الموضوع: موضوع مخصص لشرح الفرق بين البايك العاده والفاير - الصور الشكل السعر الفرق

المشاركة الأصلية كتبت بواسطة QaTaR

سلام عليكم

يرجى تثبيت الموضوع لتعم الفائده على الجميع


ناس كتير دائما بتسئل عن الفرق ايه بين العاده والفاير في البايك وطبعا السؤال دائما بيكون على النوع ده من البايك وهو ال cbr 400 or cbr 250 والاتنين في منهم عاده او فاير

نيجي الى اسم البايك:
-------------------------

بالنسبه لل 250

cbr ده نوع من الهوندا بايك وطبعا بيبقى محطوط حرف R او RR

Cbr250 R = عادة
Cbr250 RR = فير

ونفس الكلام على ال cbr400

Cbr400 R = عادة
Cbr400 RR = فير

و ال RR معناها real response الاستجابه الحقيقيه

والعاده بيبقى مكتوب على الكرسي من ورا كمان Hurricane

بالنسبه للماتور :
-----------------
مثلا ال 400 العاده تقريبا نفس ماتور ال 400 الفاير تقريبا مع اختلافات طفيفه وكذلك ال 250

بالنسبه للموديل:
------------------

العاده تبتدء من سنة 1987 لغاية 1989

الفاير تبتدء من سنة 1990 لغاية 1998


الكلام على ال 250 و ال 400 ماعدا ال 400 طبعا ممكن يكون العاده لغاية سنة 90

وطبعا بعض الناس بيقولك البايك موديل 92 ومكتوب في الرخصه 86 تساله ليه يقولك عشان الجمارك
ويقولك انها فاير وممكن يكون مغير الديل ومعدلها ل فاير فا لازم تاخد بالك من موضوع الفروقات وطبعا
رقم الشاسيه بيبين موضوع هيا موديل كام وحنبقى نقول ازاي تعرف الموديل

وبالنسبه للأختلاف الظاهر بين العاده والفاير يعني مثلا الفرامل الاماميه بتكون على 2 ديسك مش واحد
والجنط بيكون على 6 اعمدة وطبعا العكس في العاده على ديسك واحد و 3 اعمدة

درجة حرارة البايك:
-------------------

في ناس بتقول ان درجة حرارة الفاير بتكون اكبر من العاده لان الفاير احمى بس اظن طالما الاتنين دورة التبريد فيهم سليمه ومفيش اي مشكله في البايك تسبب عدم ارتفاع الحرارحه في مش حتفرق

لو حتشتري بايك:
------------------

لو حتشتري بايك من الاتنين 250 او عاده طبعا في حجات كتير تبص عليها اولهم تشوف الماتور حالل ولا لا لان لو حالل اكيد بيعيب البايك لان ممكن ميكونش معموله ريبلد بشكل عدل فا مع الوقت حيرجع يخرب تاني

وطبعا لو حالل وناوي تشتري البايك لازم تنزل من سعرها جامد عشان لو خرب او حبيت تبعها متخسرش
وشوف الفايبر سليم ؟ اصلي ولا لا وهل راشش كل ده مهم جدا

وشوف الاويل كوفر الي بيبقى موجود ناحية اليمين والشمال متحرجين ولا لا اورجينال ولا تقليد؟

وتشوف الكاوتش حالته ايه لانه بيبين نوع الاستخدام وكذلك الي بيكون راكب عليها الجنزير تشوف حالتها

وكمان تشوف الشاسيه وتمشي تجربها تشوف البايك بتحدف ولا لا وهل بتسخن جامد لما مشيت بيها

وطبعا متعتمدش على لون البايك عشان تحدد سنة الصنع لان يمكن تغيره بكل سهوله

شوف المساعدين بيجيبوا زيت ولا لا وطبعا في حجات كتير ويفضل تجيب ميكانيمي معاك لان اكيد عنده خبره اكتر

وده فيديو بيوضح ازاي تكشف على بايك مستعمل قبل ما تشتريه


YouTube - Preride motorcycle inspection -very important -

وطبعا لو دخلت على اليوتيوب حتشوف فيديوهات كتير تحت المسمى ده عشان تستفيد اكتر


بالنسبه للسعر:
-----------------

( والاسعار مش ثابته اكيد حتتغير مع الوقت )


طبعا ال 250 العاده بتبتدي من 13.5 لغاية 15 والفاير من 15 لغاية 18.5 واحيانا 19 لو فابريكه 100 %
وطبعا الاسعار بتبقى في الرينج ده اكتر ولو مستعمله مش افراج السعر بيبدء بالنسبه للعاده من 9000 لغاية 12 الف جنيه وبالنسبه للفاير بيبدا من 13.5 لغاية 16 وكل بايك وحالتها



بالنسبه لل 400 عادة افراج 18 الى 19 ولو فاير من 19 لغاية 26 الف جنيه
والمستعمل في مصر من 13 الف ل 16 بالنسبه للعاده والفاير من 16 لغاية 20 على حسب الحاله
وطبعا مش مهم العداد عامل كام لان كل ده ممكن يتلعب فيه لازم توديها لحد متخص يكشف عليها ويجرب البايك

نيجي للصور:
-------------


(لاحظ الديسك الامامي ولاعمده في الصوره)

ديه صور ال 250 الفاير



ال 250 العاده




ال 400 الفاير ( لاحظ شكل اختلاف الديل )





ال 400 العاده






وبكده ان شاء الله اكون وضحة اكبر عدد ممكن من الفرق والسعر والشكل - ودعواتكم ليا بالخير
وان شاء الله اذا في اي سؤال تاني اجاوبك عليه في نفس الصفحه

والسلام ختام


ممنــوع كتابة (أرجو الثبيت) في الموضوع أو عنوانه أو ما يؤدى نفس المعنى، لقد خالفت القاعدة رقم (٥) لذا تم تحذيرك

يرجى مراجعة قواعد المنتدى


100623
6:52p.m

مشرف القسم
11ب

شكراً ع المعلومات المفيده دىQatar