى شركة فى غنى عن التعريف. هذه السيارة تعتبر الحصان الاسود الذى تراهنعلية شركة جاك لدخول عالم صناعة سيارات الركوب حيث تاريخ الشركة فى تصنيعسيارات الركوب يعتبر من احدث الشركات الصينيية على الاطلاق كما انها ليستشريك لاى من الشركات العالمية المعروفة . و قد قامت الشركة بتفادى اخطاءالشركات الصينية الاخرى و بدأت من حيث إنتهى الاخرون .لكن يجب الا ننسى انشركة هيونداى شريك إستراتيجى لشركة جاك فى بعض موديلات السيارت التجارية والدفع الراباعى لذا بشكل او اخر البى 15 تأثرت بخبرة هيونداى على الاقل فىنظام التعليق .
أهمما يميز السيارة هو جمال التصميم الخارجى الذى لا نجد فية أى تشابة مباشرمع اى سيارة أخرى و هو ما يعطى ميزة قوية لهذة السيارة حيث الشخصيةالمنفردة طول السيارة يبلغ 4598سم و طول قاعدة العجلات يبلغ 2710 بما يعطىإحساس بالرحابة و الوسع الداخلى و فعلا هى كذلك فانا طولى 190 عندما أجلسفى السيارة و أضع مقعد السيارة على اقصى و ضعيه يستطيع من يجلس خلفى أنيجلس بمنتهى الراحة . وضعية كرسى القائد أعلى قليلا من باقى الكراسى داخلالسيارة معرفش هل باقى السيارات هكذا ام لا ؟ نعود الى التصميم الخارجىاعتقد ان هذة السيارة يمكن ان تنافس بشدة الكثير من السيارات الموجودة فىالسوق و لاتقل باى حال من الاحوال عن السيارات الاخرى بل هناك كثير مماشاهد السيارة لم يصدق أنها صنيية الصنع و التصمييم .
من الداخل السيارة لاتختلف عن الخارج فهىمنظمة جدا تعطى إحساس بالرافهية من شكل العدادت الرياضى و لون الاضاءةالخلفية البرتقالى المصفر فى تحفة وواضح جداً سهلة القراءة , الدركسيونماكسى بالجلد و متعدد الاوضاع صوت الكلاس عالى زى المرسيدس و البيجو . الكنسولتو يعطى إحساس بالحداثة الكاسيت تتش و التكييف كذلك الخاماتالمستخدمة فى التبلوة عالية الجودة متحسيش إنها بلاستيك وواضح انه نوعممتاز لان العربية ملهاش اى رائحة غريبة . الفتيس سهل وواضح فى النقلاتالعزل داخل العربية جيد جداً التكيف قوى و عند التشغيل لا يؤثر على الماتورو السحب . العربية فيها وصلة خارجية ل ام بى 3 . وانالعربية جاى معاها وصلة يو اس بى تقدر تحط فيها فلاشة
فرش العربية جلد و دى حاجة كانت مفاجئةاعتقد الوكيل نفسة ماكنش عارفها
نظام الانوار داخل العربية رائع جدا فى عند الراكب الامام فىالمنتصف و فى الجزء الخلفى للراكب الخلفى و فى كمان مكان عند النور الداخلىالامامى مكان للنظارة . مستوى الرفاهية فى السيارة ممتاز على سعرها .
العربية مرتفعة عن الارض بشكل كويس ويناسب الطرق هنا فى مصر لكن لا يؤثر على الثبات جربتها كذا مرة العربيةثابتة جداُ العجل عريض مقاس 16 المونيوم الفرامل ممتازة .
الباور ممتاز بس العربية فيها حدفةيييمن هظبطها مع صيانة الالف و المشكلة دى كانت موجودة فى عربيات فى الصين وكلها تم حلها بظبط الزوايا و الترصيص .
المرايا اللى فى النص صغيرة شوية عليها
جميع المريات معتمة .
الماتور 1500 سى سى لسة مجربتش أشدعلية اقصى حاجة 80 حسب تعلميات كتيب الاستخدام الخاص بالعربية . مع تشغيلالتكيف و هى واقفة ال اربى ام مابيذيتش غير 100 بس و دى شى ممتاز
إستهلاك البنزين يعنى فى حدود 7.5 لترفى اول 1000 كليو اعتقد سيكون أقل فى 6.5 لتر إن شاء الله . التناك ممكنتفول ب 55 لتر ينصح باستخدام 93 فى مصر 92 ماشى . السحب عموما ممتاز و يفىبالغرض المطلوب .
الشنطةالخليفة واسعة بس مش مربعة الشكل تحس إن فيها شوية إهدار بس تشيل كتير
العربية مع تحميل 4 أفراد كانت لسةعالية عن الارض بشكل ممتاز .
