الموضوع: افيدونى احسن انا كرهت كل العربيات واى حاجه تبدا بحرف العين

الف شكر ليك على اهتمامك وردك بس عاوز اعرف الصوت ده فعلا ممكن يكون محتاج عمره ولا ممكن تكون طلمبة الزيت هى اللى فيها مشكله ولما تتظبط هيرجع الصوت طبيعى وكمان انزل بيها ازاى والفرامل محجره هل ممكن استعمل فرامل اليد وهل مش هيبقى فيها مشكله ولا اوديها للميكانيكى اللى هنا وهو وضميره وانا ونصيبى ولا اعمل ايييييييييه

مش لازم تقطرها ممكن اى عربية خدمة طريق وتشيل العربية فى المكان اللى انت عايزة وربنا يعوض عليك
بس فعلا زى مالاخw m a قال قارن بين اسعار العمرة الاول والماتور الاستيراد ويا ريت تكون مالى ايدك من الميكانيكى فى حالة العمرة وربنا يعوض عليك وان شاء الله خير

ربنا يجازيكوا خير على ردودكوا جميعا بس انا زهقان جدا من ساعة ما جبتها وكل مشوار احط فيه من 300 ل 500 جنيه والله بجد اول ما جبتها رجلى اتكسرت وواحد صاحبى ركبها علشان يوصلنى لانى رجلى وارمه قبل ما اجبسها راح عصاية الفتيس الصلب اتكسرت فى ايده وبفتح الزجاج لقيت اليد بتاعه الزجاج البلاستيك كسرت صباع الماكينة الحديد وطلعت هههههههههه حاجه غريبه واشتريت كونتاكت جديد باظ بعد يومين واشتريت موبينه اليكترونى جديده يابانى باظت وانا قدام مشيخة الازهر قبل ما ادخل النفق فى صلاح سالم وما كانتش كملت شهر وجالى واحد نصاب وادانى موبينه مرشوشه على انها جديده وباعهالى ب 85 جنيه وخد 20 جنيه مصنعية وعمل حبتين كده ( احذروا الناس دول يا جدعان بيلفوا بموتوسيكلات على كوبرى اكتوبر وصلاح سالم يصطادوا الصيده وياكلوا على قفاهم عيش زى ما حصل معايا ) وحاجات كتيير اوى غريبه وكلها مصاريف واخرها موضوع الموتور ده مش عارف والله لدرجة انى فكرت ادخل بيها فى صخره وانا على الطريق واخلص منها وخلاص مش عارف ده نصيبى كده ولا انا اتخدعت فى العربيه ولا ده من سواقتى علشان لسه جديد فى عالم السيارات ولا غش ناس وصنايعية ولا ايه

يا باشا ربنا يكفيك شرها وان شاء الله خير كل اللى بيجى من عند ربنا خير واحنا بنجتهد وبناخد بالأسباب والباقى على ربنا
عامة اسلم حاجة ليك حالياً متدورش العربية نهائى وانقل العربية للميكانيكى اللى بتتعامل معاه وهو هيكشف على مستوى الزيت والماكينة وتشوف فيها ايه وربنا معاك

ما انا اتقطرت لغاية ما جبتها من طريق السويس لحد بدر بس موقف واحد اللى حصل وهو انى كنت شايل المفتاح وجينا عند الملف بتاع بدر وراح الدركسيون مسوجر ولقيت نفسى ماشى فى اتجاه والعربيه اللى قاطرانى ماشيه فى اتجاه ولكن ربنا ستر والسلبه شدت العربيه وهدت سرعتها لحد ما السلبه اتقطعت وطبعا ده حصل لانى اول مره اتحط فى الموقف ده بس فى الاخر ربنا بيستر والحمد لله