شراء الجزيرة ل art

**m_elkhishin** · 16-06-2010 01:05 AM

عرفت بصفة شخصية من أحد العاملين بشركة دلة المملوكة للشيخ صالح كامل ان صفقة شراء الجزيرة ل art تمت الاسبوع الماضي. بس نسيت أسأل هل القنوات الرياضية فقط أم كل القنوات.

**tamertamer** · 16-06-2010 02:29 AM

مالحكاية دية بقلها فترة كبيرة ومعروفة من مدة طويلة اة الجديد

**m_elkhishin** · 16-06-2010 10:57 AM

المشاركة الأصلية كتبت بواسطة tamertamer

مالحكاية دية بقلها فترة كبيرة ومعروفة من مدة طويلة اة الجديد

معروفة من فترة طويلة ان في مفاوضات على الشراء وان الحكومة السعودية تدخلت لمنع البيع. بس بقولك البيع تم الاسبوع الماضي.فانت لو تعرف من فترة طويلة ان البيع تم يبقى انت ما شاء الله مخاوي وبتعرف الغيب.

وعموما لو الخبر ملوش أهميه عندك كأنك مسمعتوش!!!!!!!!!!!!!!!

**Abo_Lina** · 16-06-2010 12:54 PM

معلش هو الجزيرة بتذيع كاس العالم إزاي إلا لو كانت إشترت ال ART ..
ال Art كان معها كاس العالم حتى ٢٠١٤ و عندما إشترتها الجزيرة إنتقلت ملكية حقوق كأس العالم من ال ART إلى الجزيرة ..
من شهور الكلام ده حتى قنوات art sport إختفت تماما

**sherifahmed** · 16-06-2010 01:01 PM

و ايه علاقة دى بالسيارات عشان تحوطوا فى العام

**m_elkhishin** · 16-06-2010 02:06 PM

المشاركة الأصلية كتبت بواسطة tyler_durden

معلش هو الجزيرة بتذيع كاس العالم إزاي إلا لو كانت إشترت ال art ..
ال art كان معها كاس العالم حتى ٢٠١٤ و عندما إشترتها الجزيرة إنتقلت ملكية حقوق كأس العالم من ال art إلى الجزيرة ..
من شهور الكلام ده حتى قنوات art sport إختفت تماما

بداية على حد علمي الجزيرة كانت اشترت حقوق بث كاس العالم من art

ثانيا بالنسبة للاخوة اللي بتعلق بالسلب على الموضوع انا نقلت خبر سمعته وكان واضح جدا محتواه حتى من العنوان فطالما الموضوع مش مهم بالنسبه لك كان ممكن تتجاهله تماما خصوصا اني مذكرتش اي عبارة تبين ان الموضوع مطروح للنقاش وانما انه فقط خبر سمعته.ممكن يكون جديد بالنسبة لي وقديم بالنسبة لكم ومظنش ان ده عيب، لكن العيب هو التهكم والتسفيه اللي بقى سمه منتشره اليومين دول.

وعموما أرجو من الادارة حذف الموضوع

**Terrible_DaRsH** · 16-06-2010 02:34 PM

المشاركة الأصلية كتبت بواسطة Tyler_Durden

معلش هو الجزيرة بتذيع كاس العالم إزاي إلا لو كانت إشترت ال ART ..
ال Art كان معها كاس العالم حتى ٢٠١٤ و عندما إشترتها الجزيرة إنتقلت ملكية حقوق كأس العالم من ال ART إلى الجزيرة ..
من شهور الكلام ده حتى قنوات art sport إختفت تماما

حقوق البث اتاخدت من Art للجزيرة و بصراحة علشان مفتيش معرفش السبب الحقيقى , و لكن مشكلة الاذاعة و التليفزيون فى مصر مع الجزيرة كانت بسبب العقد لان لما الحقوق راحت للجزيرة فالجزيرة طلبت فلوس اكتر .

لو كانت الجزيرة اشترت ART فعلا ماكانوش رفعوا السعر و العقد كان هيبقي مستمر دون زيادة , لكن لما الحقوق اتسحبت من ال ART و راحت للجزيرة العقود كلها اتفسخت , يعنى من الاخر الجزيرة معتقدش انها اشترت ART بسهولة .

**yehia** · 16-06-2010 04:03 PM

هو المعروف من فترة ان الجزيرة اشترت قنوات art الرياضية وكافة البطولات الرياضية الحصرية التي كانت مشتراة سابقا من قبل art بما يوازي 2 مليار جنيه أو دولار مش متأكد .... والموضوع ده كان من كذا شهر ......

إنما لو حضرتك تقصد ان الجزيرة اشترت قنوات art كاملة بمعنى الشبكة كلها بما تتضمنه من قنوات دينية ومسلسلات وأفلام وطرب وغيرها فالخبر ده فعلا يبقى جديد

**m_elkhishin** · 16-06-2010 04:36 PM

المشاركة الأصلية كتبت بواسطة yehia

هو المعروف من فترة ان الجزيرة اشترت قنوات art الرياضية وكافة البطولات الرياضية الحصرية التي كانت مشتراة سابقا من قبل art بما يوازي 2 مليار جنيه أو دولار مش متأكد .... والموضوع ده كان من كذا شهر ......

إنما لو حضرتك تقصد ان الجزيرة اشترت قنوات art كاملة بمعنى الشبكة كلها بما تتضمنه من قنوات دينية ومسلسلات وأفلام وطرب وغيرها فالخبر ده فعلا يبقى جديد

انا عشان أكون صريح معاكم انا أول مرة اسمع موضوع شراء الجزيرة ل art كان امبارح زي ما ذكرت من الشخص العامل بشركة دله وده لأني مليش أي ميول رياضية. الموضوع وما فيه اننا ماسكين تركيب الداتا سنتر لشبكة ساهر الخاصة بكامرات السرعة و الردلايت بعقد من الباطن من شركة دله اللي أصلا راسي عليها المشروع، ومصادفة في وسط الكلام جت سيرة art فقال ان art خلاص معادتش تبع دله، فبسأله من امتى الكلام ده ، قالي تقريبا من اسبوع العقود اتمضت والديل اتقفل. وبما ان الموضوع بالنسبه لي لا يقدم ولا يؤخر فمجاش في بالي اسأله هل القنوات الرياضية فقط أم الشبكة ككل.