مشكلة مع بتاع الكاوتش الفردة ضربت لوحدها عنده

**mohamed2002** · 22-06-2010 11:58 PM

رحت امبارح عند بتاع الكاوتش العجلة مريحة شوية المهم غير بلف وكان في خرم قديم ملحوم صروخه ولحمه تاني المهم روحت تاني يوم الصبح لقتها نايمة فكتها ورحت له طلع فيها خرمين عملهم خابورين مش لحام وسبت الفردة ومشيت عشان لو طلع فيها حاجة تبان الكلام دة كان 12 الصبح والعجلة تمام
جيت بليل 11 استلم قالي دي فرقعت
هل في عجلة تفرقع لوحدها كدة؟
الفردة تيوبلس ومقطوعة دلوقت ومينفعش معاها داخلي؟
المحل عرض عليا واحدة مستعملة ب 75 جنية
تركتها لبكرة اكون خدت ارئكم اعمل اية معاه
الفردة بريدجستون ياباني

**Amrrr** · 23-06-2010 01:02 AM

الكاوتش مفيهوش هزار ولو انت بتجري هات جديد مضمون
انها تفرقع لوحدها وتتقطع دي انا مشفتهاش قبل كدة !!

**mohamed2002** · 23-06-2010 01:08 AM

أكيد يا باشا حجيب جديد طبعا لكن محتاج افهم

الكاوتش امبارح مغير له بلف ومصلح خرم
الصبح كان نايم رحت له لقي خرمين عملهم خابورين وقلي العجلة دي فيها عرق وزودها تمام سبتها عنده ورحت له من ساعة عشان اخدها قالي دي انفجرت واتقطعت قطع في حجم الصوبع

**Amrrr** · 23-06-2010 01:25 AM

طب هو جديد ولا قديم ؟ عامل كام كيلو بيه ؟؟
انا برضة لسة مغير كاوتش امبارح وعندي كاوتشة اتقطعت بس عشان مشيت عليها نايمة عالآخر وكان اول امبارح وطبعا الجو نار والكاوتشة مش مستحملة اصلا وانا ماشي عليها كتير
وعموما الكاوتش في اخر عمره بيعمل كدة !!! تروح تلحم خرم تلاقي حاجة غيره وتخلص وتمشي بعد يومين تلاقي واحد جديد على لحام فك وخبور عايز يتعمل تاني وتحس انها قصة مش هتخلص

بس برضة يفرقع لوحده غريبة الا لو كان خلصان على اخره والله اعلم انا مشفتهاش قبل كدة انا باتوقع بس

**mohamedrefaay** · 23-06-2010 01:31 AM

ابعد عن المستعمل

ثمنه ومصاريف تصليحه

ثمن الجديد

**tamertamer** · 23-06-2010 05:09 AM

اولا سبب انة يفرقع دية مستحيلة مفيش غير انة اعد ينفخة لغايت مفرقع لانة تيوبلس هيفرقع ازاى انت اتخانق معاة والمفرود يجبلك فردة غرها مش خطاء امال هو فاتح المحل لية عشان يبهدل فى كوتش الناس

**tameraast** · 23-06-2010 05:15 AM

الكاوتش ماشى قد ايه ؟؟؟؟؟
ولما ريح منك فضلت ماشى بيه ؟

عامتا كده ولا كده بهدله هيا فلوس الناس مش لعبه

**Akram** · 23-06-2010 09:27 AM

انا رأي انك تخليه يجيب واحدة جديدة أي نوع و تشوف سعرها كام و تخصم منه قيمة الكاوتش بتاعك 50ج أو 100ج ,
المهم انك تعرفه ان دي مشكلته و هو لازم يتحملها ,

أو انك تاخد الكاوتش المستعمل اللي جايبه مقابل الكاوتش بتاعك (من غير ما تديه فلوس) و خلّيه استبن لغاية لما تجيب جديد ,

أو إنك تستعوض ربنا و ما تتعاملش معاه تاني , و جيب جديد..........

**mohamed2002** · 23-06-2010 09:38 AM

شكراَ لردودكم جميعاَ ولكن اللي فهمته منكم ان الفردة مينفعش تفرقع لوحدها الا لو واخدة هواء زيادة يعني دي مشكلته

**mahmoud5777** · 23-06-2010 09:45 AM

المشاركة الأصلية كتبت بواسطة mohamed2002

شكراَ لردودكم جميعاَ ولكن اللي فهمته منكم ان الفردة مينفعش تفرقع لوحدها الا لو واخدة هواء زيادة يعني دي مشكلته

حصلت اكتر من مرة قدامى تبقى عربية مركونة فى امان الله وهووب بوم والناس فى الشارع ترمى نفسها على الارض والشارع يبقى كله بودرة زى قنبلة الدخان وبعدين نكتشف ان العربية فردتها ضربت لوحديها كدة والعربية متغطية اساسا بس على العموم اشترى فردة جديدة وقدر تمن الفردة المستعملة بتاعتك قبل الانفجار وخليه يدفعهولك ده رأيي ولو عاوز تستعوض ربنا ده يرجعلك ويرجع لطريقة تعامل الراجل معاك