مكواه ولا بومه

**bmya** · 01-07-2010 01:49 PM

المشاركة الأصلية كتبت بواسطة أحمد كمال

مفيش علاقة بين رقم الاوكتان و انسداد الرشاشات !

رقم الاوكتان مالوش غير معنى واحد .... البنزين هيستحمل ضغط قد ايه قبل ما ينفجر ذاتيا بدون اشعال

و على فكرة .... البومة برضه ماسكة سعر كويس جدا .....

المشاركة الأصلية كتبت بواسطة أحمد كمال

مفيش علاقة بشلن ما بين الكاربراتير و البنزين 80 !!!!

الانجكشن او الكاربراتير مالهمش علاقة بالرقم الاوكتاني

اللي ليه علاقة معامل انضغاط المحرك كل ما يعدي رقم معين كل ما تحتاج بنزين اعلى

و في نفس الوقت ..... البومة فيها knock sensor & engine retarder يعني لو حطيت لها بنزين اوكتانه اقل من المطلوب بترجع دورة الاشعال بدري شوية عشان الموتور ما يسقفش بس في مقابل ضعف الاداء

الله يفتح عليك يا احمد باشااااااااااااا

**أحمد كمال** · 01-07-2010 04:30 PM

المشاركة الأصلية كتبت بواسطة mr_vampire

اولا انا بتكلم عن انسداد الرشاشات او البخاخات بسبب الرواسب او نسبة الرصاص الاعلي في ال 80 ( مبتكلمش عن رقم البنزين كرقم اوكتان ) بدليل فلاتر البنزين اللي بتتغير او بنشوفها فيها شوائب اكتر في العربيات اللي بتستخدم بنزين 80. ثانيا كدة كدة لازمة البومة تكون ماسكة سعر كويس لانها عربية موديل حديث من اول 2004 وانتا طالع انما لما تلاقي عربية موديل 2001 او 2002 او 2003 (مكوة ) ماسكة سعر كويس وقريب جداااااااااا من سعر بومة وممكن كمان بسعرها تجيب بومة 2006 او 2007 هي ده بقي اللي تقدر تقول عليها ماسكة سعر. مش اجيب عربية موديل معداش عليه غير كام سنة واقول ماسكة سعر ماطبعا لازم لانها تعتبر لسة زيرو. ولا ايه رايك ؟؟؟؟؟؟؟؟

حضرتك مفيش رصاص أصلا في البنزين في مصر

ثانيا اما كان فيه رصاص من اكتر من 15 سنة .... كان الرصاص في البنزين 90 أكتر من البنزين 80 لأنه بيعلي الحرق !!

فمفيش حاجة اسمها بنزين 80 بيسد الرشاشات

بالنسبة لموضوع السعر فاحنا ممكن نقول نفس الكلام عالكريستالة (1999 !)