حد عنده تفسير ؟؟ التكييف مع السير بالسيارة

**tananybasha** · 10-07-2010 11:54 PM

متابع باهتمام
عشان العيب غريب قوى
حتى لو ضغط الكباس قليل المفروض مع البنزين يعلى عادى مش لازم المشى

**د.محمود صلاح** · 28-04-2015 05:56 PM

نفس العيب ده ظهر الآن في سيارتي الجديدة الهيونداي سنتافي ومدوخني .. غالبا زي ما تفضل الاخوة بإنه محتاج مروحة اضافية للسربنتينه بتاعة المكيف ... او حاجة اسمها بلف الكمبريسور الالكتروني

**mbx4e** · 05-06-2015 03:51 AM

هل المشكله دي اتحلت ولا لسه ؟؟

**د.محمود صلاح** · 05-06-2015 08:42 AM

حليت المشكلة في سيارتي الجديدة السنتافي بتغيير الكمبريسور بواحد جديد على الضمان وتغيير الزيت والفريون والمكثف وتنظيف السربنتينة

**mbx4e** · 06-06-2015 01:00 AM

يعني المشكله كانت سدد في الدوره وغالبا في الجزء الخاص بالضغط العالي
كويل خارجي ( او سربنتينه) او المكثف + والمجفف الرسيفر دراير ( اسمه في السوق فلتر بس دا اسم خظأ)+ اوالكومبروسر عشان لو في اي خلل فيه او في بلف الكونترول

**mbx4e** · 06-06-2015 01:05 AM

وبالنسبه للاوريفيس او الاكسبنشن او صمام التمدد ايه اللي تم بالنسبه ليه ؟؟؟
وترموستات البرشر ؟؟؟؟؟
اتغيرو نفس النظم؟؟
انا بستفسر عشان اوصل لحل جذري للمشكله دي عشان كتير ناس بتشتكي منها

**د.محمود صلاح** · 06-06-2015 02:32 PM

المشكلة كانت في الكمبريسور تحديدا .. كان الضغط بتاعة منخفض جدا في السلانسيه التوكيل استخدم جهاز كده لقياس ضغط الكمبريسور

**د.محمود صلاح** · 06-06-2015 02:37 PM

لم يكن هناك سدد في الدورة نهائي .. لان المكيف كان بارد جدا مع تحرك السيارة .. في المنتديات الاجنبية قالوا واحد من 3 اسباب لعدم التبريد اثناء التوقف :-
1- مروحة السربنتينه ضعيفة او تدفع بالعكس للخارج او الاوتوماتيك بتاعها مش شغال
2- صمام الكمبريسور الالكتروني
3- الكمبريسور نفسه

انا عندي طلع الصمام ميكانيكي مش الكتروني كما في الصورة
التوكيل بعد ما غير الكمبريسور غير الاضافات المستهلكة مثل الدراير او المجفف اللي عامل زي الفلينة البيضا ،، وغير الفيريون وزيت دورة التبريد طبعا بالأصلي ...

حاجة مهمة اقولك عليها وهي الوردات او الوشرات او قطع الكاويتش الدائرية التي توضع بين ربطات الوصلات ... الاصلية غالية جدا الوردة الواحدة ب 30 جنيه مثلا .. اما المضروبة فبتتشقق مع الزمن وتسرب الغاز

**د.محمود صلاح** · 13-06-2015 08:08 PM

الركنة في الحر والشمس لازم تشغل المكيف والنوافذ مفتوحة لمدة دقيقتين على اعلى سرعة مروحة لطرد الهواء الساخن ثمن قفل الزجاج واصبر 5 ل 10 دقائق على ما تبدأ تحس بالبرودة ... ده الطبيعي في اي سيارة ...

مشكلتي كانت لما السيارة تقف والمحرك شغال على السلانسيه يبدأ التبريد يقل