الموضوع: الناس الى بتحلم بتظبيط ال 128

المشاركة الأصلية كتبت بواسطة ahmed_samurai

[overline]لسلام عليكم لكل الاعضاء الموقرين فى المنتدى انا جديد فى المنتدى وبصراحه انا ماليش فى المنتديات اصلا بس بصراحه المنتدى ده عجبنى جدا وتقريبا اول منتدى اشترك فيه للسيارات [/overline][overline][/overline][overline][/overline]

[overline]

بالنسبه للموضوع اللى كان موجود اللى كان بيتكلم عن موضوع تعديل ال 128 ده موضوع جميل جدا جدا وانا كنت قريته من مده وعجبنى
المهم انا معايا 128 من زمان اوى وبجد بحبها جدا وهيا اول عربيه اتعلمت عليها السواقه وجبت بعد كده بروتون جين2 وطبعا ال128 اتركنت بس بعد كده بسنه عملت حادثه بالبرتون جامده والعربيه كانت هتتكلف حوالى 30 الف جنيه تصليح وانا جبتها من اصرها وبعت العربيه على حالتها كده ورجعت تانى لل 128 عشقى الاول والخير
بس طبعا اى حد يسوق 128 بعد عربيه حديثه وخصوصا لو عربيه قويه هيحس طبعا بقرق شاسع فى كل حاجه تقريبا يعنى مثلا ابسط حاجه لو راح مشوار طويل شويه اول لما يرجع البيت يدخل بس يشوف نفسه فى المرايه ويشوف شكله هيبقى ازاى وده طبعا لانك لما بتروح مشوار بيها بتبقى رايح رحله كفاح
المهم ادخل فى الموضوع انا ليا علاقه بالميكانيكيه والسمكريه والعفشجى والكهربائي علاقه قويه وده طبعا بفضل العربيه
انا ناوى ان شاء الله اشد العربيه جامد بس طبعا الموضوع هيتكلف جامد
اول حاجه ان شاء الله هعملها هسقطلها ماتور تمبرا بالفتيس بتاعه وده هيتكلف حاوله 3000 جنيه
وطبعا لما الماتور يتسقط هتضطر تروح للسمكرى علشان هيركبلك بارات وشادادات ودعامات وخوص كل ده علشان الشاسيه مايفتحش منك
هتضطر طبعا تغير حاجات فى العفشه كتير علشان تعلى ثبات العربيه علشان هيا اصلا مافيهاش ثبات وطبعا لو ركبتلها ماتور قوى لازم تعلى الثبات علشان غصب عنك هتشد بالعربيه
نيجى بقى لحلم الملايين وهو تركيب التكييف فى ال 128
انا بصراحه متردد جدا انى هعمله مع ان ماتور التمبرا بيركبله تكييف بس انا هقولكم ايه اللى اتقالى بالظبط من الصنايعيه وايه اللى ممكن يحصل لو ركبلها تكييف
اول حاجه هتضطر تغير التابلوه بتابلوه فيه فتحات تكييف ومفاتيح تكييف وتلاجه يعنى مثلا هتركيبله تابلوه اوبل كورسا علشان هوا ده التابلوه اللى يركب على طول من غير تعديل وطبعا هتحتاج كهربائي علشان يعمله وصلات علشان العدادات تشتغل وبعد كده هتروح للسمكرى علشان يركبلك السربانتينه بتاعت التكييف وديه طبعا هيكون مكانها قدام الماتور علشان هوا ده المكان الوحيد الفاضى فى الحوض
نيجى بقى لمشكلتين وديه بصراحه ماينفعش حد يفيدنا فيهم غير واحد عمل الموضوع ده
اول مشكله هل الكومبريسور بتاع التكييف هيستحمل وخصوصا ان الصلا ال128 مفتحه من كل حته والتكييف هيحتاج مجهود جبار علشان يخلى الصالون بارد وبصراحه محدش فادنى فى المشكله ديه
تانى مشكله وديه بالنسبالى اكبر مشكله اخبار الحرارة بتاعت العربيه هتبقى ايه علشان اصلا العربيه بتسخن من غير سبب فمابالك ان ركب فيها تكييف ايه اللى هيحصل والموضوع ده انا سالت بتاع التكييفات فيها قالى ان المشكله ديه هتحصل علشان كذا واحد ركب تكييف ورجع بعد كده شاله بسبب موضوع الحرارة ده
انا عن نفسى بصراحه هسقط ماتور بس مش هركب تكييف غير لما اتاكد انه مش هياثر فى حاجه
وبجد ياجماعه نصيحه اى حد معاه العربيه ديه يهتم بيها اوى علشان فعلا عربيه تستحقق الاهتمام لانك هتلاقى فيها مميزات استحاله تلاقيها فى اى عربيه تانيه يعنى مثلا اسعار قطع غيارها كويسه جدا جدا واى حد بيفهم فيها

واسف على الاطاله

[/overline]

المشاركة الأصلية كتبت بواسطة semsem_uno

هو انتا كده 100 100
بس المفروض قبل التكييف تبص علي كاوتشات الأبواب و الأزاز سليمة و عازلة ولا مقطوعة و كمان تعمل العازل اللي بيبقي بين التابلوه و الموتور بيبقي لباد
و تروح لسمكري يتأكد ان الأبواب بتقفل كويس و من جوة يشيل فرش الأرضية و يسدلك اي خرم في العربية او في الشنطة و يعملك موكيت يعزل الشنطة عن الكنبة

+11111111111111111111

بقولك ايه يا برنس فيه واحد صاحبى مسقط ريجاتا 1500 مكيف
شوف كده واسال

المشاركة الأصلية كتبت بواسطة semsem_uno

اللي متقال فوق ديه الأصول قبل ما تركب تكييف اصلا لأي عربية

و التمبرا احسن لأنه اولا انجكشن و الكتروني مش ابلاتين و كوندنسر زي الريجاتا (اللي هو اصلا نفس ال128 بس اكبر في السعة اللترية)

ده غير انه موديلاته حديثة يعني مفيش بقي طقم شنبر و عمود كرنك تعبان و الفيلم ده

بس انا بسمع ان الناس كلها بتشيل الانجكشن وتركب كربراتير لان تركيب الانجكشان حوار خنيق ومش بيجيب نتيجه كويسه فى الاخر علشان الضفيره والكنترولر وحورات....

الناس مش بترجح الانجيكشين سواء ف التمبرا و التيبو و الشاهين