بالنسيةلماتور العربية فهو مصنوع بمعرفة شركة إسمها دونجان ميتسوبيشى لصناعةالمحركات و هى شركة من شركتين شركاء لميتسوبيشى فى الصين , هذا المحركيعتبر جديد الكود الخاص به هو 4g15 حيث تم تطويرة على موديل 4g18 و هوالموديل الموجود فى البى واى دى إف 3 و البريليلنس سبنلندرو , و الموديلالمحسن حيث تم تقلليل ححجم السى سى من 1600 الى 1500 فقط مع الاحتفاظ بنفسالقوة اللى هى حوالى 104 حصان و التقليل فى إستهلاك البنزين , و على فكرةالموديل 4g18 هو اللى فى الانسر الكريستالة .
و دة طبعا علشان الصين العام الماضى و نتيجة للازمة الاقتصاديةالعالمية و لتشيجع الناس على الشراء كانت بتعمل دعم غير مباشر فى الضرائبالمفروضة على السيارات للفئة اقل من 1600 سى سى . علشان كدة فى موديلاتصينى كتير هتكون 1500 سى سى مش 1600 سى سى زى ال fvr ,fsv ,jac b15 و غيرهامن المويلات الجديدة . أعتقد الماتور يفى بالاستخدام خصوصا إن الواحد مشداخل سبق عربيات . بس الصراحة ال 1500 شوية على العربية بالوزن دة 1315كليو جرام .
من خلال التجربة فى ال1000 كليوالاولى محستش بأى مشاكل فى السحب بالتكييف او بدون و دى شى كويس .
صوت الماتور فى البداية كان عالى شوية و فى رجة خفيفة بسبعد 200 كليو الصوت مش مسموع و الرجة لسة على بسيط و العربية واقفة بس . هاشوف النقطة دى فى الصيانة و ممكن تروح مع تغير الزيت . درجة حرارةالعربية اقل من نصف المؤشر بحاجة بسيطة . السحب كويس جدا مع الحمولة ركبنا 4افراد و بعض الامتعة فى حدود 400 كج كلنا على بعض ماكنش فى مشكلة معالتكيف .
الاضاءة الخارجية قوية وواضحة فىالليل و جميلة جدا الاضاءة الخلفية .
العربيةفيها ردار ركن خلفى مفيد جدا فى الاماكن الضيقة و خصوصا إن العربية عاليةمن ورا شوية فبيكون فى شوية صعوبة فى الركن الخلفى .
الفرامل ممتازة و كنت شفقت تقرير تحليلى عن العربية فى موقع صينى وقال إن العربية ممتازة و بتوقف خلال 36 متر فقط على سرعة 100 كم ساعةالانواع الاخرى من 40-48 متر على نفس السرعة .
العفشةبالنسبة لى كويس الاحساس بالمطبات خفيف , بس واحد صاحبى ركب معايا و قالإنها أنشف شوية من الهيونداى إلنترا الجديدة .
علىفكرة نظام التعليق الخاص بها هو نفسة الخاص بالهيونداى النترا الشكلالقديم و الماتركس الشكل الجديد و الاوبترا سوا الامامى او الخلفى .
العيوب و الحمد الله لم تظهر بعد بس هناك بعض الملاحظاتالمقابض من الداخل مش قوية كاخامة محصلش حاجة لسة بص مقلق منها . درجةسوقعية التكيف بعض الاحيان مابتكون قوية . توجية الدركسيون مش على درجةعالية من الدقة , العربية فيها حدفة يمين شوية . بس دى كلها مشكلات بسيطةيمكن حلها مع أول صيانة إن شاء الله .
بأنصح اىحد بيفكر يجيب عربية فى حدود ال70 الف دى احسن إختيار بلا منافس . أنالغاية النهاردة مشيت بها 960 كليو متر العربية ثابتة جدا على الطريق صوتالكاسيت ممتاز العزل رائع . ناس كتير على الطريق بيبصوا عليها سوا و اناماشى بيها او راكنها . و احد كان راكب اوبل فيكترا من كتر ماكان معجب بيهاكان هيخوش فى العربية و إحنا ماشين على الاتوستراد . نسبة الالتفات للعربيةأكتر من 90% من العربيات اللى ماشى حواليا . و أنا فى المرور ناس كتيرسألت عنها . سحب الموتور معقول بالنسبة لوزن السيارة و حجمها معالتكييفمافيش مشكلة . العربية عالية عن الارض حتى مع حمولة 5 أفراد الحمد الله لاحكت فى مطب و اى حاجة . إمبارح كنت فى القاهرة الجديدة و فى شوية مطباتميتحكيش على عدوك دى حصون مش مطبات المهم كنت ماشى فى شارع مظلم و مشفت مطبو كنت ماشى على 80-90 و الله أخدت المطب و لا أكن حصل حاجة العربية فىمنتهى الثبات .

