افضل نوع تكييف ايه !!

**ahmadmidop** · 17-06-2010 10:51 PM

انا عاوز اركب تكييف اسبليت يا جماعة في الشقة ياترى ايه افضل نوع من حيث الكفاْة والصيانة وكده ...... وياسلام لو في اسعار يبقى تمام

**M.Mosaad** · 17-06-2010 11:32 PM

شارب العربي احسن توكيل في مصر ناس منتهي الالتزام في مواعيد التسليم و الصيانه و التكييف اكثر من رائع و بتتحايل علي الفني علشان يرضة ياخ=د فلوس و بيرفض

**tamagogo** · 18-06-2010 02:08 AM

بص ياباشا بعد لف كتير جدا توصلت للاتي:
احسن توليفه هي شارب
بعده كارير (ينقصه البلازما كلاستر والضمان سنه واحده)
وال جي (كل الموزعين بيشكروا فيه جدا وبيقولوا احسن من كارير لكن انا ماشفتوش شغال اطلاقا فمش قادر احكم)

وانا عندي 3 اجهزه شارب وواحد كارير وواحد من الشارب مش بيبرد كويس لكن المفروض انهم هيغروهولي قريب. لكن كارير ماحصلش فيه مشكله واحده من 4 سنين
غير التلاته دول مش مضمون

وانت عايز قدرة كام حصان عشان نساعدك بالاسعار؟

**ahmadmidop** · 18-06-2010 04:38 PM

ممكن من 3 حصان واانتا طالع معلش ياباشا

**EL Tanna** · 18-06-2010 04:52 PM

شارب كويس

المهم تبعد عن يونيون اير لانه تعبان جدا جدا

**AshTurbo** · 19-06-2010 12:51 AM

شارب ال 3 حصان ب 4800 جنيه الموديل الحالي في واحد لسة هينزل معرفش نزل منه 3 حصان ولا لسة وسعرة هيبقى أغلى 600 جنيه حسب كلام الموزعين فرق بينه وبين الحالي شاشة أل سي دي وخاصية توزيع الهواء البارد في أماكن محددة عموماً بعد بحث طويل لقيت ان معظم مهندسين التكييف بينصحوا بعدم توافر تكنولوجيا معقدة وكتير في المكيف يعني كل ما كان أبسط كل ما كان أحسن عشان كدة نصيحة لو عاوز شارب 3 حصان أنزل هاته في أقرب وقت .

**akramlail** · 19-06-2010 03:41 AM

انا سالت قبلك كتير ووصلت ان كاريير احسن فى قطع الغيار بيقولو متوفرة فى مكان وسعرة حلو معقول وهوة بييجى بعد الشارب
لسة شارى 2 وربع حصان ب 4350 ضمان سنة

**yoko** · 19-06-2010 03:46 AM

إحنا البيت كله كارير وبصراحة كويس جدا معادا الي عندي في الأوضه تعبان قوي (شباك) لكن ال٢ السبليت والباقين الشباك حمير شغل ما شاء الله والشارب ناس كتير بتشكر فيه يونيون إير تعبان جدا!!!