الموضوع: بدون مبالغه انا بغيير بوجيهات كل شهر !؟

السلام عليكم
فعلا بدون مبالغة انا بغيير بوجيهات العربية كل شهر والسبب هو ان البوجيه الواحد نصفه ابيض ونصفه الثاني اسود وعليه طبقة فحم سودا ونقيس علي ذلك بقية البوجيهات.
- سحب ضعيف شوية وتجميع سرعة ضعيف برضوا شويه واستهلاك بنزين عالي داخل البلد 170 كم في الصفيحه وبدون تكييف طبعا وخارج البلد 230كم في الصفيحه .
- انا روحت لورشة موجودة بفيصل فيها ميكانيكي من التوكيل وقالي ان طبيعة الماتور هي كده وده مش عيب ودي حاجة طبيعية في مواتير الويرا.
مع العلم ان ماتور الويرا هو ماتور متسوبيشي انجيكشن.
عملت كل حاجة ومفيش فايدة .
ارجو من الاخوة المحترمين يفكرلي في فكرة وانا اعملها واكون شاكر جدا .
العربية بروتون ويرا 2004 1300cc

السلام عليكم ورحمة الله وبركاته
بعد ازن حضرتك ممكن مشورة من حضرتك مهمة اوى يا استاذ mrwho1982؟
انا جبت عربية سايبا برايد الايرانى وعامل بيها 15 الف ونص عملت الصيانة بتاعة ال 15 غيرت زيت موتور وفلتر زيت وفلتر هوا وفاتر بنزين ونضف الانجيكشن المهم بعديها بيوم او بيومين لاقيت ان سحب العربية مش قوى يعنى مثلا انا بجيب التالت اخره عندى على 45 بالسرعة مش بالار بى ام والار بى ام بيكون عند 2 او 2 ونص المهم بلاقى لما بوصل على السرعة دى بلاقى ان موتور العربية عندى صوته عالى كانى جايب التالت دا على 60 او 80 والسحب مش قوى روحت عنده تانى وقولتلوه على الموضوع دا قالى حنضف الانجيكشن وحنضف البوجيهات وعمل كدا بالفعل بس ملاقيتش فى فرق اوى احنا كنا شاكين انه يكون طقم دبرياج بس الحمد لله مطلعش حاجة فى الطقم وقالى ان الطقم كويس وانا اصلا سوقتى على ادى مش بحرق على العربية ورجلية خفيفة مش تقيلة فممكن بعد اذن حضرتك تقولى اية السبب فى دا؟ مع العلم انه قالى ان المرة الجاية تغير بوجيهات وانا قولتلوه ان البوجيهات لسة اوريجنال وانا لما بدور العربية الصبح بدور كويس جدا فكنت عايز من حضرتك السبب فى الموضوع دا وشكرا جدا لحضرتك