مشروع الكافيه

**hobaz** · 05-07-2010 03:48 AM

السلام عليكم ورحمة الله وبركاته

مش عايز اتكلم كتير واطول على حضراتكم,,,,

المعطيات:

الموضوع باختصار شديد ان في واحد اعرفة طالع في دماغة اليومين دول انو يعمل مشروع لذيذ كده على قده علشان يأمن مستقبله ويعيش حياة كريمة (ملوش خبرة ولسة هيبدأ من الصفر)....

المهم ان هو مقتنع جدا بفكرة افتتاح كافيه وشايفها من انجح المشاريع المربحة ومش محتاجة راس مال خرافي (مش متفق معاه بصراحة في النقطة ده خالص لأني شايفها محتاجة مبلغ محترم).....

وبما اني مش بحب الفتي فقولت اسأل اهل الخبرة هما اللي هيدلوني باذن الله...

المطلوب:

دراسة المشروع بتأني من ناحية:

المشروع ايه مميزاته وعيوبه...؟
نسبة نجاحة.....؟
ايه المطلوب لأتمامه (تراخيص - ادارة - ........الخ)...؟؟؟
التكلفة المبدأية للمشروع....؟؟؟
لو في اقتراحات لمشاريع افضل واضمن...؟؟

ده اللي انا فكروا من اسئلة الأمتحان..... قصدي من اسئلته

اسف للأطالة....

**ahmed88hassan** · 05-07-2010 04:03 AM

بلاش المشروع اساسا...
لأنه حرام لأنه هيقدم فيه شيشة وكده
اما عن الميزانية .. مقدرش افيدك فيها

**Abdo_Eldesokey** · 05-07-2010 05:40 AM

عايز يعمل كافيه يبقى ميقدمش شيشة ، وبالتالي مش هيشتغل .. يبقى المشروع فاشل من الأساس

**windofchange** · 05-07-2010 07:19 AM

طيب ميعمل كافيه من غير شيشه وهتبقي جامدة وربنا سبحانه قال "ومن يتق الله يجعل له مخرجا ويرزقه من حيث لا يحتسب" واكيد هيبقي ليه زباينه بس يهتم بجودة المشروبات وينوع فيها يعني المتخصصين فالشيشه في منهم كوبايه الميه طعمها سم والله ولون الميه اصفر والسحلب طعمه في كيميا يعني غريب جده مبقولش يجيب سحلب طبيعي لأ حاجة محترمة كسحلب وبدل المياه المعدنيه فلتر محترم ب200 300 جنيه وشمعه خزف درجة تنقيتها styrasel وكل متتوسخ قول كل 3شهور تتغسل وبفرشه مواعين لغاية 100 مرة وده اللي ينصح بيه وبعدين يغيرها كل ده هيجيبل زبون دائم ان شاء الله والمشروع ينجح

**amro1965** · 05-07-2010 08:18 AM

كوفى شوب من غير شيشة فى مصر مش مربح
للاسباب الاتية
اللى بيجعل الكوفى تشتغل هى الشيشة مع اختلاف الراى لانها هى السبب الوحيد اللى بيجذب الاشخاص للجلوس فى الكافى شوب مع احتساء بعض المشروبات المختلفه منها المثلج بانواعه او الساخن برضه بانواعه
ومن غير شيشة عادى اى شخص ممكن يشترى كنز مثلا ويشربه فى عمله او فى سيارته وبالنسبه للساخن ممكن ترمس شاى يجعله فى سيارته
من الاخر
اى مشروع له جانبين مصروفات وايرادات
من غير شيشة هتجد مصروفات اكثر من ايراداتك
نيجى للمصروفات الشهرية مثلا
كمثال طبعا
ايجار 2000جنيه لانك محتاج مكان كويس على الاقل
3 عمال فى 75 جنية فى اليوم بفرض ان الكوفى هيشتغل وردية واحده 225 جنية فى 30 يوم حوالى 6750 جنية
مياة وانارة واهلاكات واكراميات الحى والاشغال حوالى 1000 جنية
وجبات يومية على عاتق صاحب الكفى شوب يعنى غذاء مثلا وماشابه ذلك 25 يوم فى 30 يوم يساوى 750
اهم شىء مصروف صاحب الكوفى هنقول 75 جنية فى 30 يساوى 2250
اجمالى المصروفات الشهرية يساوى 12750 جنية
متوسط المصروف اليومى يساوى 12750 على 30 يساوى 425 جنية