تابع نفس العضو ahmedchina

يا شباب فى حاجة عايز اسأل عنها ملاحظلما بتدور العربية بيكون فى رعشة خفيفة فى الماتور و بتستمر حوالى 10 دقائقطوال ما العربية وافقة . بس لما بمشى بيها الرجه بتروح و صوت الماتور عالىشوية هل دة طبيعى علشان العربية جديدة برجاء الافاءدة من أهل الخبرة وملاك العربية الاخرين مع العلم ان كل اللى سيرت بية بالعربية 130 كيلو مترفقط . بس الرجه دى لاحظتها 3 مرات مع تشغيل العربية .


تابع نفس العضو ahmedchina


المشكلةدى إنتهت يا باشا و ملهاش دعوة بكون العربية صينى . العربية بتكون باردةمن الركنة و لسة الموتور جديد . على العموم هذة المشكلة تلاشت تماماً والحمد الله و العربية أكثر من ممتازة و بأنصح اى حد بيفكر يجيب عربية فىحدود ال70 الف دى احسن إختيار بلا منافس . أنا النهاردة مشيت بها 730 كليومتر العربية ثابتة جدا على الطريق صوت الكاسيت ممتاز العزل رائع . ناس كتيرعلى الطريق بيبصوا عليها سوا و انا ماشى بيها او راكنها . و احد كان راكباوبل فيكترا من كتر ماكان معجب بيها كان هيخوش فى العربية و إحنا ماشين علىالاتوستراد . نسبة الالتفات للعربية أكتر من 90% من العربيات اللى ماشىحواليا . و أنا فى المرور ناس كتير سألت عنها . سحب الموتور معقول بالنسبةلوزن السيارة و حجمها مع التكييف مافيش مشكلة . العربية عالية عن الارض حتىمع حمولة 5 أفراد الحمد الله لا حكت فى مطب و اى حاجة . إمبارح كنت فىالقاهرة الجديدةو فى شوية مطبات ميتحكيش على عدوك دى حصون مش مطبات المهمكنت ماشى فى شارع مظلم و مشفت مطب و كنت ماشى على 80-90 و الله أخدت المطبو لا أكن حصل حاجة العربية فى منتهى الثبات . ربنا يستر علينا و عليها .


