الحل الجذرى والنهائى لمشكله سخونه التمبرا

**amrseba** · 14-06-2010 02:07 AM

بسم الله الرحمن الرحيم

اولا : انا فيه حاجه جربتها من 3 سنين وبصراحه العربيه مبتسخنش وشغاله زى الفل وانا قبل معمل الحل ده السخونه كانت بتوصل 100 وممكن تزيد بس الحمد لله لاقيت الحل الجذرى الى هيريح كل التمبراويه الجامديين اوى الى فى المنتدى

سبب المشكله السخونه هى ان مروحه التمبرا مبتعملش هوا اصلا وتقريبا بتلف على الفاضى وتصميم المروحه سئ جدا

ثانيا حل المشكله

انا ركبت من 3 سنين مرووحه للعربيه بتاعت عربيه (هيونداى ميكروباص ) وهى نفس القواعد وكل حاجه وبصراحه دلوقتى العربيه درجه الحراره مبتزدش عن 70 خالص وبصراحه العربيه اكتر من ممتازه وبشغل التكييف وكله زى الفل
وانا متهيألى كده العربيه مفيهاش عيوب خالص

وكمان لازم يكون فى العربيه الريداتير الاصلى بتاعها الفبريقه يا تجيبه استيراد عشان واحد اعرفه جايب ريداتير مختلف عن الى عندى والعربيه قرفاه فياريت الى يجيب الريداتير يجيبه استيراد بتاع الفبريكه

هتقولى ايه سبب الى يخلى العربيه سعرها فى الارض و الهيونداى اكسيل و الاكسنت اغلى منها

اولا كل الى بيبعوا التمبرا بتكون وكلها البرومه و ماتورها تعبان وحالتها زى الزفت والى معاه العربيه ديه حالتها حلوه عمره مبيفرط فيها وانا معايا تيوتا وتمبرا بركب التمبرا اكتر وبرتاح فيها اكتر وليها مذاااق مختلف

وادى صور المروحه فى العربيه

وياريت اكون افدتكم وياريت تسأل الميكانيكى الاول

والى عايز يشوف العربيه فى التوقيع بس المشكله انا مش عارف اخلى الفيديو يظهر كل لما ادوس ادخال مقطع يوتيوب يكتبلى رابط وانا عايزه يظهر فيديو ياريت حد يساعدنى

**amrseba** · 14-06-2010 02:23 AM

المشكله يظهر فى الرد وميظهرش فى التوقيع ياريت تشفولى حل
http://www.youtube.com/watch?v=eK_awZQ39QU

**heshamzaky** · 14-06-2010 09:41 AM

انت قصدك عاوز الكليب يكون هو صورة التوقيع و يشتغل لو قصدك كدة اعتقد لا ينفع ممكن تخلى الصورة تهتز او تضلم و تنور بس فيديو فى التوقيع لا اعتقد

**heshamzaky** · 14-06-2010 09:43 AM

و انت ابن حلال ممكن تقولى ازاى حطيت الكليب على ال يو تيوب

**amrseba** · 14-06-2010 09:46 AM

اولا لازم يكون عندك عضويه فيه
هتخش عليه وتدوس على اسمك هتلاقى my video
تدوس عليها هتلاقى كلمه اسمها upllode video
هتختار مكانوا وترفعوا ولما يخلص هيظهرلك تحت لينك الفيديو بس

