ارجو المساعدة

**HanyAziz** · 19-06-2010 12:07 AM

الاخوة الاعزاء فى المنتدى تحية طيبة وبعد10 شهور تقريبا مرت على شرائى سيارتى اللادا 2105 موديل 92 اشتريتها ولم تكن لى اى خبرة سابقة بعالم السيارات ولا كنت حتى حطيت مفتاح فى كونتاك عربية قبل كدة اتعلمت عليها واستحملت منى كتير خبط ورزع ملفات ع السريع ومطبات ع السريع وغيرة دلوقت حاسس انى العربية هتنطق وتقولى ابوس ايدك ودينى لبتاع عفشة الدركسيون تقيل العربية فى المطبات والطرق الغير مستوية بتبقى زى المرجيحة فى الملفات بسمع صوت كركبة عاوزمساعدتكم فى معرفة المطلوب تغييرة واية احسن الانواع وياريت الاسعار عشان ابقى عارف عندبتاع العفشة راسى من رجلية لانى الصنيعية لما بتلاقى الزبون مش فاهم بيشتغلوة وكمان اية احسن انواع الزيوت الجيدة وسعرها مناسب اسف للاطالة وشكرا مقدما للافادة

**SAMEH_FOUAD** · 19-06-2010 02:01 AM

انت المفروض بتكشف على العفشة عند بتاع زوايا ودة احسن واحد يقولك اية اللى فى العربية من غير ماتتكلف مليم واحد

اللى هايقولك علية عايز يتغير تقولنا علية واحنا نقولك الاسعار واحسن انواع واضمن مكان وبالتوفيق

**HanyAziz** · 19-06-2010 10:22 PM

شكرا ليكم ولتعب محبتكم انا هروح بكرة ان شاءالله لبتاع عفشة قالولى علية كويس وهبلغكم بالى حصل وقال ايه

**hobaz** · 20-06-2010 01:24 AM

وانا متابع معاك وان شاء الله خير باذن الله....

**m_mekkawy** · 20-06-2010 08:43 AM

الادا مش على كبالن
الطقه دى من جلد المساعد الكداب (الميزان)

**HanyAziz** · 20-06-2010 10:00 PM

الاخوه الاعزاء فى المنتدى تحية طيبة وبعد بعد توقيع الكشف الطبى على عفشة السيارة ظهر المطلوب تغييرة 8 جلب مقصات \تغيير البيض \عدد2 مساعدين الرجاء افضل الانواع من حيث الجودة والثمن وكمان قالى محتاجة جوز كوتش جديد قدام فاية احسن الانواع ويكون سعرهاحنين شكرا لردودكم واهتمامكم