ن شاء الله انا بجهز التقرير بتاع العربية فى خلال يوم أو إثنين بالكتير

بالمناسبة إستهلاك البنزين انا فولت اول مرة 51 لتر 92 مشيت بيها 586 كيلومتر كلهم داخل القاهرة طرق شبة مزدحمة و كنت بشغل التكيف اغلب الوقتودائمابيكون راكب فيها من 2 الى 5 افراد . إستهلاكها حوالى 8.7 لتر لكل 100كليو متر بس اللمبة مانورتيش أعتقد كان ممكن تمشى لغاية 650 كليو متر يعنىمتوسط الاستهلاك 7.8 و تكون اللمبة نورت و لسة فى أول 700 كم يعتبر معقولجدا@البداية .

odaoda كتب


العفشة ليست ناشفة العفشة جيدة بس بعد التربيط هتبقى انعم كمان بعد صيانةال1000 ثم ال5000 دة فكل العربيات الجديدة زى النيسان صنى والافيو والاوبترا بلذات ومعظمالجديد


jac b15 audio usb

في فتحة يو اس بي في العربية بس هي صغيرة كده زي بتاعت الموبايل حد عنده ايمعلومة ازاي استفاد منها؟؟؟ يعني ادخل فيها فلاشة ازاي؟؟


فى وصلة جاية مع العربية بتتركب فالفتحة طالع منها وصلة يركب فيها فلاشة بس كدة وصوتها جامد ومشغلها علطول (موجوده فى تابلو العربيه يا جماعه)
........................................

سؤالللناس اللى معاها العربية أخبار التكييف معاكم إية ؟ النهاردة الظهر خرجتمن الشغل رحت مشوار لاحظت إن التكيف بيجيب هوا بس مابسقعش بس . و بعد ماوقفت اجيب حاجة و رجعت و شغلت التكييف جاب هوا ساقع حد لاحظ الموضوع دة . وده طبيعى و لا إية ؟ كدة كدة أنا هشوف النقطة دى فى الصيانة بكرة خصوصاًإن عملت بالعربية 1300 كم بس معنديش وقت أعمل الصيانة . بكرة إن شاء الله


اولا الف مبروك على السيارة ومشكلة التكييف الذى تتكلم عنها كانت تحدث لىفى اللانوس واختفت ولكن لى رجاء اطفى التكييف قبل قفل الكونتاكت وارجع شغلالسيارة الاول ثم التكييف ولكن لاتطفى السيارة والتكييف شغال وترجع تشغلهاوتتوقع ان التكييف يعمل بكفائة والف مبروك مرة اخرى

صيانة ال 1000 كيلو

عملت الصيانة يوم السبت بعد كنت عملت بالسيارة 1500 كيلو . المهم وصلت الساعة 9.30 و خلصت الساعة 1.30 . كنت العربية الوحيدة الجاكاللي في الصيانة على فكرة المركز يخدم على جيلى و جاك تم تغير الزيت وخلافة المعاملة مش وحشة بس لسة عايزينيحسنوا من نفسهم شوية . الموضع كله كلفنى 190 جنية و نصف , غسلوا العربيةبعد الصيانة . مصلحوش موضوع الحدفة اليمن قالو الجهاز لسة موصلش الجهازبتاع الترصيص و الكمبيوتر و السوفت وير بتاعت العربية هتيجى كمان إسبوع .

المهم العربية بعد الصيانة صوتهاهدى كثير عن الأول .
جربت النهاردة بيها على طريقالسخنة أشد على الماتور شوية جبت بيها 165 كيلو -ساعة العربية ثابتة وتقيله على الأرض . بس بصراحة ال1500 سى سى بعزم 130 نيوتن شوية على العربيةدى . السحب مش وحش بس كانت تكون احلي لو الماتور 1600 .
التكيف الحمد الله كويس .



الرد


عموماالمعاملة فكل الدنيا مش كويسة ابدا

روح منصور كدة شوف بيعملوا اية
هو وغبور بسم الله ما شاء الله فلمعاملة يعنى اخر حلاوة ولا بيعملوا اىحاجة
الناس تخش 9 يمشوا 4 و5 وفى ابو رواش لابو الفتوح يخشو بدرى يخرججوا 6 وحاجات ما يعلم بيها الاربنا
الف مبروك يا استاذ احمد علصيانة وعقبال باقى الصيانات
على فكرة العربية مبتحدفش منى وتمام الحمد الله بس حاسس ان العفشة جامدة حبة بسحبة حبة بتخف يمكن على الالف بعد التربيطتبقى خف كما هو الحال فمعظم العربيات
كل الشكر لحضرتك

....................*


النهاردةجبت بالعربية 185 كم الحمد الله العربية ثابتة بس منصحش اى حد يجرى علىالسرعة دى , بالنسبة لى كانت عندى إجتماع هام جدا و كنت متاخر و الطريقفاضى قلت أجرب . معتقدش إنى هاعملها تانى .


