رجاء نصيحتي أشتري لانسر مكواه ولا بومه أيه الأفضل فيهم؟ وهل جميع موديلات المكواه 1300 سي سي؟
عرض للطباعة
رجاء نصيحتي أشتري لانسر مكواه ولا بومه أيه الأفضل فيهم؟ وهل جميع موديلات المكواه 1300 سي سي؟
ايوة كل المكوة اللي في مصر 1300 ومنها مانوال او اوتوماتيك بس انا انصحك بالمانوال لو هتجيب مكوة عشان متحسش بضعف اوي مع التكييف. ثانيا انصحك بالمكوة عن البومة لانها كاربراتير وممكن يتحطلها 80 لو زنقت معاك ماديا لا قدر الله وتظبط كهاربة العربية وتمشي تمام. انما لو عايز بومة بقي يبقي تجيب 1600 ولاحظ ان الفرق في سعر المكوة من 2001 لحد 2003 مش كبير لحد بومة 2006 او 2007 او 2008 بس ال 1300 وده متهيالي دليل علي ان المكوة ماسكة سعر ومحافظة عليه. وتبقي تقولي وصلت لايه
بصراحة اتفرجت على عربيات مكواة كتير وما لقتش حاجة كويسة تتركب.
اتفرجت على عربية 2005 بومه فبريكة بره وجوة ما عدا اكصدامين ورفرف ووصلتها لصاحبها 64 ألف وهو ماسك في 65
بس العربية فيها كاسيت أي كلام من الرخيص أبو 100 جنيه مش الكاسيت الأصلي وسألته عليه يقولي مش عارف ودا اللي خلاني ما أزودش عن كده وبصراحه سبتها وقولت أشوف حاجة تانية.
انتا بتشتري عربية مش كاسيت فاتفرج علي عربية وعلي اساساتها شاسيه موتور عفشة رشة ولا لاء. بس انا لسة برده عند رايي انك تشوف مكوة وكمان متزهقش بسرعة انتا بتشتري مستعمل يعني في واحد بيحافظ وعشرة مبيحفظوش ادخل علي موقع كار 100 100 وادخل علي الميتسوبيشي واتفرج براحتك
كار 100 100 دا صراحه طريقه عرضه للعربيات والمعلومات جامده جدا يعتبر افضل موقع بيعرض عربيات مستعمله وانا متابعه علطول من حوالى سنه او اكتر
لكن للاسف الاسعار اللى فيه عاليه حبتين عن الطبيعى واكتشفت انه بيبقى فيه تجار كتير .. وان روحت تشوف عربيه مستعمله ولقيته تاجر تاخد بعضك وتهرب بسرعه حتى لو العربيه طياره
:shine[1]:
ربنا ييسر الحال
مفيش علاقة بشلن ما بين الكاربراتير و البنزين 80 !!!!
الانجكشن او الكاربراتير مالهمش علاقة بالرقم الاوكتاني
اللي ليه علاقة معامل انضغاط المحرك كل ما يعدي رقم معين كل ما تحتاج بنزين اعلى
و في نفس الوقت ..... البومة فيها knock sensor & engine retarder يعني لو حطيت لها بنزين اوكتانه اقل من المطلوب بترجع دورة الاشعال بدري شوية عشان الموتور ما يسقفش بس في مقابل ضعف الاداء
ممكن حضرتك تكون بتتكلم صح في موضوع الانضغاط بس متهيالي برده ان البنزين 80 مينفعش خااااااااااالص مع الانجكشن عشان ممكن يسد البخاخات او الرشاشات بتاعة الانجكشن انما في الكربراتير بيبقي كباس او خرطوم بينزل بنزين علي شمعات الاحتراق ( زي العربيات القديمة ) وطبعا كدة كدة في فرق. بس علي فكرة انا جازفت وحطيت بنزين 80 في لانسر مكوة بعد ماشوفتها مع ناس كتير وكرستالة كمان وماشية تمام .في الاول سقفت شوية بعد ماشورة الشباب هنا روحت ظبطت الكهربا والحمد لله بعت تمام اوي زي ماكنت ماشي بيها علي بنزين 92 (بس ساعات بترجرج لما ابطلها وده كهربا عالية مش بنزين). عموما برده عشان منخرجش من موضوعنا انا لسة عند رايي ان صاحب الموضوع يشتري مكوة ومش هيندم والله ان شاء الله فعلا هتحافظ علي فلوسك في عربية ماسكة سعرها لو حبيت تبيع بعد كدة.