الموضوع: العربية بتسخن بسرعة

طب هل الميه اللي في القربه بتقل ولا زي ما هي ؟؟عشان لو زي ما هي فممكن تكون السوسته اللي في غطا الردياتير باظت فمبقتش تسحب من القربه , ودي تغيرلها غطا و ده رخيص اوى .

و انت بتقيس الزيت لاحظت انه اصبح مثل الطحينة لو ذلك
يكون العطل جوان وش سلندر

شكرا علي سرعة الرد و علي اهتمامكم الميه بتنقص من القربة و مش باين تسريب من اي مكان بالنسبة للزيت لونه عادي و مش بينقص وانا لسه مغير زيت قريب ولونه عادي جدا انا كتيير قالولي دا عادي انه يوصل للنص بسرعه بس ال حصل معايا ان العربيه كانت
تمام بعد ما اشترتها بكاك يوم عملت بيها حادثة و عديت علي خير الحمد لله ال مشكنني ان اكيد فيه حا جة مش مظبوطه ان قبل الحادثة
الميه مكانتش بتنقص مؤشر الحراره كان برتفع ببطي و عمرة ما وصل للنص قبل النص بشرطتين المرواح بتشتغل لكن حاليا بمجرد ما ادور بيرتفع بسرعه حتي قبل ما اتحرك و بتاخد وقت طويل عشان تبرد يعني مره بطلتها ساعتين وأول ما شغلت الكونتاكت المؤشر وصل للنص حتي قبل ما ادور

ال مشكنني ان اكيد فيه حا جة مش مظبوطه ان قبل الحادثة
الميه مكانتش بتنقص مؤشر الحراره كان برتفع ببطي و عمرة ما وصل للنص قبل النص بشرطتين المرواح بتشتغل

لكن حاليا بمجرد ما ادور بيرتفع بسرعه حتي قبل ما اتحرك و بتاخد وقت طويل عشان تبرد يعني مره بطلتها ساعتين وأول ما شغلت الكونتاكت المؤشر وصل للنص حتي قبل ما ادور

للأسف واضح أن جوان رأس السلندر أتأثر عندك من أثر تلف غطاء القربه وعدم متابعتك الجيده لمؤشر الحراره وأنت سايق

وأنت أستنيت لحد ما المكنه بطلت منك

وكده حتحتاج تغير جوان رأس السلندر

لأن اللى بيحصل معاك حاليا

هو حدوث تفويت كبس من بين الجوان لدايرة تبريد المكنه


ولو عاوز تتأكد صح من تحليلى هذا

والمكنه بارده وأنت لسه بدور

1- أفتح غطاء القربه وأنت لسه مدور والمكنه بارده

2- أعمل أمبيلهات تزويد سرعه عاليه لعدد لفات المكنه من عند بكرة الأكسراتير الموجوده على المكنه عندك

3- بص على القربه لو لقيت الميه بتفور فيها فى صورة هواء بيطرطش ميه لفوق

يبقى جوان رأس سلندر على طول

قبل كل شىء مدام العربية نفضت المية اللى فيها يبقى واخدة هوا ، جرب الاول كده حضرتك تاخد هوا دورة المية وشوف ايه النظام معاك وانت بتاخد هوا العربية لو العربية مبردتش مع تزويد المية للأسف ممكن تكون مشكلة جوان وش السلند.