بخصوص إستهلاك البنزين انا بسجل للعربيةو حسبت و النتيجة كالتالى :

نوع البنزين 92
متوسط إستهلاك البنزينبعد 2600 كيلوهو 7.6لتر لكل 100 كيلو
أقل إستهلاك كان 5.2 لتر فى 100 كيلو
أعلى إستهلاك كان 10.2 لتر لكل 100 كيلو ( بسبب السرعة العالية أكتر من 140 )
أفضل بنزين شل و موبيل عمرة اطول من إسو و وطنية عن مراقبة أستخدام شخصى فىاكثر من عربية .
أعتقد مع الاستخدام المعقول ممكن تنزل الى 6.8 لتر لكل 100 كليو


مصاريف الترخيص على لسان تيمو (من الاخر 1500 جنيه)


الحمد لله رخصت العربية لاني اول حاجة كنت مستنيالافراج الجمركي وده استلمته يوم الخميس وبعدين سافرت يومين واخيرا رخصتيوم امس بحمد الله

وحبيت اعرض عليكم تكاليف الترخيص لمدة 3 سنوات

10 جنية طلب فحص
10 جنية اكرامية فحص
198 جنية طفاية حريق ( طبعا قولت ليه مش هيه 121 فقط قالولي لغاية 1300 121cc جنية ومن 1300 : 1600 198ccجنية ) حاجة غريبة ومش فاهم حاجة هي جماركولا ايه
44 جنيه شنطة اسعاف ( حاجات ملهاش لزمة )
00 جنية مثلث ( لانه موجود في العربية ) وكويس انهم وافقوا ومقالوش مشمطابق للمواصفات
20 جنيه ملف وتصوير
221 جنية تأمين اجباري شركة وثاق ( كتبوها في الرخصة المصرية للتأمين )
775 جنية ضريبة ولوحات جديدة ( ومعرفش تفاصيلها ايه )
100 جنية تقريبا شئ لزوم الشئ ( محدش يسأل ايه الشئ )
10 جنية رسوم استلام لوحات
10 جنية اكرامية تركيب
الوقت من 9 صباحا : 2 ظهرا
ولاقيت حوالي 5 عربيات B class في الترخيص معايا]

تكمله اخرىمن العضوالجميل odaoda



اسعار قطع الغيار


اكصدامامامى 580

اكصدام خلفى 580
رفرف امامى 520
فانوس امامى 620
فانوس خلفى داخلى 195
فانوس خلفى خارجى 230
فلتر زيت 27
بنزين 39
هواء 50
اسطوانة دبرياج 260
سير دينامو 60
مساعد خلفى 280
تيل امامى فرامل 185
تيل خلفى 240
مرايا 280
مساعد امامى 300

