هو حب تاني عيل ..زي حب أول عيل !!!!! سؤال لأصحاب العيال 2 فما فوق

**Ahmed Samy** · 29-06-2010 12:01 AM

الحمد لله انا عندي مايا عندها سنة و اربع شهور

ومالية علينا الدنيا و ما بتنيمناش الحمد لله

المهم ان في السكة بعون الله و ستره طفلة أخرى

بس انا مش عارف ..مش حاسس بيها زي ما كنت حاسس بسكر بابا -مايا- وهي لسة حتى قبل الولادة

ومش حاسس انها هاتكون زيها ....وساعات اقول هو انا هاحب الاتنين زي بعض ازاي

طب ماهي مايا مننا و علينا و عارفينها و عارفانا ههههههههههه انما الجديدة دي الله أعلم

و ناس تقول ان الصغيرة هاتحبها اكتر من القديمة (اللي هي مايا يعني ههههه)

و برضه مجرد اني احب الاتنين زي بعض بتصعب عليا سكر بابا و باحس اني باخد منها حاجة

انا مش مجمع الصورة كويس بس عايز اعرف من اصحاب العيال

هو بيبقى الشعور ايه!!!

في استطلاع فوق الله يخليكم شاركو فيه علشان يبقى مرجع ليا احبها ولا لأ

**نور القمر** · 29-06-2010 12:09 AM

طبعا مقدرش اشوف الموضوع ده ومدخلش اقولك الف مبروك ويتربوا في عزك وربنا يحفظهم من كل شر
الطفل الجديد غصبا عن اي حد لازم بياخد مكان اللي قبليه في سن معين يعني لما يبتدي يلاغي ويعي الاشخاص اللي حواليه ويفرض وجوده
المهم ان الابوين ما يظهروش حبهم وشغفهم بالطفل الجديد قدام القديم خصوصا ان الكبير فاهم والصغير لسه مش فاهم

**2faster** · 29-06-2010 12:10 AM

نصيحة لله

خلي بالك انت لما الطفل التاني بيجي والناس طبعا مهتمين بيه اكتر

الطفل الاول ممكن يكره

الطفل التاني

فخد بالك من الموضوع ده

مثلا لو جبت للطفل التاني هديه في السبوع

متنساش

الطفل الاول وبرده جبله هديه انتا كده هتخليه يحب اخوه

اكتر

(حب اللي يقرب منك و بيحبك اد ما بتحبه)

**hesham_tawfiq** · 29-06-2010 12:10 AM

ياباشا الف مبروك مقدماوربنا يتمم بالستر والخير ان شاء الله

انا عندى بنتين برضه بس بصراحه بحب الكبيره اكتر سنه بسيطه مع ان التانيه عفريته اكتر وشقيه اكتر

احسن لقب هتحبه باذن الله ابو البنات" لقبى المفضل " :-)

مبروك مره تانيه ويتربوفى عزك باذن الله

**ecybrarian** · 29-06-2010 12:16 AM

الحقيقة الحب واحد..بس الاهتمام المبالغ فيه مع الطفل الأول بيقل مع الطفل التاني لأن الأبوين اصبح عندهما خبرة!!
بارك لله لكم وبارك في ذريتكم ورزقكم الخير كله عاجل ليس آجل

**Abo_Lina** · 29-06-2010 12:18 AM

أنا عندي بنت عمرها ٨ شهور
ساعات بفكر إني لو جبت طفل تاني فده خيانة للطفل الأولاني !
بس عموما لا تفكير في أطفال قبل ٥ سنوات ..ممكن وقتها الواحد يشتاق و يحب يكرر عملية الإنجاب

**Gabrial** · 29-06-2010 12:19 AM

هو أنا مش متجوز بس أنا جربت الموضوع دة مع بنات أختي ،و أنا علاقتي معهم قوية جداً إلى أبعد درجة يمكن ذي والدهم ،البنت الكبيرة كانت و مازالت نور عيني و مكنتش متخيل إن أي حد ممكن ينافسها ،لما الامورة التانية جت في الاول مكنتش بحس انها ذي الكبيرة عشان كان في عشرة جامدة معها بس بمرور الوقت الموضوع دة عدة و هما الاتنين لهم نفس المعزة ،و أحلى حاجة في الدنيا و مش عاوزني اتجوز عشان متشغلش عنهم .بس ماتندفعوش أوي في الانبهار بالمولود الجديد قدام البنت الكبيرة لاحسن ممكن تقلبها ضلمة ،ألف مبروك ،و إن شاء الله المدام و البيبي يكونو في أتم صحة .

**M.Osman** · 29-06-2010 12:57 AM

بجد مش عارف اقول اية غير ألف مليون مبرووووك يا دوك .... يتربوا في عزك ان شاء الله

اظرف حاجة ان المشوار اللي كنت فيه النهاردة وخلاني الف من اليوتيرن اللي قابلت حضرتك عنده كان بسبب مشوار اطفال برضه !!

**Amr A.salam** · 29-06-2010 01:09 AM

أوبااااا ....ألف مليون دشليون مبرووك مقدما يًا دوك

بس في حاجة صغيرة فاتتك

هتعمل ايه بقى لما البنوتة الجديدة تكبر كدة وتبقى عضو في نايل موتورز وتشوف الموضوع دة

هتقول بابا كان بيعمل استطلاع يحبني ولا لأ ؟؟؟؟؟ :)

مش هنتقابل يا دوك ولا ايه ؟؟؟

**Ahmed Anwer** · 29-06-2010 01:30 AM

ألف ألف ألف مبروووووك أولا ،،،

و يتربوا في عزك

ببساطة ،،، الابن الثاني ،،،

أنا حاليا شخصيا بعزه أكتر شوية من الأولاني

زي ما تقول كده لسه صغير و كوميدي و مكعبل في بعضه كده

فبحبه أكتر سنه

قصة صغيرهم حتي يكبر

أعتقد لما يكبروا حتكون قصة من اللي بيريحك أكتر من اللي ناجح أكتر و بتفتخر بيه

كده يعني

مشاهدة نتائج الإستطلاع: مين بياخد الحب و الاهتمام اكتر

الموضوع: هو حب تاني عيل ..زي حب أول عيل !!!!! سؤال لأصحاب العيال 2 فما فوق

LinkBack

أدوات الموضوع

عرض

هو حب تاني عيل ..زي حب أول عيل !!!!! سؤال لأصحاب العيال 2 فما فوق - انشر الموضوع فى :

-

-

-

-

-

المواضيع المتشابهه

ممنوع لأصحاب القلوب الضعيفة ... تاني ممنوع أنا مش مسؤل على إلي ممكن يحصلكم

سؤال لأصحاب الخبرة

سؤال لأصحاب الخبرة

سؤال لأصحاب الانسر

سؤال مهم لأصحاب اللانسر

الكلمات الدلالية لهذا الموضوع

المفضلات

المفضلات

ضوابط المشاركة