مُشكلة فى (الشكمان +الماتور)

**م/مصطفى محمود** · 10-06-2010 11:58 AM

السلام عليكم ورحمة الله وبركاته

1 - من كام يوم بدأت أسمع صوت تنفيس تحت العربية وظاهر أوي فى الأول والتاني وشكيت أنه الشكمان ، وروحت كشفت النهرده طلع أن سوستة الشكمان مكسورة ومحتاجه تتغير ، فهل فى ضرر لو مشيت بيها كده شوية حلوين ، شهر مثلا ، مع العلم أن الصوت مش عالى أوي (لسة دافع 700 جنية من فترة تغيير دبرياج وجلبة مياة وكام حاجه)

2 - لما باجي أبطل العربية أوقات بلاقى العربية بتترج جامد أوي وخاصة لما بتكون المروحة شغاله على السرعة التانية ، بس ده مش دايما ، يعنى أوقات تعمل كده وأوقات لأ

**م/مصطفى محمود** · 10-06-2010 12:47 PM

هى دي السوستة اللى بتكلم عليها ، والعربية سيينا 1400 موديل 2000 وحقن من نقطة واحدة (أنجيكشن واحد )

**kemoelord** · 10-06-2010 12:51 PM

هو حضرتك يعني ايه حقن من نقطه واحدة ؟؟؟ مش هم المفروض
4 Injectors ؟

**Ahmed Galal** · 10-06-2010 01:13 PM

غيرها احسن و حقن من نقطة تقريبا يعنى انجكتور واحد بيبخ فى مسطرة و بتوزع على الاسطوانات الاربعة و الله اعلم

**م/مصطفى محمود** · 10-06-2010 01:31 PM

شكرا يا أستاذ kemoelord ويا أستاذ أحمد

وبالظبط زى ما قال الأستاذ أحمد ، هو رشاش واحد بيبخ فى المانيفولد وبيتوزع على الأربع أسطوانات

single point Injection

وهي الفكرة يا أستاذ أحمد أني كده كده هغيرها بس لو غيرتها دلوقتي هتضغط ضغطة وحشة (وقت وفلوس) (طالب بقي وفى بكالريوس ومشروع تخرج وكده) فلو هتضر العربية هضطر أغيرها ، لكن لو مُشكلتها الصوت بس هسيبها شوية (شهر ونص مثلا لحد ما أخلص الأمتحانات ومشروع التخرج)

**Ahmed Galal** · 10-06-2010 02:24 PM

المشاركة الأصلية كتبت بواسطة م/مصطفى محمود

شكرا يا أستاذ kemoelord ويا أستاذ أحمد

وبالظبط زى ما قال الأستاذ أحمد ، هو رشاش واحد بيبخ فى المانيفولد وبيتوزع على الأربع أسطوانات

single point injection

وهي الفكرة يا أستاذ أحمد أني كده كده هغيرها بس لو غيرتها دلوقتي هتضغط ضغطة وحشة (وقت وفلوس) (طالب بقي وفى بكالريوس ومشروع تخرج وكده) فلو هتضر العربية هضطر أغيرها ، لكن لو مُشكلتها الصوت بس هسيبها شوية (شهر ونص مثلا لحد ما أخلص الأمتحانات ومشروع التخرج)

ربنا يوفقك و انا لما العربية بتحتاج حاجة و الدنيا مزنقة بس انا عارف انها ما تشكلش خطورة باقلل استخدامى ليها فانت توكل على الله و خفف من استخدام العربية للضرورة و ان شاء الله ما يحصلش حاجة و تعدى الفترة ديه موضوع شهر و نص مش زمن كبير

**Eng_Nissan** · 10-06-2010 03:21 PM

لا متقلقش مفيش خطوره يعني ,بس حاول قلل استخدامك شويه لحد ما تصلحها

**م/مصطفى محمود** · 10-06-2010 06:06 PM

الف شكر ليكم يا شباب ، وأنا فعلا بعمل كده حاليا ، وربنا يسهل ونخلص المشروع على خير ونفضى بقى للدنيا

**max_ziro** · 11-06-2010 02:04 PM

ياباشا هو بردو ينفع رشاشا واحد يرش للاربع بساتم ؟؟
طبعا مينفعش نقطة واحدة المقصود بيها نظام الرش و بردو ملهاش علاقة ف اى حاجة ف موضوع حضرتك ولا ليها علاقة ب الشكمان هو بس الزميل كان عندة معلومات حب يشاركنا بيها مشكورا

و حضرتك ممكن تستخدم العربية عادى جدا مع عيب السوستة و الى بيحصل لما بتكون ال عربية سخنة انو مفيش باك بريشر من الشكمان ف بيبرجلها و اعتدقد دة مفيش منة مشكلة و الله اعلم ..