================================================== =======

الصور من تقرير العضو الرائع بدر بسيونى
The JAC B15 Sedan 2010













































ومن الداخل


















































































العربية من تصميم Pininfarina المصمم الذى صمم M11

السيارة موجودة فى عدة فئات

الفئة الاولى

standard comfortable

تحتوى على 2 موديل

الموديل الاولى والثانى

مزود بمحرك Mitsubishi 4G15S

سعته 1500 سى سى

يولد 103 حصان عند 6000 RBM

اقصى عزم 130 نيوتن متر عند 4500rpm


ناقل حركة مانيول من 5 سرعات


الفئة لثانية والثالثة


luxury و super luxury


محرك Jianghuai HFC4GB2.3C

سعته 1500 سى سى

يولد 112 حصان عند 6000rpm

اقصى عزم 146 نيوتن متر عند 4000rpm


ناقل الحركة مانيول من5 سرعات

السرعة القصوى 175 كم/س



الابعاد الخارجية

الطول 4590 مم

العرض 1765 مم

الارتفاع 1465 مم

قاعدة العجلات 2710 مم

مقاس الاطارات 205/55 R16

الفرامل الامامية والخلفية ديسكات

التعليق الامامى McPherson

التعليق الخلفى dual-link




اهم التجهيزات

4 زجاج كهربى

عجلة القيادة قابلة للتعديل

الكراسى جلد

ريموت وانذار

مرايات جانبية كهربية بهيتر

2 ايرباج للسائق والراكب اللى بجانبه

ABS + EBD فى جميع الموديلات ماعدا اقل موديل فقط

مجهزة بمكتشف للرادار

جراب للنظارات



================================================== ====
ارجو انى اكون افدتكم
سامح غنيم


spirit5 غير متواجد حالياً   رد مع اقتباس
قديم 09-06-2010, 06:28 AM   #2
عضو فضي
 
الصورة الرمزية Hmatchy
البيانات الشخصية
مواضيعي / ردودي
مزاجي:
الحالة
Hmatchy غير متواجد حالياً

حاصل على الاستيكر
الإعجاب بالمشاركات
شكرًا (أرسل): 14
شكرًا (تلقى): 51
معجب بمشاركة (أرسل): 107
معجب بمشاركة (تلقى): 200

مـجـمـوع الأوسـمـة: 1

التكريم



افتراضي

الف شكر يا سامح على المعلومات دى وفعلا العربية شكلها كويس وتقفيلها كويس اوى لسعرها وامكانيتها
بس هتيجى فى صف اخواتها البريليانس fsv و frv اللى الناس بتجرى منهوم اول ما يسمعوا صينى
قدامنا سنتين او تلاتة عقبال ما الصينى يسبت نفسوا وربنا يقدملنا الخير جميعا


__________________
Hmatchy
>>>>>>>>>>>>>>Mohamed Adel
 
اخر مواضيعى

0 بعد عشره 3 سنين ونص و 83 الف كيلو رأيي فى البريلليانس fsv الأنثى الوحيده فى حياتى
0 من عين شمس (الالف مسكن) الى بيجام شبرا الخيمه
0 تجربة تغير الطنابير و تيل الفرامل الامامى fsv
0 حد ليه تريوس زرقاء مسروقه
0 استشارة فى شقة فى العبور

 
Hmatchy غير متواجد حالياً   رد مع اقتباس
قديم 09-06-2010, 02:10 PM   #3
عضو فضي
 
الصورة الرمزية amrseba
البيانات الشخصية
مواضيعي / ردودي
الحالة
amrseba غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 5
معجب بمشاركة (أرسل): 0
معجب بمشاركة (تلقى): 0

افتراضي

تقرير جميل جدا وانا الناس كانوا بيحكولى عنها وبيقولو شكلها جميل بصراحه عربيه جميله جدا وديه افضل من الاسبرنزا والشيرى والبرلينس ومعلش العربيه تتقارن بال صينى مش هتدخل المنافسه الا بعد 10 سنين قدام زى الكورى برده من 10 سنين اول لما نزل و زى اليابنى لما نزل فى السبعينات

__________________
فياتاوى و اعتز ... زملكاوى و افتخر والى مش عاجبه ينتحر
 
اخر مواضيعى

0 مطلوب شراء سياره فيات بونتو حاله ممتازه 2000-2003
0 قطع غيار فيات تيمبرا استيراد
0 للبيع قطع غيار فيات تمبرا استيراد
0 فكره تعديل 131 انا صح ولا ممكن اكون غلطان
0 ايه اخبار ثبات الاكسنت ار بى الجديده حد جربها عايز اعرف رأيكم فيها ايه

 
amrseba غير متواجد حالياً   رد مع اقتباس
قديم 09-06-2010, 02:26 PM   #4
عضو برونزي
 
