الموضوع: التزوير فى العداد هل يمكن اكتشافة

بص و الله انا هقولك على حاجة
بالنسبة ان فى مراكز تشكفلك على العربية فطبعا فى مراكز تعمل كدة و بتديك تقرير كامل عن حالة الموتور و العفشة و كل حاجة بس انا هقولك على حاجة انت ممكن شكك يكون صح و ممكن لا لان فى ناس مش محافظ العربية بتتبهدل معاهم بشكل كبير فى فترة قليلة جدا بس برضة هقولك فى حالة ان الواحد لما يشترى عربية مستعملة لازم يشك فى اخوة مش اللى بيبعلة العربية و التجارب مع الناس اللى هنا فى المنتدى كتيرة


________________________

يرجى مراعاة الدقه فى كتابة لفظ الجلاله بشكل صحيح


مشرف الورشه

شككككككرااااااااااااااااا ااا

هو مفيهاش حاجه مباشره بالظبط تقدر تحددلك العداد اتلعب فيه ولا لأ , بس زي ما الرجاله قالت بتبص على الحاله العامه للعربيه و اهمها كبس الموتور طبعا , اما على قصة العداد ففي حاجه بس مش اكيد 100% ان الفني يبص عالعداد وممكن يعرف اذا كان اتفك ولا لأ من حالة مسمار مثلا انه ملعوب فيه او او .

صعب انك تعرف ان العداد اتلعب فيه ولا لأ
لأنه ممكن يفصل سلك السرعة من الفتيس فالعداد مش هيعد
في ناس بتعمل كده في العربيات الجديدة عشان لما تتباع تجيب سعر حلو

المشاركة الأصلية كتبت بواسطة mdfd5

صعب انك تعرف ان العداد اتلعب فيه ولا لأ
لأنه ممكن يفصل سلك السرعة من الفتيس فالعداد مش هيعد
في ناس بتعمل كده في العربيات الجديدة عشان لما تتباع تجيب سعر حلو

فعلا ده اللى بيتم

وأختبار الكبس هو اللى بيبين وضع المكنه صح

وللأخ : صاحب التوبيك

متفرحش بالموديل ولا بأنخفاض السعر المطروح للعربيه

قدامى عربية فيرنا 2006 عاملة 31000 كيلو بس حالتها من برة و من جوة تقول انها عاملة اكتر من كدة بكتير

وأكشف عليها كويس وبراحتك

علشان من الممكن أن تكون العربيه دى كانت بتطلع أيجار

وحالتها بالبلاء

وتبص تلاقى نفسك رميت فلوسك على الأرض

فالتروى والكشف الصح ( على كل حاجه )

مطلوب فى حالة شراء المستعمل

ومتستعجلش وتقول على حاجه أنها فرصه ( علشان موديل ورخيصه )

فالعربيه حاله ..........مش موديل

فلن يصيبك إلا نصيبك

فخد راحتك ونقى صح

وأصرف صح وقت النقاوه

تاخد عربيه أستعمال آخر حلاوه

شكرا للاخوة اللى جاوبونى
فعلا لازم الواحد يتروى

بس ممكن مادام الحل الوحيد اسمة كابس الماتور

بس انا معرفش بيتعمل ازاى او فيين على فكرة انا من اسكندرية
هل الكبس د بيتعمل فى البنزينة ام فى التوكيل
و هل هو زى كشف الكمبيوتر العادى ولا لا

بكدة اكيد الاجابة هاتكتمل و اللى هاتقولو علية هاعملة على طول
انا كنت فاكر هاكشف بالكمبيوتر و تبقى المواضيع خلصت