مشكلة فى الكاربيراتير الجديد

**pepsi_2020** · 12-06-2010 12:31 AM

السلام عليكم

ارجو المساعدة من اعضاء المنتدى انا غيرت الكاربيراتير فى عربيتى ال 504 gl علشان كان بيستهلك بنزين كتييييييييييير وركبت كاربيراتير صينى نوعه solex بوابة واحدة ومن يوم ماركبته والعربية سحبها قل واول ما اطلع بالعربية الاقيها تقيلة جدا وبتقطع فى المشى وسحبها زى الزفت سألت الميكانيكى قالى إن الكاربيراتير الصينى ده لازم تدوس على دواسة االبنزين بالراحة فى اول غيار وبعد كده العربية هتسحب بس برضه العربية سحبها زفت واحس بصوت فرقعة فى الشكمان وطول السكة ريحة دخان الشكمان قالبة قالبة العربية .. ياريت تيفيدونى واسف لو كنت طولت عليكم.

**ahmed_moeaz** · 12-06-2010 02:13 AM

مدام نويت تغير الكاربرتير كنت تجيب واحد استيراد مكان القديم وسيبك من الجديد وخصوصاً الصينى وايه اللى ممكن تصلحه فيه هو جديد وعامل كده معاك؟!!
نصيحتى استعوض ربنا فى اللى دفعته فيه وهات واحد استيراد

**kaza** · 12-06-2010 02:39 AM

لا الموضوع مش كدة معني فرقعة في الشكمان ان المخلوط شحيح يعني كمية البنزين اقل من الواجب حرقها بنفس كمية الهواء راجع ارقام البيكات والنافورة الرئيسية وقارن الارقام المكتوبة عليهم بالارقام الموجودة في الكربراتير القديم وصحح لو فية غلط اما لو كانت نفس الارقام متطابقة يبقي راجع مستوي العوامة وخلي الميكانيكي يرفعها لفوق شوية حوالي 2مم دي الاسباب اللي ممكن تعمل العيب دة غير كدة مافيش حاجة تاني وعموما الكربراتير بيحتاج لفترة تقييم لما بنركبة في العربية ولازم يختبر الاداء لمسافات وظروف تشغيل مختلفة وبعدين نعدل في البيكات والنوافير لغاية ما ناخد افضل اداء

**ahmed_moeaz** · 12-06-2010 03:30 AM

المشاركة الأصلية كتبت بواسطة kaza

لا الموضوع مش كدة معني فرقعة في الشكمان ان المخلوط شحيح يعني كمية البنزين اقل من الواجب حرقها بنفس كمية الهواء راجع ارقام البيكات والنافورة الرئيسية وقارن الارقام المكتوبة عليهم بالارقام الموجودة في الكربراتير القديم وصحح لو فية غلط اما لو كانت نفس الارقام متطابقة يبقي راجع مستوي العوامة وخلي الميكانيكي يرفعها لفوق شوية حوالي 2مم دي الاسباب اللي ممكن تعمل العيب دة غير كدة مافيش حاجة تاني وعموما الكربراتير بيحتاج لفترة تقييم لما بنركبة في العربية ولازم يختبر الاداء لمسافات وظروف تشغيل مختلفة وبعدين نعدل في البيكات والنوافير لغاية ما ناخد افضل اداء

تمام كلامك واتمنى نجاح الخطوات دى ويشتغل معاه بكفاءة لكن هو مبدأ عندى توفر البديل فى المستعمل المستورد افضل من الجديد

**m_mekkawy** · 12-06-2010 12:22 PM

المشاركة الأصلية كتبت بواسطة kaza

لا الموضوع مش كدة معني فرقعة في الشكمان ان المخلوط شحيح يعني كمية البنزين اقل من الواجب حرقها بنفس كمية الهواء راجع ارقام البيكات والنافورة الرئيسية وقارن الارقام المكتوبة عليهم بالارقام الموجودة في الكربراتير القديم وصحح لو فية غلط اما لو كانت نفس الارقام متطابقة يبقي راجع مستوي العوامة وخلي الميكانيكي يرفعها لفوق شوية حوالي 2مم دي الاسباب اللي ممكن تعمل العيب دة غير كدة مافيش حاجة تاني وعموما الكربراتير بيحتاج لفترة تقييم لما بنركبة في العربية ولازم يختبر الاداء لمسافات وظروف تشغيل مختلفة وبعدين نعدل في البيكات والنوافير لغاية ما ناخد افضل اداء

للأسف مش هيقدر يقارن لان الكاربيراتير القديم بوابتين والجديد واحده
بس حكاية عوامه الكاربيراتير دى انا معاك فيها 100%