تاكيهات سيينا 1600

**Ahmed Hamdy** · 24-06-2010 12:05 PM

سلام عليكم يا جماعة ...
أنا معايا سيينا 1600 .. لما اشتريتها غيرتلها زيت وفلتر وحطيت زيت شل هيلكس ألترا ..
كنت قريت مواضيع كتير فى المنتدى عن إن شركات الزيوت هى اللى بتروج لموضوع إن الزيت يقعد 10000 مش أكتر إنما فى الحقيقة الزيوت الاصطناعية دى بتحتفظ بخواصها وبتعيش أكتر من كده بكتير ..
وكمان فى المانوال بتاع العربية جدول الصيانة مكتوب فيه تغيير الزيت كل 20 ألف .. !!!
فأنا سبته 14000 .. بس قبل ما أغيره بقترة صغيرة بدأت أسمع صوت تكتكة خفيف جاى من ناحية الموتور أول ما أدور العربية لحد ما تسخن وبعدين بيقل أوى .. غيرت الزيت والفلتر ولقيت نفس الصوت برضه ..
رحت لميكانيكى سألته قالى غيرت زيت إمتى قلتله من أسبوع .. قالى عادى بس لما الموتور بيقدم شوية الزيت بياخد وقت شوية لحد ما يسخت ويطلع على الكستبانات .. بس عادى ...
رحت لواحد تانى قالى إنت سبت الزيت كتير قلتله آه شوية .. قالى ماهو الزيت لما بيتساب شوية بيتحرق وده بيخلى ضغط بلوف التاكيهات يضعف .. جرب تغير زيت تانى قريب يعنى بعد 4 أو 5 آلاف .. وهو ممكن يظبط نفسه تانى ..
لو مكانش بتغير باه البلوف دى بس دى بتتم فى التوكيل وغالية ..
فمش عارف ... رأيكوا ايه ؟؟؟

أنا بصراحة متضايق أوى وندمان إنى سبت الزيت أكتر من 10000 .. وعمال أقولى ياريتى كنت غيرته فى ميعاده أحسن .. !!!!!

**motoxp** · 24-06-2010 12:32 PM

يا نهار اسود ده معايا سيينا 1400 برضه وحاطط زيت 5000 عامل بيه 6700 كيلو ربنا يستر بس محصلش معايا الللى حصل معاك ده بس حرارة العربية مرتفعة اليومين دول مش عارف ليه يمكن عشان الجو حار ولا ايه ؟

**Ahmed Hamdy** · 24-06-2010 02:04 PM

المشاركة الأصلية كتبت بواسطة motoxp

يا نهار اسود ده معايا سيينا 1400 برضه وحاطط زيت 5000 عامل بيه 6700 كيلو ربنا يستر بس محصلش معايا الللى حصل معاك ده بس حرارة العربية مرتفعة اليومين دول مش عارف ليه يمكن عشان الجو حار ولا ايه ؟

أنا بصراحة مستغرب ... يعنى حتى لو التأخير فى تغيير الزيت ممكن يكون له تأثير مش المفروض انه يحصل من مرة يعنى .. يعنى ممكن يكون فى تأثير لو بتتأخر فى تغيير الزيت مرات كتيرة ورا بعض ..

فأنا مستغرب بصراحة ..
المشكلة ان الـ 1600 التاكيهات فيها أوتوماتيك .. الـ 1400 تاكيهات ميكانيكا وممكن الميكانيكى يظبطها .. !!

**awazeer** · 25-06-2010 04:49 AM

طب مانا مره سبت شل ده 12 الف ومحصلش حاجه وغيرته بس عشان هو 12 الف مكنش في اي صوت من الموتور
معتقدش انه من تاخير غيار الزيت
صوت التكتكه ده جاي مان انهي منطقه؟ سير الكاتينه بقاله كام كيلو؟

**motoxp** · 25-06-2010 12:49 PM

بقاله 25 الف كيلو سير الكتينه عندى

عاوز اغير الكاوتش اجيب نوع ايه و بكام و ارقام كام ؟

**Ahmed Hamdy** · 29-06-2010 11:19 AM

المشاركة الأصلية كتبت بواسطة awazeer

طب مانا مره سبت شل ده 12 الف ومحصلش حاجه وغيرته بس عشان هو 12 الف مكنش في اي صوت من الموتور
معتقدش انه من تاخير غيار الزيت
صوت التكتكه ده جاي مان انهي منطقه؟ سير الكاتينه بقاله كام كيلو؟

سير الكاتينة بقاله 15000 ...
الصوت بحاول أسمعه جاى منين .. اللى أنا سامعه إنه جاى من الموتور ..