الصورة الرمزية ahmedchina
البيانات الشخصية
مواضيعي / ردودي
الحالة
ahmedchina غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 2
شكرًا (تلقى): 1
معجب بمشاركة (أرسل): 1
معجب بمشاركة (تلقى): 3

افتراضي

شكرا يا باشا التقرير الرائع المجمع دة
إتكل على الله و إشتريها و عن تجربة
كل اللى بشوفها و يركبها معايا ما بيصدقش إنها صينى

__________________
The Pretty Power
سبحان الله و بحمده سبحان الله العظيم
ربى أغفر لى و لوالدى و المؤمنين يوم يقوم الحساب
 
اخر مواضيعى

0 Byd f3 2014
0 جيلى إميجراند و غبور
0 صور لمصنع بريليانس من الداخل لاول مرة
0 جاك الصينية تطرح سيارة suv جديدة كلياً
0 new elntra coupe spy photo

 
ahmedchina غير متواجد حالياً   رد مع اقتباس
قديم 09-06-2010, 03:16 PM   #5
عضو جديد
البيانات الشخصية
مواضيعي / ردودي
الحالة
spirit5 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

المشاركة الأصلية كتبت بواسطة Hmatchy مشاهدة المشاركة
الف شكر يا سامح على المعلومات دى وفعلا العربية شكلها كويس وتقفيلها كويس اوى لسعرها وامكانيتها
بس هتيجى فى صف اخواتها البريليانس fsv و frv اللى الناس بتجرى منهوم اول ما يسمعوا صينى
قدامنا سنتين او تلاتة عقبال ما الصينى يسبت نفسوا وربنا يقدملنا الخير جميعا
Hmatchy باشا
انت فعلا عندك حق بس انا عندى احساس انها هتثبت جودتها قبل معظم الصينى اللى فى السوق
بس انا بفاضل بينها وبين اللنوس والفرنا اللى مبحهمش خالص او اللوجان اللى حلوه بس عيب تركب عربيه
2010 ليها 3 مفاتيح (كونتاكت وشنطه وبنزين) والكلاكس زى ال 28 فى الدراع

spirit5 غير متواجد حالياً   رد مع اقتباس
قديم 09-06-2010, 03:27 PM   #6
عضو جديد
البيانات الشخصية
مواضيعي / ردودي
الحالة
spirit5 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

المشاركة الأصلية كتبت بواسطة ahmedchina مشاهدة المشاركة
شكرا يا باشا التقرير الرائع المجمع دة
إتكل على الله و إشتريها و عن تجربة
كل اللى بشوفها و يركبها معايا ما بيصدقش إنها صينى
احمد بيه شاينا بذات نفسه شرفنى بالتعليق
يا باشا اساس التقرير ده هوا تقريرك الجميل
بصراحه مفيش عربيه فى السوق مليه عينى فى نفس رينج السعر اد العربيه ديه بس مستنى الكاشات تظبط شويه وهاخلص على طول

spirit5 غير متواجد حالياً   رد مع اقتباس
قديم 09-06-2010, 05:22 PM   #7
عضو فعال
البيانات الشخصية
مواضيعي / ردودي
الحالة
odaoda غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 4
معجب بمشاركة (تلقى): 0

افتراضي

ألاستخارة اهم شئ
واتوكل على الله
وقبل اى حاجة خد رأى نفسك انت وهل انت مقتنع ولا لا
وربنا يبارك فاى عربية من الى ذكرتهم مقدما طبعا

odaoda غير متواجد حالياً   رد مع اقتباس
قديم 09-06-2010, 11:35 PM   #8
عضو فضي
البيانات الشخصية
مواضيعي / ردودي
الحالة
aboomar22 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 29
شكرًا (تلقى): 130
معجب بمشاركة (أرسل): 24
معجب بمشاركة (تلقى): 175

افتراضي

انا كنت معجب قوى قوى بالسيارة دى وناوى اشتريها لحد ماشفت السيارة انجلون بجد وقعت فى غرامها هى تقريبا كدة زى ال الجاك 15 فى الشكل والكماليات بس اظن اسم ابو غالى يحسم الموضوع وكمان السيارة متوافرة مش حجز رايكم ايه

aboomar22 غير متواجد حالياً   رد مع اقتباس
قديم 10-06-2010, 03:08 AM   #9
عضو فضي
 