**heshamzaky** · 14-06-2010 09:54 AM

طب وازاى اعمل عضوية فية regestration

**amrseba** · 14-06-2010 10:02 AM

دوس على الكلمه الى هكتبها دلوقتى

Create Account

هتلاقى نفسك دخلت لصفحه التسجيل

**heshamzaky** · 14-06-2010 10:19 AM

تسلم الايادى يا باشا كلة تمام كدة

**heshamzaky** · 14-06-2010 10:34 AM

بص بقى يا سيدى بعد الابتهاء من اليوتيوب انا معاك هييييية .. عملية تغير المروحو بها عيب واحد بالرغم من ان درجة الحرارة بتبقى 70 درجة و طبعا الكل سيتسائل أزاى دة احنا عايزين العربية ما تبقاش سخنة بس فية حاجة الموتور لما بيبرد لدرجة 70 حتلاقية اوتوماتيك عليز يوصل لدرجة 90 درجة اوتوماتيك تانى دة بجانب ان المروحة الى انت جبتها هل هى سرعتين ولا سرعة واحدة لان الترموستات بتاعت الرادياتير سرعتين و و السرعة البطيئة هى الى بتشتغل دايما و فى حالة السخونة او تشغيل التكيف السرعة العالية هى الى بتشتغلو فيو مكثف لونة اخضر بيبقى راكب داخل القميص البلاستيك بتاع علبة المروحة الاصلية و دة لو وظيفة و هى تشغيل المروحة فقط و انا كان راكب عندى مروحة بتاعت عربية أوبل و كانت قوية جدا بس الراجل بتاع التكيف هو الذى نصحنى بتركيب المروحة الاصلية و على فكرة المروحة الاصلية زى الغول مش و حشة ابدا دى تجربتى انا الشخصية و فى انتظار باقى المشاركات و الردود و على ما اظن سبب سخونة معظم التمبرا يرجع الى السبب العام و هو تسريب من الرادياتير مثلا و لكن السبب الرئيسى هو عيب من غطاء قربة المياة و الله اعلم

**kdosoki** · 14-06-2010 03:30 PM

المشاركة الأصلية كتبت بواسطة heshamzaky

بص بقى يا سيدى بعد الابتهاء من اليوتيوب انا معاك هييييية .. عملية تغير المروحو بها عيب واحد بالرغم من ان درجة الحرارة بتبقى 70 درجة و طبعا الكل سيتسائل أزاى دة احنا عايزين العربية ما تبقاش سخنة بس فية حاجة الموتور لما بيبرد لدرجة 70 حتلاقية اوتوماتيك عليز يوصل لدرجة 90 درجة اوتوماتيك تانى دة بجانب ان المروحة الى انت جبتها هل هى سرعتين ولا سرعة واحدة لان الترموستات بتاعت الرادياتير سرعتين و و السرعة البطيئة هى الى بتشتغل دايما و فى حالة السخونة او تشغيل التكيف السرعة العالية هى الى بتشتغلو فيو مكثف لونة اخضر بيبقى راكب داخل القميص البلاستيك بتاع علبة المروحة الاصلية و دة لو وظيفة و هى تشغيل المروحة فقط و انا كان راكب عندى مروحة بتاعت عربية أوبل و كانت قوية جدا بس الراجل بتاع التكيف هو الذى نصحنى بتركيب المروحة الاصلية و على فكرة المروحة الاصلية زى الغول مش و حشة ابدا دى تجربتى انا الشخصية و فى انتظار باقى المشاركات و الردود و على ما اظن سبب سخونة معظم التمبرا يرجع الى السبب العام و هو تسريب من الرادياتير مثلا و لكن السبب الرئيسى هو عيب من غطاء قربة المياة و الله اعلم

صباح الفل
عايزين نتفق مبدئيا ان درجة الحرارة اللى احنا بنتكلم عنها هى درجة حرارة مياه التبريد داخل دورة التبريد
وبرده نتفق انه فى درجة حرارة معينة عندها يعطى المحرك افضل كفاءة ودرجة الحرارة بتاعت المحرك مرتبطة ارتباط مباشر بدرجة حراراة الزيت داخل المحرك - والذى يعمل على تقليل الاحتكاك بين الاجزاء الثابتة والمتحركة
وبما ان احنا معندناش فى عربياتنا التمبرا مقياس لدرجة حرارة الزيت يبقى من الافضل زى ما قال هشام نرجع للفبريقة
يعنى نلجأ لمتابعة درجة حرارة الماء داخل دورة التبريد ولازم يكون الثيرموستات الاصلى هو اللى راكب فى العربية
والحمد لله انا غيرت الردياتير والسربنتينة والمروحة مرة واحدة وعربيتى مبتوصلش للتسعين

الموضوع: الحل الجذرى والنهائى لمشكله سخونه التمبرا

LinkBack

أدوات الموضوع

عرض

الحل الجذرى والنهائى لمشكله سخونه التمبرا - انشر الموضوع فى :

-

-

-

المواضيع المتشابهه

Exclamation الحل النهائى لمشكله التنطيط و المساعديين التيت لل rb

الحل النهائى لمشكله mmt فى كورولا الجنوب الافريقى

ما هو الحل لمشكله تزييق ابواب الالنترا 2012؟

الحل المثالى لمشكله المرور فى القاهره

الحل لمشكله حراره الصيف. لكن هل هو موجود؟

الكلمات الدلالية لهذا الموضوع

المفضلات

المفضلات

ضوابط المشاركة