سألت تلاتة ميكانيكية شغالين فى السيينا ..
واحد قالى لما الموتور بيقدم شوية الزيت بياخد وقت على ما يسخن ويوصل للكستبانات .. وعادى متعملش حاجة ..

وفى اتنين قالولى ده عشان الزيت قعد كتير على ما اتغير .. واحد منهم قالى كده بلوف التاكيهات الضغط بتاعها ضعف شوية .. غير الزيت مرة كمان بسرعة يعنى على 4-5 تلاف كده .. قلتله ولو مظبطش قالى يبقى كده لو عايز تغيرها بس ده لازم يبقى فى التوكيل وبتبقى غالية ..
والتانى مكترش فى الكلام وقالى برضه عشان الزيت قعد كتير .. غيره مرتين تلاتة بسرعة ورا بعض .. يعنى على 4-5 آلاف كده .. !!!
مش عارف بأه بس أنا حاسس انى برضه مش مقتنع ... لإن الزيت أنا كنت بتابعه .. صحيح كان لونه غامق ولكن كانت لزوجته طبيعية ومستواه مظبوط ... !!!

**rhanna** · 02-07-2010 11:45 AM

المشاركة الأصلية كتبت بواسطة ahmed hamdy

سلام عليكم يا جماعة ...
أنا معايا سيينا 1600 .. لما اشتريتها غيرتلها زيت وفلتر وحطيت زيت شل هيلكس ألترا ..
كنت قريت مواضيع كتير فى المنتدى عن إن شركات الزيوت هى اللى بتروج لموضوع إن الزيت يقعد 10000 مش أكتر إنما فى الحقيقة الزيوت الاصطناعية دى بتحتفظ بخواصها وبتعيش أكتر من كده بكتير ..
وكمان فى المانوال بتاع العربية جدول الصيانة مكتوب فيه تغيير الزيت كل 20 ألف .. !!!
فأنا سبته 14000 .. بس قبل ما أغيره بقترة صغيرة بدأت أسمع صوت تكتكة خفيف جاى من ناحية الموتور أول ما أدور العربية لحد ما تسخن وبعدين بيقل أوى .. غيرت الزيت والفلتر ولقيت نفس الصوت برضه ..
رحت لميكانيكى سألته قالى غيرت زيت إمتى قلتله من أسبوع .. قالى عادى بس لما الموتور بيقدم شوية الزيت بياخد وقت شوية لحد ما يسخت ويطلع على الكستبانات .. بس عادى ...
رحت لواحد تانى قالى إنت سبت الزيت كتير قلتله آه شوية .. قالى ماهو الزيت لما بيتساب شوية بيتحرق وده بيخلى ضغط بلوف التاكيهات يضعف .. جرب تغير زيت تانى قريب يعنى بعد 4 أو 5 آلاف .. وهو ممكن يظبط نفسه تانى ..
لو مكانش بتغير باه البلوف دى بس دى بتتم فى التوكيل وغالية ..
فمش عارف ... رأيكوا ايه ؟؟؟

أنا بصراحة متضايق أوى وندمان إنى سبت الزيت أكتر من 10000 .. وعمال أقولى ياريتى كنت غيرته فى ميعاده أحسن .. !!!!!

بص يا أستاذ أحمد
كلامك صح بخصوص إن الزيوت الاصطناعية بتقعد أكتر من 10000 وجدول الصيانة مكتوب فيه تغيير الزيت كل 20 ألف
بس الكلام ده مش في بلد حر وفيها تراب زي مصر
نصيحتي روح التوكيل وشوف إيه الموضوع
حكاية تَغيير الزيت ديه كذا مرة ورا بعض يعني كل 4 أو 5 الاف مش داخلة دماغي , برده كلام الميكانيكي الاولاني مش داخل دماغي
خلي بالك الميكانيكية الفتايين كتير
وابقى طمّني