جراند بونتو أو ايفو

**BeroOo** · 15-06-2010 05:57 PM

انا لسه بفكر فى العربية.. بس كان فيه ناس بتقوللى ان التكييف بيتقل العربية جدا.. ولو العربية محملة بتبقى كأنها بطة..!

انتوا ايه رأيكوا فى الكلام ده؟

كمان ايه نظام التوكيل؟

أنا بدور على:
- سحب العربية (مع التكييف)
- استهلاك البنزين
- راحة الكرسى على المسافات الطويلة (سواء جوه البلد أو سفر)
- قوة التكييف
- الكماليات
- التوكيــــــــــــل
- أنا فى اليوم بقطع على الأقل 100 كم رايح جاى من الشغل.. هل تستحمل معايا؟ مع طبيعة شوارع البلد ومطلع المقطم وكده؟

شكرا جزيلا مقدما..

**fouady** · 15-06-2010 06:11 PM

يا ترى الناس اللي قلتلك ده معها العربية ولا كلام بس أنا مش حاضر افيدك فـحتت ان التكييف بيتقل العربية لاني بصرحة مجربتش فـإنت ممكن تستنى الناس اللي معهم العربية يقوله بس اللي اقدر اقولهولك إن الevo نفس مطور الجراند يعني اللي هنا ينطبق هنا وحتت هتستحمل ده فـبتهيألي هتستحمل

**BeroOo** · 15-06-2010 06:24 PM

اه.. انا عارفة انهم الاتنين نفس الموتور.. عشان كده بسأل بصفة عامة

**fouady** · 15-06-2010 06:30 PM

زي مقلتلك حتتت التوكيل التوكيل متوسط وبيحولوا يتحسنو الكماليات تقريبا مفيش مقرنا بالنسبة لا فئهـا خالص واستهلاك البنزين موفرة جدا ده اللي اقدر افيدك فيه الباي لازم حد معاه العربية

**omarelsherbene** · 15-06-2010 07:33 PM

التكيف مش بيأثر فى حاجة فى سحب العربية فرق غير ملاحظ يعنى ... استهلاك البنزين ممتااز ... راحة الكرسة مريح فى العادية و متعب فى ال T-jet عشان كراسيها سبورت و لما بقعد عليها وقت بتتعبنى بصراحة ناشفة يعنى ... التوكيل فا لا تعليق اكتر من بشع !! النهاردة كنت مع واحد صاحبى فى الصيانة جسر السويس و كنا بنعمل مجرد تعديل و سوفت ريسيت للكمبيوتر بتاعها و حاجزين من 2 الظهر فضلنا هناك لغاية الساعة 6 و نص !!! منتهى الأهمال و مفيش تنظيم ولا اى حاجة غير التوكيل العربية نفسها ممتازة و مافيهاش عيوب و الكلام دة عن الجراند معرفش الايفو نظامها اية بس ممكن يكونوا واحد لأنم المكنة و باقى مكونات العربي وااحد .

**amrseba** · 15-06-2010 08:37 PM

الى هقولهولك ان الفيات بتاع استحمال هو مش هيونداى عشان ميستحملش كفايا ان العربيات القديمه فى مصر بقالها 40 سنه وشغاله و التوكيل استاذ ماجد بيخش المنتدى وبيتابع قسم فيات وبيقول بيحولو يحسنوه لكن العربيات فعلا العربيات فوق الممتازه ولا يعيبها شئ والايفو فيها امكانيات عاليه جدا وميزه فيات بيصمموا المواتير بتقنيه عاليه وتصميم مثالى بيخلى موفر جدا فى البنزين وقوى وسحبه كويس وثباته ممتاز محدش يقولك ديه ياعم 1400 وماتورها ضعيف وبتاع العربيه فعلا وحش وانتشرت فى الفتره الاخيره انا وانا ماشى امبارح شوفت اكتر من 6 عربيات فى الحى السابع بس