استفسار بخصوص paypal

**Moe86** · 10-06-2010 03:31 AM

أنا عايز أشترى حاجات من ebay و عملت كارت نت, بس لما جيت أعمل أكونت على paypal مالاقيتش Egypt
اية الحل ؟

**QaTaR** · 10-06-2010 03:50 AM

ياااه انت لسى عارف ان ايجب مش على الليست

الحل بسيط

عندك تو سليوشن

اولا تراسل السيلر وتقوله ينفع ادفع بالكريدت كارد وطبعا يفضل انها تكون ديبت كارد لو وافق خير وبركه موفقش قله حدفع بالبنك
او وسترن يونيون وافق خير وبركه موافقش قله حدفع بالموني بوكر ده زي الباي بال وايجب على اليست وافق خير وبركه موفقش
هههههههههههههههههه

ثانيا يبقى في موقع حبقى ابعتهولك على الخاص الراجل بيشتري الحاجه وبياخد عموله 10 في الميه تقريبا
وانا جبت عن طريقه مره لما كنت محتاج الحاجه الي حشتريها والسيلر رزل ومصمم على باي بال
وهو بيقبل الدفع بالموني بوكر
وطبعا حيكون ارخص لو السلعه الي حتجبها غاليه عشان متدفعش بالوسترن يونيون
وكمان تضمن حقك
بس قولي عايز تجيب ايه ؟ يمكن اشوفلك موقع فيه الحاجه وبسعر احسن او تكون موجوده في ايجبت

**Moe86** · 10-06-2010 04:00 AM

شكرا لردك, أنا هاشترى iphone و هبعته على واحد قريبى فى أمريكا يجيبهولى معاه و هو جى كمان كام يوم ان شاء الله
الحلول مش عملية للأسف , لأنى مش عايز أعرض بيانات الكارت على النت كدة , دة غير ان 10% نسبة كبيرة و مش مضمون كمان

**QaTaR** · 10-06-2010 04:27 AM

بالعكس حلول عمليه وطبعا 10 % ديه كويسه لو سلعه سعرها رخيص فعلا
بالنسبه لموضوع عرض بيانات الكارد فا انا قلتلك يفضل انها ديبت كارد ما انا ممكن استخدم بطاقة hsbc على النت بس عشان مش ديبت فا طلعت انترنت كارد من البنك الاهلي وديه لما بحب اشتري حاجه مثلا ب 100 دولار بحط ال 100 دولار

بعدين هو لو في حاجه اتسحبت وانا معرفش حاجه عنها فا بكلم البنك وبقله اعملوا هولد على المبلغ الي اتسحب ولما يتعمله هولد الي سحب الفلوس مش حتنزله في حسابه وممكن لو نزل الموني في حسابه يتسحب
الا لما يبعتلهم صورة البطاقه الخ الخ

موضوع طويل

نهاايته ابعت الفلوس دايركت على قريبك وهو يشتريه ويجبهولك بدل ما تدفع شحن داخلي و فيز وخليه يتاكد انه معمله unclocked

**kar!m** · 10-06-2010 09:21 AM

المشاركة الأصلية كتبت بواسطة Moe86

شكرا لردك, أنا هاشترى iphone و هبعته على واحد قريبى فى أمريكا يجيبهولى معاه و هو جى كمان كام يوم ان شاء الله
الحلول مش عملية للأسف , لأنى مش عايز أعرض بيانات الكارت على النت كدة , دة غير ان 10% نسبة كبيرة و مش مضمون كمان

أحسن حل تخليه هو يدفع و تديله الفلوس لما ييجى .. لو العلاقه بينكم كويسه يعنى و مش هتتقل عليه.
أنا مره كنت عاوز اشترى قطعة غيار للكاميرا بتاعتى .. كانت فى التوكيل ب 1700 جنيه و على ebay ب 20 دولار (110 جنيه تقريبا) بس مستعمله .. و كان برضه مبيقبلش الا ب PayPal بعت الفلوس فى جواب لحد أعرفه بره عنده حساب فى PayPal و هو اشتراهالى .. طبعا انك تبعت الفلوس فى جواب ده خطر وش محبذ اطلاقا .. بس عشان المبلغ كان بسيط فقلت عادى.

**dreslam** · 10-06-2010 10:59 AM

هو فيه حل انا لسه مجربتهوش تماما.انك تشتري بطاقه كاش يو ومن على الموقع حتلاقي سايت فيه بيعملك كريدت كارد وهمي امريكاني تعمل بيه حساب باي بال او تشتري بيه من باي بال واحلى حاجه فيه انك حتعمل الكارت بالمبلغ اللي تحدده عشان تشتري بيه مره واحده فقط بس بالعمولات والذي منه بيوصل السعر لنسبه 10% تقريبا عموله

**Moe86** · 10-06-2010 04:31 PM

شكرا ليكوا , الكارت اللى معايا debit فعلا من البنك الأهلى , يعنى كدة ممكن أبقى مش محتاج paypal ?
المشكله ان الشخص قريبى من بعيد قوى ,و هو أصلا لسة طالب فى ثانوى يعنى مش معاه فلوس كاش كتير
وأنا عايز أجيب جهازين iphone يعنى فوق ال700 دولار فبالتالى 10% هاتبقى كتير
أنا لسة فاكر ان واحد صاحبى اشترى حاجة قبل كدة , هاسئله و أشوف عمل ايه