**m_mekkawy** · 05-07-2010 08:37 AM

اهم حاجه لا دراسة جدوى ولا بطيخ
الموووووووووووووووووقع اهم جاااااااااااااااااااااااا جه

**m7nsh** · 05-07-2010 09:09 AM

على فكره انا مش مع فكره ان طول ما مافيش شيشه يبقى محدش هييجى !! مش شرط خالص يا رجاله !!
الكافى النضيف و المحترم (و اهم حاجه الناس اللى فيه يكونو شباب محترم و بيعرف يتعامل و عيال مظبوطه و بتاعت شغل و عاوزه تاكل لقمه عيش محترمه ) بيفرض نفسه و الناس بتروحه حتى لو مافيهوش شيشه .. وبس لازم الأهتمام بجوده الطلبات لأنها الأساس
انا الكافيه اللى باقعد فيه انا واصحابى بقالنا مده كبيره جدا مفيهوش شيشه و دى ميزه كبيره بالنسبالنا لأن اغلبنا مش بيدخن او بيشيش .. واللى بيشربو ممكن يروح قهوه تانيه فى السريع فى اوقات تانيه و خلاص على كده.. و الكافى دايما شغال ماشاء الله و زى الفل و شادد حيله .. اينعم انا معاكو ان الشيشه بتجيب زباين اكتر و بتدخل فلوس اكتر بدون شك .. بس القصد ان من غير الشيشه الحوار شغال و شغال لوز كمان

**aly_moh** · 05-07-2010 09:46 AM

نصيحة شخصية بلاش قهوة لان
1 - لازم هتعكل شيشة و حرام .
2 - شكلك مش معلم و هتتقلب لازم تكون صايع ومقطع التى شيرت
3 - القهاوى كتير جدااا و اكتر من الصيدليات

فكر فى التجارة اى تجارةحتى لو تفتح محل عطور , تجيب عربية نص نقل و توزع اى حاجة

**hobaz** · 05-07-2010 11:35 AM

اولا انا بشكر حضراتكم على الأهتمام ده.....
هو ياجماعة بالنسبة للشيشة بيتهيألي مش مقياس لأني اعرف كافيهت كتير جدا وناجحة مفهاش شيشة (مع ان مكسب الشيشة مش قليل)....

انا كلمته من شوية وهو مش ناوي يعمل شيشة اصلا.....

**بحري** · 05-07-2010 11:36 AM

أتمنى أن تكون هناك أماكن يمكن الالتقاء فيها للأصدقاء ولزملاء العمل والرغبين في مناقشة مواضيع ما وتكون هذه الأماكن خالية من المخالفات الشرعية العديدة الموجودة في الكافيهات الحالية وليس فقط مجرد الشيشة
الكافيهات الحالية هي أماكن لتضييع الوقت والعمر ولا أتخيل أن يكون كسب قوتي ورزقي من خلال تضييع أعمار الناس وصحتهم واستقرارهم النفسي
فياريت صحابك يدور على حاجة نافعة للناس ومنها طبعا التجارة وينتوي نية طيبة وربنا يوسع عليه

الموضوع: مشروع الكافيه

LinkBack

أدوات الموضوع

عرض

مشروع الكافيه - انشر الموضوع فى :

-

-

-

-

-

-

-

المواضيع المتشابهه

عاوز أعمل مشروع .. زهقت من الشغل .. بفكر ف مشروع مطعم كريب

رسالة من جزائري لموبيل صاحبي النهاردة و إحنا في الكافيه!!

مشروع كسبان 100% أضمن مشروع يدر عليك ربح

اريد نصيحه عند شراء كورولا مستعمل لعدم وجود الخبره الكافيه

الكلمات الدلالية لهذا الموضوع

المفضلات

المفضلات

ضوابط المشاركة