مشكلة بلى العجل الامامى

**uhlphp** · 30-06-2010 11:13 PM

عندى مشكلة فى بلى العجلة الشمال الامامية كذا مرة البلى يبوظ واغيرة وعادة لما يبوظ مبيعملش ونة ولكن يصدر صوت طقطقة وتكسير غريب ( مع العلم ان هذا الصوت ليس من الكبالن ) ودى رابع مرة اغير بلى العجلة الشمال .

لما سالت قالو ان مكان وضع ظرف البلية داخل الشمعدان بوش وان الظرف بيتحرك من مكانة ولازم اغير الشمعدان وفعلاً غيرته وجبت بليتين يابانى وكبستهم عند الخراط وركبت وبعد فترة لقيت نفس صوت الطقطقة رجع تانى ومش عارف اعمل اية واية المشكلة القى فى العجلة تخليها تبوظ كدة .

**samirayad** · 01-07-2010 12:23 AM

جرب تغير صرة الفرده اللى بيبوظ بليها معاك على طول دى

جايز تكون الصره ملووحه فعلا

**m_mekkawy** · 01-07-2010 02:40 PM

الفرده برضو لو مش موزونه بتبوظ البلى بسرعه

**uhlphp** · 02-07-2010 12:38 AM

انا ناوى ان شاء الله اشترى جنب كامل وريح نفسى ولكن انا قولت استفسر جايز يكون حد قابل المشكلة ديه قبل كدة وقدر يتوصل للسبب الرئيسى لانى شايف ان بوظان البلى بالسرعة ديه غريب اوى .

واشكر حضرتك على المساعدة

**uhlphp** · 05-07-2010 06:34 PM

معقولة مفيش حد قابل مشكلة ذى ديه قبل كده من اعضاء المنتدى

**samirayad** · 05-07-2010 08:05 PM

انا ناوى ان شاء الله اشترى جنب كامل وريح نفسى

إذا عزمت ..........فتوكل على الله

**elkholy_1981** · 06-07-2010 12:34 PM

المشكلة دى موجودة فى الكيا برايد
و حلها أن فى جلبة ( قطعة كاوتش ) بين الرومان بلى فى الفردة الواحدة و دى بتتعمل عند خراط لانها مش بتباع جديدة او أستعمال
جرب كدة يمكن تكون هى السبب فعلا
مع العلم أن المشكلة دى موجودة فى الكيا برايد و المازدا 121 بس أول مرة اعرف انها ممكن تكون موجودة فى 323
بس جرب مش هتخسر حاجة

**uhlphp** · 06-07-2010 06:26 PM

انا ان شاء الله عزمت .... وساشترى جنب كامل

ولكن انا باحاول انى اعرف اساس المشكلة فين لانى من الممكن انى اشترى جنب كامل وبعد فترة القى نفس المشكلة فى البلى او انى اجد البلى بايظ واغير البلى واجد بعد فترة المشكلة موجودة .

اما بالنسبة لوجود المشكلة فى الكيا برايد من الجلبة الكاوتش فانا قراءت هذه المشكلة منذ فترة وجايز تكون من الجلبة الكاوتش وانا شوفت الجلبة ديه وانا بكبس البلى عند الخراط ولكن عندى كانت حديد وكانت مكسورة والخراط عمل واحد تانية بنفس المقاسات وده محيرنى فى ان هل الجلبة ديه كانت كاوتش واتغيرت بحديد ولا هى حديد فى الاساس وهل المشكلة منها ام من الصرة ام من البلى ام من الخراط .

واشكركم على المساهمة فى الوصول للمشكلة الرئيسية .