الموضوع: هواء سخن داخل الردياتير؟!؟!!

المشاركة الأصلية كتبت بواسطة sigmaa

السلام عليكم ورحمة الله وبركاتة

انا عندى استفسار صغير ارجو من اهل الخبرة الافادة عشان الموضوع دة حيرنى مع صنايعية كتيير

اية الاسباب اللى تخلى الردياتير او دورة التبريد عموما يبقى فيها ضغط هوا سخن بيؤدى الى التنفيس من اى منطقة ضعيفة فى الردياتير وبالتالى المية بتنقص جامد

عشان عندى الخراطيم اللى طالعة من الردياتير وداخلة على المتور (وبالأخص الخرطوم اللى داخل على وش السلندر ) منفخ جامد وبيسرب مية واما سئلت بتاع الردياتيرات قولتلو اغير الخرطوم دة واجيب واحد جديد قالى حيبقى هو هو والعيب فى جوان وش السلندر خلى الميكانيكى يئرط علية جامد عشان بيسرب هواء سخن المهم اما روحت للميكانيكى شال غطاء الدرياتير وقالى جرب امشى بيها شوية كدة وتعالالى جربت امشى بيها وقعدت احرق على الغيارات عشان العربية تسخن مابتسخنش جت عند علامة قبل النص كدة ووقفت المهم رجعتلو ركب الغطاء وقالى جرب وجربت امشى بيها والغطاء راكب العربية سخنت جامد العلامة عدت النص بكتير والمية نقصت بمقدار 3-4 كوبايات المهم اما رجعتلو سيبتهالو ساعتين وعديت علية قالى الجوان كان مربوط على الاخر ومابينفسش بس انا ظبطتلك التاكيهات كانت نصها مفتح ونصها مقفول المهم لاحظت ان معدل السخونة بيزيد والمية بتنقص جامد كل ما اركب غطاء الردياتير الجديد (دة مش نوع جديد لا انا بس لسة شارية فبقول علة جديد)والميزة فية انو (بيحكم دورة التبريد وبيمنع تسرب الهوا)
فلاقيت ان الحل كان عندى غطاء قديم بيسرب هواء بقيت اركبو وماقفلوش لأخرو وفعلا الحرار بقت طبيعية والمية بتنقص بالمعدل الطبيعى
فالسؤال هنا مش المفروض كل ما تكون دورة التبريد محكمة من اى تسريب هواء كفائتها تبقى اعلى طب انا عندى العكس لية ؟؟؟ والهواء السخن دة بييجى منين ؟؟!!
ثانيا غلط اما امشى بالغطا وهو مفتوح كدة ولا عادى ؟؟!!
مع العلم لسة منضف الردياتير ومسلكو ومافيهوش اى اخرام او صدى او عائق عموما فى دورة التبريد
ولسة مغير زيت من حوالى 5 ايام
والعربية دفع خلفى مافيهاش مروحة كهربا عشان ماحدش يقولى بص على الثرموستات

المشكلة دى كانت عندى وكان الخرطوم بيتنفخ بطريقة غريبة وغيرت الخرطوم وضرب منى -الجديد-لحد ما فكيت الوش وظبطته وغيرت الجوان والمشكلة الحمد لله اتحلت تماما