صوت خشونه من اسفل العربيه

**sweetheart_** · 25-06-2010 02:36 PM

بصوا يا جماعه انا معايا عربيه فيورا وفيه صوت خشونه وونه بيظهروا لما اكون ماشى بسرعه وغالباً الصوت دا سواء دايس دبرياج ولا لأ بس طبعا بسمعه بوضوح لما امور والعربيه سريعه الصوت بالظبط عامل زى خشخشخشخكش ومش بيظهر وانا ماشى بطيئ يعنى مثلا ما يظهرش الا لما اسحب بالعربيه لحد 60 70 وبعدين امور الاقيه ظهر وكمان وانا ماشى سريع على الدائرى مثلاً الاقى صوت ونه تعلى وتوطى مستمره كان صوت ونه بيرف وووه ووه ووه رحت لميكانيكى رفع العربيه وجرينا العجله اللى ناحية الفتيس ومورت الصوت ظهر وبعدين قاللى ممكن زيت رحت حطيت زيت تقيل 140 الصوت راح يوم ورجع تانى قولت اكشف على الزيت لقيته منقصش حتى نقط اول ما فتحنا الطبه الصوت جاى من ناحية الفتيس ومفيش اى عضه فيه مش عارف اعمل ايه عايز احل المشكله بطريقه صح وقريت مواضيع الفتيس كلها مفيش صوت مشابه فكنت عايز اعرف هل فيه حاجه ناحية الفتيس ممكن تعمل صوت الخشخشه الخشونه دا والونه ولا ايه بالنسبه لبلى العجل سليم والصوت مش جاى من العجل اصلاً والكبالن جديده وصلايب عواميد الكبالن الميكانيكى قالى سلام وميعملوش الصوت دا ممكن تكون ايه وهل الفتيس فى حاجه قريبه منه تدى احساس ان الصوت يكون منه يعنى فى مثلا جزء من الدبرياج قريب من الفتيس وفيه بلى ولو الفتيس هو اللى بايظ ايه اللى ممكن يكون بايظ فيه بيعمل الصوت دا من غير ما يكون فى صعوبه فى النقل
معلش انا طولت عليكم

**sweetheart_** · 25-06-2010 04:25 PM

منتظر رد الباش مهندس سمير والاعضاء وياريت تقولولى لو كشفت على الفتيش والدبرياج الميكانيكى هياخد كام عشان يطلع الموتور وكمان لو بليه هتتعرف انهى بليه لو شافهم ولا لازم تبقى راكبه عشان خايف اغير بليه غلط والعيب يفضل زى ما هو ياريت الاعضاء يقولوا رايهم

**sweetheart_** · 26-06-2010 08:45 AM

ايه يا جماعه انا مش متعود على كده ولا رد واحد ؟؟؟؟؟؟؟؟؟؟؟؟
لسه عندى امل ان حد يرد

**sweetheart_** · 27-06-2010 08:36 AM

مكنش العشم

**m_mekkawy** · 27-06-2010 02:53 PM

دى بلية الصره بتاعة فرده من الفرد وده تعرفه من الناحيه اللى جاى منها الصوت وع العموم الميكانيكى بيرفعها ويلف العجله بيعرف الخشونه جايه من فين (مفيش حاجه ممكن تعمل كده غيره)