افيدونى ياناس اروح ولا مروحش

**RAMYALI_1982** · 23-06-2010 02:42 PM

السلام عليكم ورحمه الله اتمنى ان يكون الجميع بخير
كنت بسال انا عامل بعربيتى الى الان 5000 كيلو فى صيانة ال1000 حطيت زيت هيلكس الترا10000 وعرفت من احد اصدقائى لما راح صيانة ال5000 انة محصلش حاجة غير انة غير الزيت والفلتر طيب يعنى مفيش حاجة هاتتعمل لانى مش هاغير الزيت غير فى صيانة ال10000 طب اعمل اية اروح ولا اكبر دماغى بصراحة صعبان عليا المصنعية وحاسس انها هاتروح على الفاضى
انا كلمت الصيانة البنت ردت عليا سابتنى على الانتظار شوية ورجعت قالتلى لستة حاجات كتير اوى هاتتعمل فى ال5000 يستحيل انها هاتكون تتعمل انا حاسس انها بتقول اى كلام عشان اروح وادفع وخلاص
افيدونا افادكم الله

**samirayad** · 23-06-2010 04:02 PM

عن نفسى كنت مكبر دماغى معاهم

ومشاغلهم

مره أروح ومرتين لا مثلا

وأغير زيت المكنه مع نفسى

على ماخلصت فترة الضمان

ده طبعا بالنسبه لتوكيل ( دايو )

**elewey** · 24-06-2010 03:35 AM

والله انا كذا مرة روحت مع ناس صحابى بحس انها اشتغاله يقوللك غرينالك زيت و ربطنالك العفشه و شويه حاجات و تدفعلك بتاع 400 جنيه بس دة بردة كان للدايو بس نصيحة لو عربيتك فئه عاليه ( فكترا - مرسيدس - بى ام - الخ ) قصدى اللى فى نظام كارتات كتير و كدة يبقى روح احسن عشان بيبقى فى سعات ابديت للسوفت وير بتاع العربيه

**aymanmaly** · 24-06-2010 12:16 PM

نصيحة روح الصيانة فى مواعيدها حفاظا على الضمان
لان لو حصل حاجة هايتلككو و يقولوا انت ماعماتش الصيانة فالعربية برا الضمان و دة عام على توكيلات السيارات فى مصر
بس هى عربيتك اية؟

**RAMYALI_1982** · 24-06-2010 01:58 PM

نيو اكسنت 2010 ياباشا
بس انا فى واحد صحبى معاة نفس العربية وراح صيانة ال 5000 لانة كان حاطط زيت 5000 مش 10000 وعملوش حاجة غير انة غيرة الزيت والفلتر ودة اللى هايجننى اةة يافلوسى يامة