الصورة الرمزية Hmatchy
البيانات الشخصية
مواضيعي / ردودي
مزاجي:
الحالة
Hmatchy غير متواجد حالياً

حاصل على الاستيكر
الإعجاب بالمشاركات
شكرًا (أرسل): 14
شكرًا (تلقى): 51
معجب بمشاركة (أرسل): 107
معجب بمشاركة (تلقى): 200

مـجـمـوع الأوسـمـة: 1

التكريم



Smile

المشاركة الأصلية كتبت بواسطة spirit5 مشاهدة المشاركة
hmatchy باشا
انت فعلا عندك حق بس انا عندى احساس انها هتثبت جودتها قبل معظم الصينى اللى فى السوق
بس انا بفاضل بينها وبين اللنوس والفرنا اللى مبحهمش خالص او اللوجان اللى حلوه بس عيب تركب عربيه
2010 ليها 3 مفاتيح (كونتاكت وشنطه وبنزين) والكلاكس زى ال 28 فى الدراع
فيرنا ايه يا راجل ولانوس ايه بس
طب اللوجان رغم اللى قلتوا بس اوك عربية كويسة
ونصيحة فكر فى البريلليانس بردو ثبت نفسوا وقطع غيارو موجودة وربنا يوفقك للى فيه الخير ليك يا رب
وبعدين مين قالك ان ال128 الكلاكس فى الدراع دا من 88 وهوا فى الطارة

__________________
Hmatchy
>>>>>>>>>>>>>>Mohamed Adel
 
اخر مواضيعى

0 بعد عشره 3 سنين ونص و 83 الف كيلو رأيي فى البريلليانس fsv الأنثى الوحيده فى حياتى
0 من عين شمس (الالف مسكن) الى بيجام شبرا الخيمه
0 تجربة تغير الطنابير و تيل الفرامل الامامى fsv
0 حد ليه تريوس زرقاء مسروقه
0 استشارة فى شقة فى العبور

 
Hmatchy غير متواجد حالياً   رد مع اقتباس
قديم 10-06-2010, 05:51 PM   #10
عضو جديد
البيانات الشخصية
مواضيعي / ردودي
الحالة
spirit5 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

المشاركة الأصلية كتبت بواسطة hmatchy مشاهدة المشاركة
فيرنا ايه يا راجل ولانوس ايه بس
طب اللوجان رغم اللى قلتوا بس اوك عربية كويسة
ونصيحة فكر فى البريلليانس بردو ثبت نفسوا وقطع غيارو موجودة وربنا يوفقك للى فيه الخير ليك يا رب
وبعدين مين قالك ان ال128 الكلاكس فى الدراع دا من 88 وهوا فى الطارة
مع احترامى الرليانس عربيه كويسه بس البافاريه عايشين فى مية المخلل بالاسعار الهبله فى كل الموديلات
fsv ب 99 الف ليه وال frv ب 84 ليه بردو اصلا هما مش عشان توكيل بى ام يبقو كويسين
ادخل على القسم الخاص بيهم هاتشوف مهازل بردو زيهم زى ابو الفتوح

ان شايف وديه اراء وازواق ال jac b15 احسن من البرليانس

spirit5 غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لسان , b15 , اصحابها , حاجه , jac , على

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
m11 سياره رائعه ذى اصحابها fghahkj سبـــيرانزا 19 04-04-2010 01:27 AM
أخبار الجين تو من اصحابها bolty55 بــروتـــون 16 06-04-2009 12:28 AM


الساعة الآن 07:52 PM.


Powered by vBulletin® Copyright ©2000 - 2014, Jelsoft Enterprises Ltd. ,
Content Relevant URLs by vBSEO 3.6.0 PL2
For ADs Mail to: Karim.Serag@GMail.com

جميع المشاركات تعبر عن اراء ووجهة نظر اصحابها فقط والمنتدى غير مسئول عنها